Gabay: Dhulku Waa Halbowlaha Naftiyo HOOYO aan Gurine... WT. Qamaan Abdil Waaxid

Maanta oo ay taariikhdu tahay 09/05/07 ayaa waxaan xiriir la sameeyey Qamaan Abdilwaaxid oo ah Abwaan aad ugu maansooda suugaanta noocyadeeda kala duwan, haatana mudo gaaban kasoo maqan Magaalada Dhahar oo magaaladiisii ah.

Abwaanka ayaa waxaan weydiiyey in suugaan uu ka sameeyey la dagaalanka Xaalufinta oo maalmahaan dagaalo ku dhexmarey ciidanka ka hortaga iyo ladaalanka xaalufinta iyo ciidan Qowlaysato dhir iyo deegaan la dagaalan ah.   Abwaanku wuxuu I weydiiyey qalin inaan heysto: Arintaasi fajac iguma noqon, suxufi sidiisii ayaan ana qalin ku boobay.

Gabaygan hoos ku qoran waa gabay ka hadlaaya dhibaatada iyo hormar la'aanta haysata dadka reer Sanaag/Galbeed Bari oo haatan aad moodid iney hurdada ka kacayaan. Abwaanku wuxuu aad u iftiiminayaa Dadka u hub gurtey sidii ay u xaalufin lahaayeen dhirta iyo deegaanka ilaahay dalka ku manaystey iyo arimo kaloo xiisa badan oo aad gabayga kaga bogandoonto…

Wuxuu Yiri:

1. Hilaad gabay baryahaan Saalaxow Haanso malahayne
    
2. Humaageeda waataan dhigaye hooris keedaba e
    
3. Haasaa-sehaa ila galee kuma hanbaaseene
    
4. Iisoo-hogtooy waxa la dhacay ma hurtadeeniiye
5. 
    
6. Dadku waa hanaan iyo inay talo hagaysaaye
    
7. Hortaydaa banaan uumiyuu kuma hagaagaane
    
8. Habqana laguma noolaan karo waa hantaqa-weyne
    
9. Hindisaha bulshadu waa inuu hurumar yeeshaaye
10. 
     
11. Habsan baa kudhacay reer toloow himila-diiniiye
     
12. Dadku wuxuu ku haasawayaa maanta heer qarane
     
13. Waxay ku herdamayaan inay calan haleelaane
     
14. Hanna-qaadyey ina Yuusufkii haystey reer Bariye
15. 
     
16. Waakaa hogaan maamul iyo jooga heer sara e
     
17. Hirdi-faagi wakaa tan iyo haysta Baydhabo
     
18. Soomaali wakaa hor kacay hagina dooneeye
     
19. Hankaaguu ku siiyaa Ilaah heerka uu yahaye
20. 
    Ka hadaafyey qeyrkiin intaad hogo-shideyseene
21. Maan taad hidii-diiliyo haykal sida-taane
     
22. Maantaad habkii gobi lahayd ku herdameysaane
     
23. Maantaad hilad dawladnimo haybsateen ficile
24.  
25. Hurumarinta xeebaha, badaad ka harqan doontaane
     
26. Waa hodon dhulkeenuye dadnima haw hanbaynina e
     
27. Hanaqaad kadhiga MAAKHIR waaloo hanweyn yahaye
     
28. Inta hoos daloolada wadiyo horor ka gaashaanta
29. 
     
30. Afar taa hanaan maamul iyo hiilan gabayaa dheh
     
31. Afar kalena hadaftii la jaray hadimadeedii dheh
     
32.  
     
33. Inkastood hamuun badan qabtoo gaaja hidin weydo
     
34. Hayinkaaga lama gawraciyo heetista irmaane
     
35. Waxaa la haybah hadaftoo baxdiyo hodonka geedaha e
     
36. Dhulku wa halbawlaha naftiyo hooya aan gurine
     
37.  
     
38. Waa hoy dadkiyo duunyaduba ka haqab-beelaane
     
39. Hanti weeye laysaga dhintiyo dhaxal lahaystaaye
     
40. Waa hibo  indhaha daawadaa u hanqal taagaane
     
41. Waa hays-barwaqiyo wanaag laga helaayaaye
42. 
     
43. Wa haleela kuu curatayoo ubad ku-heemaaye
     
44. Waa huga dharkaagoo Ilaah kaaga dhigay hoy e
     
45. Waxaad haysataan xoolahaa laynugu hubaaye
     
46. Ma ogtahay hadhkiyo geedku waa himiladoodiiye
     
47.  
     
