Hadii aan Raila madaxweyna noqon, Dalka nabadi kama jiri doonto... No
Raila No Peace
Dalka Kenya oo ah dal ku yaala Geeska Afrika-da bari oo ah
deegaano u nugul Colaadaha qabiil iyo Burburka ayaa waxa uu horey ahaa dalka ugu
Xasiloon Afrikadda Bari, waxana uu wadankani Qoobiyadaha ku nool Gobalka oo dhan
u ahaa Gabaad ay maciin bidaan ooay naftooda iyo maalkoodaba ay ku Aaminaan
Ka dib markii ay bilawdeen Doorashooyinka wadanka Kenya oo ay ku tartamayeen
Axsaabta Siyaasadda ee kala ah ODM oo uu hugaamiyo Hon. Raila Odinga yo PNU oo
uu hugaamiyo madaxweynaha Talada haya hadeerna sheegtay in uu ku guulaysta
Doorashooyinkii abuuray Qaska iyo Fawdada Hon. Mwai Kibaki
ku dhawaaqista Doorashooyinka oo qaadatay Muddo maalmo ah sababtayna in ay kala
shakiweyni soo dhex gasho Gudiga Doorashadda iyo Asxaabta ayaa waxa ay sababtay
in Rabshado aan wali dhamaani ay ka bilawdaan guud ahaan dalka Kenya oo dhan
Galabnimadii Axadii markii Gudoomiyaha Gudigga ECK ee ku dhawaaqay Natiiojadii
Doorashadii dhacday Maalinkii Khamiista ahayd ayaa waxa diidmo kala horyimi
Xisbiga Mucaaradka ah ee ODM, oo Aaminsan in ay ku Guulaysteen Doorashooyinka
Madaxweynenimadda balse ay PNU iyo ECK ay wax isdabo barin sameeyeen
Taageerayaasha Hon Raila ayaa waxa ay Rabshado aan dhamaan ka wadaan Guud ahaan
Dalka oo dhan, waxa ayna Dilayaan cidii ay u aqoonsadaan PNU iyo in ay yihiin
Qabiilka Madaxweyne Mwai Kabaki (Kuukuuyo), Rabshadan oo ay san Police-ku waxba
ka qaban kari waayeen ayaa waxa ay sababeen Dagaalo ka fool ka fool ah oo dhex
maraya Ciidanka Police-ka iyo Taageerayaasha ODM
habenimadii xalay waxa uu Dagaal la isku adeegsaday Qoryaha fududi uu ku
dhexmaray Ciidanka Police-ka iyo taageerayaasha Raila deegaanka Madaara ee
Degamadda Kamankuji oo ku taala Bariga magaaladda Nairobi , hase yeeshee wali
lama oga khasaara uu geysta Dagaalkii xalay,
dhinac kale waxaa Magaaladda Eldoret oo ku taala Galbeedka wadanka ay
Taageerayaasha ODM shalay ku gubeen Kaniisad ay ku Cibaadaysanayeen dad , sidoo
kalena cidii ka badbaadda Dabka ay Taageerayaashu surka ka jarayaan , dadka ku
sugnaa magaaladda Eldoret oo aan la xidhiidhay ayaa ii sheegay in ay Dhimashadu
kor u dhaaftay Boqol qofood.
Waxaa wali xidhan isku socodkii gobaladda dalka iyada oo aysan
jirin baabuur ka shaqaynaysa gobaladda oo ay ka walwalsan yihiin in ay
dhibaatooyin soo gaadho inta ay ku jiraan wada, waxaa kala oo wali xidhan
goobaha Ganacsiga ee Magaalooyinka waa weyn ee dalka oo dhan, magaaladda Nairobi
ma jiraan Dukaano furan oo looga soo adeeganayo Xaafadda Islii oo ay ka furan
yihiin saaka dhawr Meheradood mooyee, waxaa dadka Kenyanka ah soo foodsaartay
wal wal iyo cabsi ay ka qabaan Xaaladda wadanku sida ay noqon doonto
Musharax Xisbiga ODM Hon Raila Odinga ayaa isagu aaminsan in uu yahay
Madaxweynaha Sharciga ah ee wadanka Kenya isla markaasna doonaya maalinka
khamiista ah in Beertaha Xoriyadda (Uhuru Parka ) lagu dhaariyo, iyada oo
maalinkii Isniinta ahaydna uu Police-ku ka hor istaagay hase yeesheen waxa uu
Raila taageerayaashiisa u sheegay in maalinka Khamiista ah 1m oo qof ay isku soo
bixi doonaan uuna war galiyey Police-ka balse lama oga waxa ay Police-ku ay ka
yeeli doonaan
waxaana macquul noqon doona in maalinka Khamiista ah ay Magaaladda Nairobi ka
dhacaan Dagaalo iyo Qas iyada oo ay rabshaduhu wali socdaan, taageerayaasha
Raila ayaa sheegay hadii aan Raila madaxweyna noqon in aan Dalka nabadi ka jiri
doonin (No Rail No Peace )
isku soo wada duubo waxaa Dalka ka dhacday Dagaalo iyo Bililiqo, dadka ku
dhintay ayaa waxa ay gaadhayaan tan iyo intii natiijadii doorashooyinka lagu
dhawaaqay 300 oo qof halka uu dhaawac ka soo gaadhay tiro intaas ka badan,
biliqo xoog leh iyada oo goobo badan oo ganacsi ah biliqaystay ayna ugu daran
yihiin magaalooyinka Mombasa iyo Kasumu oo uu ka soo kala Jeedaan Raila Odinga
iyo Najib Balala
Dhinac kale dib lu maasiyiinta Aduunka u jooga Dalka ayaa ka horyimi
Madaxweynenimadda Mwai Kabika, waxa ayna sheegeen in aysan ahayn wax la aqbali
karo, Safiirka maraynkanka u jooga wadanka oo horay u Taageeray Natiijooyinkii
ay ku dhawaaqeen ECK ayaa hadeer sheegay in lagu celiyo Codadka la isku haysto
Cabdiqani Makhtal Maxamed
Cabdiqanimakhtal@hotmail.com
254726950180
Faafin: SomaliTalk.com | Jan 3, 2008
|