DAAWO:- VIDEO: Muhammad: Legacy of a Prophet

Daabaco Boggan | Print VIDEO:: Ra'iisal Wasaarihii hore ee Soomaaliya, Mudane Cabdirisaaq Xaaji Xuseen oo ka hadlaayo duulaanka cadowga Itoobiyaanku ku soo qaadeen Soomaaliya... DAAWO Prof. Cali Maxamed Geeddi oo Diyaarad Militari oo Itoobiyaan ah keentay Afgooye:29/12/06, Sawirka: AP. Geeddi oo aan Weli Ka Jawaabin eedayntii ahayd in "uu Mas'uul ka ahaa Mamnuucidii Dhoofinta xoolaha Akhri The rise and fall of Mogadishu's Islamic Courts, Read Here.. VIDEO: "The Most Lawless War of Our Generation" - Fmr. UN Spokesperson on Somalia or Read here VIDEO: Xeryaha ay Shacabku ku qaxeen "Waxaan Rabnaa in aan Soomaaliya Ka Asaasno Dowlad aan wax Diin ah Shaqo Ku Lahayn Maxkamaduhuna Waxay rabaan in ay Soomaaliya ka Asaasaan Dowlad Islaami ah" kuxigeenka wakiilka DFKMG ee UN Akhri... Dhagaxbuur: 9 Shaqaale Shiine ah iyo 65 askari oo Itoobiyaan ah ayaa lagu diley meel Shiinuhu Batrool Ka Baarayeen... Akhri.. Ceelka iyo Xaruntii Conoco, Garoowe, Soomaaliya... Akhri.... Nidaamka Islaamiga ee Wadaagga Batroolka: Laga bilaabo Morocco ilaa Indonesia: Q.3aad Qaybta: 1aad | 2aad | 3aad Dowlada FKMG Ah Ee Soomaaliya oo Indhaha Ka Laabatay Ceelasha Shidaalka Ee Ay Kenya Ka Baarayso Xadka Soomaaliya... Akhri Kenya ma Badda Soomaaliyeed ayey Shidaal Ka Qodaneysaa? Dawladda Kenya ayaa dardar gelisey baaritanka batroolka ay ka wado xeebta, waxaana soo baxay warar tibaaxaya Akhri Itoobiyaan baaraya laba nin oo Soomaali. Muqdisho. AFP - Jan 13, 2006 Taangi Itoobiyaan ah oo taagan garoonka muqdisho - AFP - Dec 2006 ARAGTIDA/MAQAALLADA DADWEYNAHA EE MAANTA

:::QUIXTAR::: Soomaalida Deggan Woqooyiga Ameerika Maxay Kala Kulmeen "Quixtar"... Guji :::SOMALIDA KENYA & POOL::: Soomaalida Deggan Nairobi Maxay Kala Kulmeen "Pool" Waa "Quixtarka Kenya" Guji

Jawaaab/ Soomaali Galbeed ma xoroobi doonta ?

maxamed shukri
burqa632@hotmail.com

waxaa mahad iska leh allah inaga dhigay dad muslimiin ah

waxaa wax lagu farxo ah walaal daacad u ah dal iyo dad taladoodana wax ka dhiibanaya waxaase ka sii fiicnayd inuu camaliyan hawshaas uu soo qoray walaakay u galo isaga laftiisa waayo waa loo siman yahay dhulkii somalina inay wada dagto adaa ka marag kacay maxaanse kukala duwanaanay oo anigana cadawga igu diray adigana uuna kuu dhibayn ????

ujeedada mawduucayga

waan ku faraxsanahay fikirka walaalkay soo jeediyay iyo qodabada uu isticmaalay qaarkoodba waxaase kujirta qaladaad fara badan qofkana waxaa ka fiican inuu inta xun sheego inuu inta fiican sheego walaalkay fikir ayuu soo qaatay dadkii cadawga la dagaalamayay qarniyada walina ayna dhicin in xabashi dhulkaas kalsooni kumaamusho dhicina doonin ee uuba sii xoogaystay iska caabinta shacabka iyo jabhaduhu

hadana walaalkay dadkaas wanaagooda xattaa hal qodob oo uu ku amaanay ama uu kaga faalooday lama arko ee

waxa uu ku nuuxnuuxsaday nin calooshiis u shaqaysta ah oo garbo jooga hadal uu yidhi waliba uu isagu sheegay inuu jaahil yahay waxaa halkaas laga garan karaa inuu yar yahay dadka cadawga raacsan ee dhulka somali galbeed jooga waayo waa la tabinayaa qofka hadal yar oo cadawga waafaqsan yidhaahda

waxaan doonyay walaalkay qodobadiisa qaar badan waan ka simanahay inta aan kukala duwanahay ama khaldka ah inaan u saxo waxaan filaya macluumaadkiisa ayaa yar walaalkay

