khudbooyinka Ra'isul Wasaaraha cusub ee DFKMG, Nuur Cadde, ayaa dadku waxay ka muujinayaan aragtiyo kala duwan, iyadoo mas'uuliyiinta DFKMG ee ka hadley goobaha kala duwan ay u soo jeedinayaan Digniino iyo waxa isaga laga doonayo, halka dadweynaha ku nool dalku ay iyaguna leeyihiin hadalada Ra'iisul Wasaaraha waa kuwo u muuqda mid ka duwan wadadii ay hadalada kala duwan ee Mas'uuliyiinta DFKMG ay shacabka kula hadli jireen, balse waxay u eg-yihiin kuwo marxuumkii hore Siyaad Barre uu ku hadli jirey, waayo Ninkani waa midkii (hadda ka hor) ku xukumey Madaxweynaha DFKMG Col. C/llaahi Yuusuf 6 Sano oo Xarig ah, (qaar kalena waxay leeyihiin) kama duwana Mas'uuliyiintii hore ee DFKMG hadalooda, balse isagu waxaa ka muuqata Ruux si weyn u taageersan ujeedooyinka Dowladaha Reer Galbeed, waayo hadaldiisa kuma soo daro wax u dhow ogolaanshaha Ilaahay, sida hadii Allah idmo IWM.

Nuur Cade oo la gudoonsiiyey qaybo ka mid ah Hidaha iyo dhaqanka Soomaaliyeed

Hase ahaatee wax walba waxay ku soo koobayaan bal aan aragno halka ay ku dambeyndoonto hawlaha Xukuumada cusub iyo qaabka shacabka Soomaaliyeed kalsoonida Xukuumada (DFKMG) ay u kasbato iyo kuwa ma naxayaasha ah ee isku sheega Beesha Caalamka oo aan ogoleyn in Shacabka iyo dalka Soomaaliyeed ay noqdaan meel nabadoon oo dunida ay ku nasato, waxayna u soo diraan midba midka ugu naxariista daran oo ugu kala daadin og siyaasada iyo degenaanshaha shacabka Soomaaliyeed, si ay u dhacaan shucuubta kale ee ay matalaan. [Hoos ka akhri xaflad baydhabo loogu sameeyey Nuur cadde]

Dood: Xeer Saxaafadeedkii ugu horeeyey oo ay yeeshaan Suxufiyiinta Soomaaliyeed oo qabyo ah oo maanta (Isniin Nov 26, 2007) si rasmi ah loo soo gudbiyey iyo hadalo kulul oo loo jeediyey Saraakiisha Amaanka iyo Mas’uuliyiinta Gobolada ee ku xadgudbey Saxaafada

Halkan ka dhegeyso doodii ama halkan (mp3)

Kulan ay isugu yimaadeen xubnaha Golaha Baarlamaanka oo uu shirgudoominaayo Gudoomiye ku xigeenka 1-aad ee Baarlamaanka Prof. Maxamed Cumar Dhalxa oo ay soo xaadireen 140 Mudane oo looga hadlaayey Sharciga Saxaafada ayaa dib loo dhigay, kadib markii qaar ka mid ah xubnaha Baarlamaanka oo sharciyaqaano ah ay sheegeen in xeerkaan uusan u qorneyn qaab sax ah, mana soo diyaarin dadd shaci yaqaano ah, gudiguna kuma jiraan wax sharci uyaqaano ah.

Xeerkaan saxaafada ayaa waxaa Baarlamaanka loo soo gudbiyey Bishii 8-aad ee 2007-da, ilsamrakaana Golaha wasiirada ay hore u soo baas gareeyeen bishii 5-aad ee isla sanadkaan 2007-da, gudoomiye ku xigeena iyo Xildhibaanadii halkaasi ka Hadley ayaa waxay cadeeyeen in uu daahay Xeerkaan Ansixintiisa.

Xildhibaanada Meesha ka hadlay ayaa waxaa ka mid ah Xildhibaanad Saynab Max’ed Caamir oo ah Gudoomiye ku xigeena Gudiga Arimah Saxaafada, Xildhibaan AVV. Cumar Zuber, Wasiirkii hore Warfaafinta Xildhibaan Madoobe Nuunow Max’ed, Xildhibaan Cali Axmed Jaamac{Jengeli} oo ahaa Wasiirkii ka horeeyey Madoobe, Xildhibaan Max’ed Cismaan Maye iyo Max’uud Axmed Kulalihi.

Fadhiga Baarlamaanka DFKMG | qaybta Haweenka

hase ahaatee sharcigaan Saxaafada ka doodidiisa ayaa wuxuu ku soo beegmay xili ay xiran yihiin Xarumo Warbaahin oo ka hawlgala Magaalada Muqdisho oo ah Caasimadii Soomaaliya, islamarkaana ay ka haajireen in kabadan 50 Warfidiyeeno oo isugu jira kuwii hore iyo kuwii dambe, kadib markii ay kala kulmeen dhinacyada kala duwan ee iska soo horjeeda ee DFKMG iyo Kooxaha ka soo horjeeda eek u hardamaaya talada dalka iyo dadka Soomaaliyeed, taasoon maalinba maalinta ka dambeysa sii daba dheeraaneysa, laakiin dadka arimaha sharciga ku xeel dheer waxay is weydiinayaan qaabka ay DFKMG ciidamadeeda iyo Saraakiisheeda dhinaca Amaanka ay ula dhaqmaan qaybaha kala duwan ee Warfidiyeenada dalka iyo dibada, iyagoo ku sababeynaya in ciidamada Amaanka ay faraha la galaan shacab, islamarkaana ula dhaqmaan qaab siyaasiin.

Khudabadii Aadan Madoobe ka hor intii uusan u dhoofin Addis Ababa:

Khudbad kooban oo uu Baydhabo ka jeediyey Aadan Madoobe ka hor intii uusan u dhoofin Addis Ababa ayuu sharraxaad kooban ka bixiyey safarkiisa:

Halkan ka dhegeyso ama halkan (mp3)

Aadan madoobe markii u safrayey Addis Ababa (Nov 25, 2007)

Baydhabo: Xaflad loo dhigay Nuur Cadde

Sidii ay u dhacday xafladda Halkan ka dhegeyso ama halkan (mp3)...

Labada Marwo ee Madaxweynaha iyo Gudoomiyaha Baarlamaanka DFKMG oo jooga xaflad (Nov 25, 2007)...

Nuur Cadde oo la gudoonsiinayo dharka hidaha iyo dhaqanka

Dalxa oo xiraya xafladii

Bidix Gudoomiyaha Deg. Baydhabo Axmed Maadeey, Midig Gudoomiye ku xigeenka Gobolka Baay Shiine Macallin Nuurow

Nuur Cadde oo ay dhinacyada k ataagan yihiin Dalxa iyo caliyow

Max'ed Macallin Cismaan{All-man} Somalitalk Baydhabo.
fatxumaalik@hotmail.com

Faafin: SomaliTalk.com | Nov 27, 2007

Soomaaliya sidii Lagu Xoreyn Lahaa

Warbixin dhamaystiran oo ku saabsan kulankii Sabtidii lagu qabtay Minneapolis ee looga hadlay sidii Soomaaliya looga xorayn lahaa Itoobiya, warsaxaafadeedkii Ururka Midowga Qurmab Joogga, qoraal loo dirayo senatorada/congress-ka USA, hadalladii C/risaaq Xaaji Xuseen, Sakariye Xaaji, Prof. Mahadallah, prof. Ibbi, Drs. Fawsiya... Akhri... Nov 26