U diyaar Garowga Doorashooyinka wadanka Kenya oo si weyn ugu socda Gobaladda Dalka iyadda oo laga Dareemayo Xaafadda Islii ee ay degto Soomaalidu
Wadanka Kenya wuxuu qaatay xornimadisa 1963, ilaa xilligaas wuxuu soo marray 3 madaxeyne, Kenyatta, Daniel T. Arab Moi iyo M. Kibaki oo hadda talada haya, labadii hore waxay ku yimaadeen hababkii Africa xiliyadaas madaxdoodu ku imaan jireen ee ahayd ciidan, iyo awood, balse madaxweynaha iminka taladda haya ayaa waxa uu ku yimi Nidaamka Democratic ee ka hano qaatay inta badan Wadamadda Yurub iyo Maraykanka
Sidoo kale wadanka Kenya ayaa waxa uu ka mid yahay wadamada ugu horeeya xaqa dhaqaalaha, waxbarashadda, Amaanka, Decmocraticyada IWM, qiimayn dhawaantay ay samaysay Shirada uu leeyahay Maal qabeen Afrikaan ah oo lagu eegayey si ay u kala sareemayaan Wadamada Afrika ayaa Kenya waxa ay gashay wadanka 14 .
Bulshada reer Kenya waa dad kala isir, diin iyo dhaqanba duwan, waxaase mideeya fakirka ah Kenyan waxaana ku weyn wadanimada , dhawaan mar aan socdaal gaaban ku tagay Magaaladda Kasuuma oo uu ka soo Jeedi Mudane Raila Odinga ayaan ku arkay dad badan oo wata Boodhadh iyo Sawiro ay yeelihiin Musharixiinta kale, waxa ayna igu noqotay Layaab kama filanayn in aan Kasuumo aan ku arkayo dad taageersan Kibaki iyo Kalonso waayo waxaa Degan qabiilka uu ka soo jeedo Raila, waxaana jira culufo u kala dhaxeeya kuukuuyadda iyo Jalwadda
Dhamaadka sanadka ayaa loo balansanyahay in ay dhacdo Doorashooyinka guud wadankan Kenya, waxaana lagu wadaa in 27/12 ee sanadkan ay wada dhacaan dhamaanba Doorashooyinka Madaxweynaha , Baarlamaanka iyo Degmooyinka, iyadoo 22 bishana uu Madaxweynahu kala Diray Golaha Baarlamaanka
Wali waxaa la shaaciyey in ay u sharaxanyihiin Jagadda Madaxweynenimadda wadanka Saddexdda Hugaamiyayaal ee kala Hugaaminaya Xisbiyadda Part National Union oo loo soo gaabiyo PNU waxaana u taagan Xisbigan Madaxweynaha iminka Xilka haya mudane Mwai Kibaki, Orange Democratic movement waxaana loo soo gaabiyaa ODM waxaana u taagan Siyaasiga caan ka ah ee Mudane Raila Odinga iyo Orange Democratic Movement Kenya waxaana loo soo Gaabiyaa ODM-Kenya xisbigan waxa uu horay ugu jiray xisbiga kale ODM waxaana hugaanka xisbigan haya Mudane Kalonso Musyoka .
Warbaahinta Madaxa banaan ee wadanka Kenya qaarkood oo dhawaan sameeyey Rayi ururin Musharaxa ugu codka badan wadanka amase ugu horeeya oo ugu dhaw in uu noqdo Madaxweynaha 4aad ee Kenya ayaa Mudane Raila Odinga waxa uu noqday ninka ugu horeeya Madaxweyne Kibakina uu noqday kan Labaad waxaana kaalinta Saddexaad galay Kalanoso Musyoko balse rayi ururinta ayaa waxa diiday kana soo horseedtay xubno ka jira Xisbiga PNU
wali si cad loo ma shaacin karo mas'uulka noqon doona madaxweynaha wadanka Kenya ee 2007 balse marka aad la sheekaysayid Muwaadiniida kala duwan ee Kenyatiga ahi waxa ay kuu sheegayaan in Musharihiinta Kibati iyo Raila ay isku dhaw yihiin kii uu la heshiiyo Mudane Kolanosona uu noqon doono Madaxweynaha
Bulshooyinka Muslimiinta ah ee Degan wadanka ayaa waxa ay sanadkan u Olalaynayaan in uu soo baxo Xisbiga ODM maadaama uu Madaxweyne Kibaki Dad badan oo Muslimiin ah uu u gacan galiyey wadamo Shisheeye sida Maraykan iyo Itoobaya waxa ayna dadka Muslimiinta ah aad u danaynayaan Siyaasadda Raila Odinga iyo ODM, waxaana xusid mudan in uu xisbigan ODM uu laf dhabar ka yahay Siyaasiga Muslimka ah Mudan Najib Balala uuna ka mid yahay xubin Shanta Golaha Sarre ee Pentagon
Soomaalida ah kenya ee degan wadanka Kenya ayaa waxa ay hadeer haystaan Fursad aysan ahaysan xiligii Madaxweynihii hore ee wadanka Kenya Mudane Daniel T. Arab Moi iyaga oo xiligaas u leexsanaa dhinac Kanu iyo madaxweynihii xiligaas taladda hayey, waxa ayna dadka kale ee Kenyaga ah ay ugu cudur daareen in ay jirto cabsi xoog leh oo hadii ay u Codeeyaan Xisbiyadda kale dhib ay u Imaanayso balse hadeer taasi meesha waa ay ka baxaday waxa ayna yihiin kuwo la mid ah Qoomiyadaha kale ee wadanka Kenya ku nool ee walaalahood ah taana waxaa ugu wacan Siyaasadda Madaxweynaha Mwai Kibaki,