1. qodobka ah ethiopia somalia waxay usoo weerartay in la ilaawo somaligalbeed .

qodobkaas waad qortay mana aadan ka fiirsan walaalkayaw sabab

somali galbeed ma somalia ayaa leh mise somalida dagan ayaa leh ?

somalia iyo somali galbeed dadka dagan waa walaalo isku qoys iyo qarabana ah

ma dhacday qabiil somaliyeed oo somalia dagan oo yidhi ciidan ayaan u diraynaa somaligalbeed ka garab dagaalama somalida cadawga la dagaalamaysa ? ama ha kudaraan ciidanka ama gaar ha udagaalamane

marka yaa ilaawaya somaligalbeed yaase xasuusnaa ?

lagama xasuusnayn somalia dhulka somali galeed ee dadka u dhashay ayaa xasuusan, xasuusnaana jiray, xasuusnaana doona taas saas u ogow walaal kayaw inay somali markii gumaysigu qabsaday ay cartantana oo dhanwalba u orodana waxaa ka fican inay cadawga iska celiso inta karankeeda ah waana wareegto ee ogow saacadu maalinba nin ayay qabsataa haday manta ku qabsatay xumaanta dunida muslimka wada haysata walaalahaa somaligalbeedna haystay ina adeeraw iska dhici xabashi ilaahay mooyee cidna gargaar hawaydiin waayo waji ma lihid

Somaligalbed dadkeeda hadaan idhaahdana jabhadaha ka dagaalama somaligalbed wajigii loo dhigtay unbaa loogu soo hagaagi 15 kii sano ee ay dagaalamayeen

waxaa kaloo aad tidhi xoogaga iska caabinta khilaaf ayaa u dhaxeeya horta ilko iyo carrab ayaa isoogu dhaw oo waa is qaniinaan marka waa uun xumaanta aad ka sheegayso dadkan muslimiinta ah ee walaaladaa ah qaybteed inaad ku nuuxnuuxsato hadal aad mar maqashay way dhacday inay mar is khilaafeen iyaga ayuuna ka dhexeeyay khilaafku mana jiro dad meel isla jooga oo bilaa ujeedo is khilaafaya ee sabab ay isku khilaafeen ayaa jirtay wayna ka heshiiyeen dadkani hal cadaw ayay leeyihiin hal ujeedona waa leeyihiin sidookana waa dad walaalo iyo sxbo ah oo is wada yaqaana marka khilaaf waa dhici karaa waxse saas loo sheego ma ahayn isma khilaafsana ee way jirtay hal mar khilaaf dhex maray marka mar ayuu khilaaf dhex maray dheh haday kula qumanaatay inaad ka hadasho arintaas hase odhan khilaaf u dhaxeeya waayo waxay la macno tahay dad xumaani udhaxayso xumaantooduna soo noqnoqoto ama ay socoto marka hadalka qurxi walaalkayaw

2 qodobka ah waxaa lunsan jihada ay qadayadani u socoto

waalaga yaabaa inay adiga horta kaa lunsan tahay waayo lamaba socotid laakiin rag ayayna ka lunsanayn tubteediina haya waayo badana soo hayay saad tibaaxday oonku marka uu siibato halkaad biyo umalaynaysay way soo dhawaataa marka rag mudo oomanaa ayaa ogaaday meeshay biyihii ka jiraan walise ma ayna gaadhin bi idnillaahina waa lagaadhi

waxaana daliil u ah ninkii gabyaaga ahaa markuu lahaa

hashaan gaadda waynaw libaax uga gaboon waayay ,

inaan gorayo cawl uga tagaa waa hal soo gudhaye .

waxaa kaloo aad tidhi dadkii bud dhigaha ahaa ayaa maqan oo carab iyo muslimiin ah

mid mise mid

carab anigu u malayn mahayo maanta inay somali caawinayso waayo iyada ayaanba is caawinaynin waxaana og nahay kharashka ugu badan ee ciraaq lagu weerayay inuu sucuudi bixiyay

waxaa kaloo jirta in lubnaan la weeraray dhamaadkii sanadkii hore wadamada carbeedna ay isku raaceen lubnaan ayaa khaldan waad og tahay arrimahaas oo kama faalloonayo

falastiin ayaa caraba cid wax u taraysana ma arko waxaan ku odhan lahaa carab way dhacdaa inaan maalin u gargaarno iyada ayaa gumaysi haduu jiro kii ugu xumaa ku jirtaa inshaa allah waan ugargaari doonaa carab ee imika gargaar kama sugayno ilaahay ayaana gargaarka bixiya

midka kale muslimiin ayaad tidhi muslimiinta maqan waa ayo ma dadka wadanka dagan ayaan muslimiin ahayn mise kuwa dagaalamaya ayaa gaalo ah miyayna dadku wada somali ahayn kan dagan iyo kan dagaalamaya muslimiinta kamaqan ee aad shegtay waa kuwee ?

