Yusuf Hassan: wali waan u taaganahay Jagaddda Xildhibaanimada…!!
Warsaxaafadeedkan ka soo baxay Xafiiska Yusuf Hassan ee Magaalada Nairobi ee
dalka Kenya ayaa lagu beeniyaya in uu u tanaasulay Ibraahim Axmed oo u sharaxan
Xibiga ODM.
Warsaxaafadeedkan ayaa sidoo kale lagu sheegay in Yusuf Hassan wali uu yahay
musharax u taagan Jagadda Xildhibaanimada ee Deegaanka Kamankuji. Yusuf oo
markii hore ka tirsanaa Xisbiga ODM, balse haatan waxa uu ku jiraa Xisbiga
ODM-K.
Yusuf Hassan. Xisbiga ODM-K.
Warsaaxafadeedkan sidoo kalle waxaa lagu canbaareeyay warka beenta ah ee
dadka qaar isla dhaxmarayaan gaar ahaan hadalka la sheegay in uu ka soo yeeray
Ibraahim Axmed oo deegaanka Kamankuji ay ku wada loolamayaan.
Deegaanka Kamankuji codbixintii ka dhacday waxa ay noqotay mid uu Gudiga
doorashada ku sheegay in ay tahay wax kama jiraan sidoo kallana la sheegay in
dib loogu soo celiyo. Doorashada deegaankan ayaa keentay is qab-qabsi fara badan
kadib markii la sheegay in ay rabshado iyo wax isdaba marin ku dhacday.
Doorashada dalka Kenya waxa ay xilligan keentay dhibaato fara badan, iyadoo
dad ka badan 100 ay naftooda ku wayeen walina dalka Kenya guud ahaan waxa uu ku
jiraa xaalad adag oo dadka oo dhan ay is leeyihiin maxaa dhici kara daqiiqad
walba.
Halkan ka akhri
musharxnimada Yuusuf Xasan
Ibraahim Da'ud "Gentleman"
sayfudiin@hotmail.com
Niarobi-kenya.
Faafin: SomaliTalk.com | Jan 1, 2008
|