48. Afarta hilaadshee hadaan hore u wey daarto
     
49. Waa wada hawaar SOOL ninkey dani ka haysoow e
     
50. Hurgumaa lamoodaa dhirtii hadaftu saarnayde
     
51. Huluc iyo birbaa lagaga dhigay gale habaas weyne
     
52. Hadhbaad qiiqa moodaa kobaha huraya maantiiye
53. Habeenkiina belelkaad sidii hir u arkeysaaye
     
54. Sida had bakhtiga ugu dhacaa col u hob-sheeyaaye
     
55. Haawey shisheeyiyo Abow Heeranaa tubane
56. 
     
57. Sida awr hayina ood hayaan reera kaga guurtey
     
58. Ama maal hadhiinoobey oo looga haray meyti
     
59. Waxa  nacabku kala hooshayaa mahurta-diiniiye
     
60. Loona Hamran mayoo adaa gabay halkaagiiye
     
61. Adinkaa ka hawl galay in taad hiil ugeli layde
62.  
63. HIRIIDiyo wixii SOONAYAAL hadaf galool taaley
     
64. FAR-SHABEELO hawd bey ahayd lagu habaabaaye
     
65. Maantana higliyo lagama helo hiilkaney tahaye
     
66. HAYAAQLE iyo BOOXAARO maleh geed harloo galo e
     
67. Waa wadada hurgumo wixii indhaa ka hor-yimaadaaye
68. 
     
69. CANAANIYE gabaad lagama helo  hamash wixii yiile
     
70. Hohe LABA-DUGSIILIYO la goyy duudi HADHACWEYNE
     
71. Hanfibaa ku dhaca xeeradiyo hoosadii BURURE
     
72. Dhir hulaaqda mooyee kobaha looma dayo hoose
     
73.  
     
74. Ka hayaame xoolihii BALIYO kumana hoydaane
     
75. DAMAL-GOREY indhuhu kama helaan geed hadh loogalo e
     
76. Habari xaaba kama qaado XIMAN higil wixii yiile
     
77. Haldhaa iyo wixii dabis-garow bayrac hoganeysey
     
78. Haadki majoogaan dhulkii haybada lahaaye
     
79. Hadimada dalkaa gaadhey iyo huluca saameeyey
     
80. Huqbaad kala kul meysaa ninkii dhiig ku harayoow e
81. 
     
82. Hadal han mabuuxshee tolow la idin haaranye
     
83. Hanba qabasho mooyee warkale haatan agab beelye
     
84. Hubka qaata oo dila Jahliga idin halaakeeyey
     
85. Hurin-hurin intaad ugu baxdaan Hawsar ku afuufa
86. 
     
87. Insha-alaahu hadafkeenu weynoo hir gelayaaye
     
88. Haka daalinine oo waqiin hawga soo kicina
     
89. Nina libin haysaga doonina hura naftiinoo dhan
     
90. Hormo iyo labay diin hadhee hororka naafeeya
     
91.  
     
92. Iminkuu daruur la harqadiyo roob ku helayaaye
     
93. Iminkey habsami noogu bixi hiilihii go'aye
     
94. Iminkey haraadkiyo ka bixi holoci naareede
     
95. Iminkey dhulkii haakah oran hiilka loo galaye
     
96. Hoobaan fufaysiyo hadey geeda soo bixiye
     
97. Weynoo hagaagtaye toloow nabad kusoo hoyda
     
98. Weydiin hagaagtaye tolow nabad kusoo hoyda
     
99. Weydiin hagaagtaye tolow nabad kusoo hoyda
     
100. Weydiin hagaagtaye tolow nabad kusoo hoyda

Fure:
 

Hiriido, Soonayaal, Booxaaro, Far-shabeelo, Baliyo, Hayaaqle, Laba-dugsiile, Hadhac-weyne, Canaaniye, Dowda-Burur, Damal-gorey, Ximan: Waa Deegaano iyo tuulooyin ku yaala Gobolada Sanaag, Sool, iyo Bari.
 

Curintii: Abwaan Qamaan Abdil-Waaxid
Qamaan579@hotmail.com

Afeef: Aragtida qoraalkan waxaa leh qoraaga ku saxiixan