Xaafadda Soomaalidu Degto ee ku taala Degmadda Kamukunji ee Magaaladda Nairobi ayaa waxaa si weyn ugu socda Olalaha doorashadda Madaxweynaha, Baarlamaanka iyo Degmooyinka ay ka kooban tahay Degmadda Kamukunji
Marka aad dhex socotid Magaaladda waxa ay indhaagu qabanayaa dadweynayaal koox kooxaha oo ku kala la bisan Calaamadaha Xisbiyadda PNU, ODM, ODM-Kenya iyo Boodhadho waa weyn oo ay ku xardhan yihiin sawiradda Musharaxiinta Madaxweynayaasha, Xildhaanadda iyo Maayiradda oo ku dhagan Darbiyadda iyo Boodhadhka Laydhka
Sidoo kale Baabuur ay ku xidhan yihiin Codlaliyaasha aad u qayladha dheer ayaa Xaafadaha ay ka kooban tahay Degmadda Kamukunji dhex maraya iyaga oo ku Baraarujinaya Dadweynaha in ay tahay wakhtigii codaynta loona baahan yahay in la Codeeyo loona Codeeyo Musharaxiinta sharaxan
Xildhibaanimadda Kamukunji waxaa u taagan Musharixiin badan oo kala Qoomiyado ah sida Soomaali, Kuukuyo iyo kuwa kaleba waxa ayna kala sharaxan yihiin Xisbiyadda balse waxaa jira Musharixiin iyagu iskood isku taagay
Mudane Yuusuf Xasan Cabdi Indha Buur oo ah Soomaali-kenya u taagan Jagadda Xildhibaanidda Degmadda Kamukunji ee ay ku taalo Xaafadda Islii ayaa ah dadka ugu cad cad in ay ku soo bixi doonaan Xildhibaanidda Degmadda Kamukunji
Yuusuf Indha Buur waxa uu ka sharaxan yahay Xisbiga ODM oo ah xisbiga ugu taageeradda badan Qiimayn rayi ururin ah oo ay dhawaan samaysay Warbaahinta Madax banaan qaarkood
Yuusuf Xasan Cabdi Indha buur waxa uu horay u ahaan jiray Wariye caan ka ah wadanka Kenya sido kale waxa uu u shaqayn jiray ka hor itii uu san Xildhibaanimadda isku soo sharaxin Qaramadda Midoomay Xafiiskooda Nairobo, iminkana waxa uu u taagan yahay Xildhinaanimadda Kamukunji ee Nairobi
Cabdiqani Makhtal
Nairobi
Cabdirashiid Barkhadle Warsame oo sheeg in uu Isagu Xidhiidhiye ka yahay Kacdoonadda ka socda Magaaladda Laascaanood ee looga soo horjeeddo Maamulka Soomaalidiidka
Dr Cabdirashiid Barkhadle Warsame oo hore Gudoomiyaha Gobalka Sool ahaan jiray ayaa sheegay in uu xidhiidhiye ka yahay hawlaha ka soconaya Magaaladda Laascaanood waxa uuna sheegay guud ahaanba dadka deegaanadda SSC ay u dhan yihiin sidii dalka looga xorayn lahaa Maamulka Dirta Waqooyi ee ku soo duulay
Mr Barkhadle waxa uu xusay in ay jiraan Saddex nin oo Madax u ah Hawlagalkan ka soconaya Magaaladda Laascaanood ee looga soo horjeeddo Awood ku qabsashadda dalka , sidoo kale waxa uu sheegay in ay Xisaabinayaa wax walba oo ay geystaa Ciidanka ka yimi Waqooyiga fog ee Soomaaliya
waxa uu sheegay in Seddex Maalmood ka dib ay soo sheegi doonaan Khasaaraha dhimasho, Dhaawac iyo Dhaqaalo ah ee ay u geysteen Ciidanka Gardaradda ku yimi dhulkooda ee ka soo duulay Boorame iyo W/galbeed Saxaafadda Soomaaliya oo dhana ay u soo gudbin doonaan iyo tan Caalamkaba
ugu Danbayntii Cabdirashiid Barkhadle Warsame oo ku sugan Magaaladda Garoowe oo uu noo sheegay in uu hadeer shaqo yar u tagay halkaas uuna dhawaan dib ugu soo laaban doono magaaladda Laascaanood , waxa uuna dhamaanba Bulshadda SSC ee joogta Gudaha ka codsaday in ay la shaqeeyaan oo ay hiil iyo hooba garab is taagaan si dalka looga saaro Ciidamadda Cadawga ah ee ku soo duulay
waxa kale oo ay ka codsadeen Jaaliyaddaha Dibadda in ay dhaqaale la soo gaadhaan raggan iskood ku hawlay ee Xabaddu ku socoto una istaagay sidii cadawga looga saari dalka, sidoo kale waxa ay sheegeen in ay hubaahan yihiin dhamaanba Agabkii ay ku hawgali lahaayeen
kala xidhiidh
Xidhiidhyahay Hawlaha ka soconaya SSC
Dr Cabdirashiid Barkhadle Warsame
Daabaco
Boggan | Print
VIDEO:
Filim laga duubay Mudaharaadkii Laascaanood.... DAAWO..
