GUMAYSIGA ETHOPIA IYO QABSIGA
DALKA SOOMAALIYA OO SAFAARAD LAGU MICNEEYAY
Qore :- Saciid Faarax Boosaaso
Punt –Land Soomaalia
Email: al_ixsaan@yahoo.com
GOGOL DHIG:-
Sida La wada ogsoonyahay
26/05/2007 waxaa tegay Magaalada Caasimda u ah Soomaaliya ee
Muqdisha , Wasiirka Arimha Dibada ee Dalka Ethopia , Sida
cadaanka ahna Dalka Soomaaliya waxaa maanta Xoog Ku haysta
Dawlada Ethopia Xag Siyaasadeed ,Ciidan , iyo Maamulba , Wuxuuna
Safarkiisaas Wasiirku ku macneeyay in uu Furayo Safaaradii
Ethopia ee Dalka Soomaaliya, Arinkaas Dartiis ayaana Maqaalkaan
u qoray ,waxaana Doonayaa in aan ka iraahdo wixii aan ka fahmay
aragtidayda anigoo jecel in aanan cidna ku xadgudbin ,
intaa kadib aan u dhaahaco
Dulucda iyo ujeedada Maqaalka.
Wasiirka ayaa furay sida uu ku
macneeyay Safaaradii dalka Ethopia ee soomaaliya, Wasiirku Wuxuu
Dhulka ku muday Calankii Dalka Ethopia oo leh Bir dheer iyo
xarig , Waxaana la Taagay Cali Maxamed Geedi, Halka laga taagay
Dhul ahaana waa Caasimadii Soomaaliya Gaar ahaan agagaarka
Madaxtooyada Soomaaliya , Waxaana Sawirada Qaar ka muuqday Cali
M Geedi Iyo C/llaahi Yuusuf oo Khushuucsan oo aad moodayso Askar
aad iyo aad Baari u ah oo Gaar ka haya Wasiirka Ethopia ,
Hadaba Akhristow Soomaalidu waxay
ku Maah Maahdaa ( Durbaanka ama Heesta maxaa habeenkii loo
tumaa Hadaan Xeeladi ku jirin,ama aan dan gaara laga lahayn)
waxaana jira Nadaamyo caalami ah ama calaamado caalami ah oo
laysla yaqaano oo ka tarjuma waxyaalo macne ku fadhiya,Sida
Ishaarooyinka ama Tilmaamayaasha oo kale, hadaba sida aan ku
niqiin Safaaraduhu waxay Calanka suran jireen Dhismaha ay
Safaaradu ka furan tahay korkeeda, Marka maxay tahay arinka
manta Calanka Ethopia looga taagay Dhulka?? Jawaabtu waa
Fududahay waxaana weeye Dhulkaan Anigaa leh Anigaa ka taliya,
waxaana samayn karaa wax alla waxaan doono, waxaan Bedeli karaa
Calaamad iyo dhaqan wax kasta oo jira , arinkaa waxaa ka sii
daran oo uu Wasiirku sheegay in ay Soomaaliya iyo Ethopia isku
Diin yihiin Taasina waa mid aan la aqbali Karin Muslim iyo
Kiristan midna ma aqbali karo waayo Soomaaliya waa dal Muslim
ah, Ethopia na waa dal Kiristaan ah inta badani , Hadii aanu
wasiirku ka hadlayn Maamulka C/llaahi yuusuf oo uu isagu maamulo
in ay qaateen Diinta Kiristaanka , Soomaaliya waa Muslim
Dhamaanteed . Balse Ujeeddada hadalkaani waa In Soomaaliya laga
Dhigo Kiristaan Dhamaanteed,
Isku Soo Duuduub oo Waxaa caalamka
loo sheegay Safaarad in la furayo oo Idaacadaha laga Baahiyay
Dadwaynahna loogu Khudbadeeyay, Hadiise Safaarad la furaayo
safaarado badan ayaa jira oo ka muhiimsan Ethopia ugana nafac
Badan Soomaalia oo Muslim iyo Kiristaanba leh Qaarna Kenya ayay
ku Shaqaystaan Qaarna weli diyaar uma aha ,balse arinku sidaa
waa ka wayn yahay oo waa Siyaasad mal dahan oo ujeedooyin badn
leh waxaana la saxiixayay oo la cadaynayay in Soomaaliya la
qabsaday , Maantana waxaa la dhigay calaamadihii ugu waawaynaa
Mid ka mid ah intaasna kuma eka Hawshu ee waa ka sii badanaysaa
, ilaa Magaalo walba iyo Tuula walba laga taago calanka ethopia
, Dekedaha Soomaliya iyo Khayraadka Dhulka ,Bada, iyo Cirkna
looga Faa,iidaysto sidii la doono, Dadkana intooda badan laga
Dhigo Kiristaan , hawshu ma dhamaanayso , iillaahse ma qadaraayo
arinkaa inshaa Allaah, waxaana leeyahay arragtidayda
Maahmaahdii ahady (Orgiga Baroortu ka Wayn)
GEBAGEBADII
Intaas waxaa ii Dheer inaan
Tusaale yar ka bixiyo hadalo ay iska daba Dheheen Aadn Madoobe
iyo Cali M Geedi oo ahaa Mahad naq ay Ethobia u soo Jeediyeen oo
ay dheheen Soomaalia waxay Ethopia u qabatay waxaan looga Abaal
gudi karin oo Dhiig ayay u daadisay , waxaana cadaan ahayd in ay
dad Maato ah iyo degaanba Xasuuqeen oo Baabi’iyeen , waxaanse
ku leeyahay raga Odayaasha ah Tix gabay ah oo hoary nin u yiri
oo ahayd ( Raga lagu malkhadayaana waa ma hurtadaadiiye, Mar
uun inaad is daydaana waa kaa madowdahaye) macnaha Raga la
cayrsanaayo oo lagu mashxaradaayo iyo dadka la gumaadaayo waa
dadkaagii iyo ehelkaagii iyo Garabkaagii , Hal mar inaad isa
Saxdaan oo is qabataana idiin ma muuqato ,
Dhanka kale xabashi waxaan leeyahay Soomaaliya weligeed khayr
uma gelin hadana u geli mayso waana waxaan suurta geli Karin ,
Balse Cali iyo aadanoow ha ilaawina Maah maahdii soomaaliyeed ee
ahayd Xabashi afkay kugu dhunkato ayay kugu Qaniintaa ,
Hadaad Moodaysaan inay wax idin tareen idinka ayay qaniinyadeedu
idinku danbayn doontaa .