Dabkaan qaadnaba maxaan buulasheena oogu gubnaa?
asalamu calaykum waraxmatulaahi wabarakatuhu
mahad oo dhan alle ayey u sugnaatay.
 
waxaan aqiryay qoraal lagu soo daabacay shabakada warbaahinta somaliyed www.somalitalk.com markasi ayey igu dhalatay in aan qoraalkani sameeyo.
25-Nov-2007 waxaa ka dhacay magaalada Minneapolis shir ey soo abaabuleen Ururka Midowga Qurba Joogga Soomaaliyeed kasoo eey ka soo saareen go'ma qaar wax ku ool ah, in laga dhiidhiyo xaalada somalia kajirta waa arin waajib ku ah qof kaste oo Somali ah in kastoo qodobada qaar eey yihiin kuwa muhiin u ah in laxsuusiyo umada laguna baraarujiyo hadana waxaa jiro dhawr qodob oo dhaliil cad cad leh hadaan soo qaato qaar kamid ah.

1-Qofkii Itobiyaan taageera waa in laga dhigo Gun oo aan laga guursan, lana takooro, laguna qoro buugga madow.

qodobkaani waxaa ka muuqda in aanan laga fiirsan markii looga dhawaaqayay bulsha weynta somaliyeed hortooda waayo qofka markii latakoorayo isla mar ahaantana lana guursanaynin loona guurinaynin waaa in loo eego kitaabka iyo sunada markaasi kadib go'an laga gaaraa,su'asha in laisweydiiyo u baahan ayaa ah dadkani latakooraayo ma dad gaalo ahbaa mise waa dad muslim ah su'ashasi jawabteeda waxaan ka sugaynaa Ururka Midowga Qurba Joogga Soomaaliyeed?

balse kuwa taageersan gumeysiga Itoobiya waa kuwa taariqda loogu qoray balka madow sida eey tahayna ma'ahan danbiga eey galeen in caruurtooda loo saariyo taana Eebo raali kama ahan alle waxuu yiri naf danbi eey geeysatay nafkale looma raacanaayo. kuwa somaliya gatayna waxeey dhaleen dad wanagsan waad garanaysaan asxaabtii rasuulka salalaahu calayhi wasalim kuwoodii waaweynaa qaar abayaashood in eey aad u dhibi jireen Nabiga SCW iyo asxaabtiisii mana loo raacan jirin dhibka waalidkod geeysteen hadaan tusaale u soo qaato waxaa kamid ah Umuyata ibnu qalaf waxuu dhalay nin saxaabi aha,abuu jahal waxuu dhalay Cikrama,waliid bin muqiirah waxuu dhalay Qaalid bin Waliiid,iyo rag kale oo badan kana mid ahaa min kibaar saxaabah.
 
2-Xawaaladaha Soomaaliyeed waa in aysan wax lacag ah geyn Addis Aababa, Xawaaladii geysanaya waa in Soomaalidu Qaadacdo oo aan lacag lagu xawilan.

qodoba qodobka uu ka danbeeyo ayuu kayaab badanyahay layaab'se malahan somali hadaan nahay waxaan dhaxal u helnay in aan dabkaan qaadnaba ku dhajino buulasheena bal eeg aqoonyahanada iskugu tagay Minneapolis xilal kala duwan'na u soo qabtay umada somaliyed  qodobkani sida indha'alaanta eey iskugu raaceen miyey'se isweydiiyeen xawaaladaha shaqada eey u hayaan dalka iyo dadkaba qodobkani waxuu la mid yahay ayado layiri somalia wa in cunaqabteen lagu so rogo meel walba eey dunida ka joogan waayo xawaaladaha itobiya ku yaalo lacagaha oogu badan eey bixiyaaan waxaa qaato somali waxeeyna ka kala yimaadaan dunida oo dhan,dadka maaskiinta oo la ildaranaa dhibaatada ey Itoobiya ku heyso walalahood Somaliyeed ee qurba joogta lacagtii yareed eey quudanayeen hadii la isku raacay in lajaro lana rabo somalia in laga xoreeyo cadow isku meel magalayaan,imise ayaa itoobiya ku nool bishiina ku xisaabtaman lacag ooga timaada dibadaha imise ayaa addis abbaba xaalado caafimad u joogaan kuna xiran dibadaha,hadii laiska iloobay somali galbeed qodobkani wan u garaabi laheen balse hada waxaaba la oran karaaba dadka isku raacay ma'ahan dad doonayo masaalix Somali hadii'se qadobkani dhaqan galo mise qof somali ah hadalkani wax u dhimo waxaa mas'uuliyadeeda qadayo ururkaa lamagac baxay Ururka Midowga Qurba Joogga Soomaaliyeed.
 
3-Qof Soomaali ah waa in uusan iibsan Qaadka ka Yimaada Itoobiya.

somali hadaan nahay qorshe markaan rabno in aan ka hadalno lagama yaabo in waxa laga hadlaayo kitaabka iyo sunada loo eego tusaale waxaa kuugu filan qodobkani Qof Soomaali ah waa in uusan iibsan Qaadka ka Yimaada Itoobiya halkii laga oran lahaa qaadka waaa xaaran mana banaano cunitaankiisa mana u fiicna cafimadka qofka waana maandooriye weeyn hoos u dhacna u keeno dhaqaale qof iyo dalba marka aqoonyahanada waxeey si dadban u sheegayaan in qaadka lacuno balse Itoobiya anan laga iibsan sida ka muuqato qodobkan marka waxaan leeyahay wax kaste oo larabo in laqabto haloo eega kitaabka iyo sunada si aan u faa'iidno insha'allah.
 
Somalidu waxeey dhahdaa hadal badan haan ma buuxsho waxaan ku so afjarayaa qoraalkan alle hadu idmo aqoonyahanada Somaliyeedow urur hebel iyo urur hebel waa kan mesha hada aan joogna nadhigay maalin kasta oo urur lagu dhawaqana waxaa nagu sii badata dhibaatada marka waxan idinkulatalinayaa in laga fogaado lagana fiirsada qodobada joogta ah ee maalin kasta ururada cusub eey soo saaraan,ururkana yuusan noqon mid cafe lagu cabay kaliya ee hanoqdo mid Somali isu keeno maankeeda ku heysa alle haduu idmo.
 
Wabilaahi Tawfiiq.
 
qore:C/raxman Cali Adam
E_mail: baadiyow12@hotmail.com .
Seattle,WA,USA
 

Afeef: Aragtida qoraalkan waxaaleh qoraaga ku saxiixan

Faafin: SomaliTalk.com | Nov 28, 2007

Soomaaliya sidii Lagu Xoreyn Lahaa

Warbixin dhamaystiran oo ku saabsan kulankii Sabtidii lagu qabtay Minneapolis ee looga hadlay sidii Soomaaliya looga xorayn lahaa Itoobiya, warsaxaafadeedkii Ururka Midowga Qurmab Joogga, qoraal loo dirayo senatorada/congress-ka USA, hadalladii C/risaaq Xaaji Xuseen, Sakariye Xaaji, Prof. Mahadallah, prof. Ibbi, Drs. Fawsiya... Akhri... Nov 26