3 qodobka ah waa in uu jiro halbeed la adeegsado

waa sax anigana fikir ahaan waan kula qabaa umana malaynayo nin khaatumo seeg ah mooyee in nin somali ahi diidayo kitaabka iyo sunada rasuulka ( scw )

marka waxoogaa aan kuu qeexo jabhada oo aad ka aaminsan tahay dad cawaan ah sida ka muuqata hadalkaaga

jabhadu waa laba qaybood qayb waa qurba joog waxaana laga yidhaahdaa qurbaha jaaliyad waana qaybta madaxa u ah hawsha waxa ayna dadaalkooda ku koobeen dhaqaale inta ay karaan inay bixiyaan waxaa kaloo jooga madaxda jabhada kuwaas engiriis qadiyada mayna u dhiibin mana ayna hoos galin ee waa dad gumaysiga ka cararay oo halkaas dagan dhanka kalana u xil saaran wacyi galinta dadka wadanka u dhashay iyo hay adaha samafalka qaybta kala waa kuwa qoriga haysta iyo kuwo biyaha daba wada oo shacabka wadanka dagan ah

uma malaynayo inay hay'ad ama wadan gaalaad wax uqabanayaan iyaguna ma aaminsana hadana hadba sidii loo jabaa loo dhutiyaaye halkaas taas ayaa dhigtay ee yayna kula noqon inay engiriis ugacan galiyeen qadiyada way jirtay marar ay wadamada carbeed ka hawl galayeen xaruna ay Qadar u ahayd isku mid unbayna yihiin maanta iyo maalintii walaw maanta ayba ka xoog badan yihiin kana xabad kulul yihiin .

qodobka hadaan usoo noqdo kuwa jooga qurbaha hawshoodu waa saan kor ku xusay kuwan dagaalamana way dagaalamaan waana shacabka e dad jabhad la yidhaahdo oo gaar usoo dhashaa majiro oo magaca jabhad nimo lasoo dhasha marka shacbkaas waxay kasoo baxaan magaaloyinkooda ay ku dhasheen oo saad shegtay ay xoriyad kuwaayeen sababaha soo bixiyana ninba waa si

waa saad xustaye dhulka ka guura ma aha xaalku dhulkiina iyaga ayaa dagan taas daraadeed nin dhul udagaalama ma jiro ee xoriyad ayaa loo dagaalmayaa

marka xoriyadeey maxaad tahay ? dadkan dagaalka usoo baxaya maalin walba ee dhalinyarta ah waxaa qaarkood soo saaray masaajidkii ay kutukanayeen oo la gubay iyo macalinkii diinta barayay oo la dilay ama la xidhay iyo qodobo lamida dhamaantoodna waa arrin diimeed iyo kor yeelida kitaabka alle waxayna udagaalamayaan inay diintooda dalkooda xor ugu noqdaan ee majiro nin dhul u baxay waayo ruuxnaba dhul lagama qaadan dhulkana ninwalba halkiisii ayuu dagan yahay .

marka dadka dagaalama kitaabka ayay wataan iyo sunada rasuulka ( scw ) iyadaas ayayna udagaalamayaan .

4 qodolka ah waa in laga qayb galiya somalida dagan dhulkaas jihaadka

waxay ahayd nin fadhigaaga arka looma saro kaco in badana waan baryay somali inay cadawgan iska dhiciso waxaan tusaale yar kuusiin somalida dagan gobolka aanba kala qaadee lix gobol waxa dagan dadka magaca wadanka loogu yeedho leh lixdaas gobol hadaad tagtay dabadeedna aad tagtay shiniiile ama jigjiga farqi intee la eg ayaa u dhaxeeya dhanka xoriyada ?

aad ayay ukala duwan yihiin waxaad arkaysaaa ganacsi inta uu muqdisho kasoo baxo godayna soo maro gobolka fiiq tuulo kasta gadhaya isaga oo nabada waxaa kaloo jira ganacsi inta boosaaso kasoo baxo imanaya wardheer iyo qaybo qoraxay ka mid ah waxaa kaloo jira midka hargaisa kasoo baxa oo dhagaxbuur iyo aagaas nabad ku tagaya isaga oo xor ah canshuurna aan laga qaadan lana dhicin yacnii tigreegaan ka wadaa ayna taaban

hargaisa ganacsiga kasoo taga ama hantida kasoo baxda marka ay wajaale marayso waa koontrobaan aad ayayna u adagtahay inay jigjia gaadho waxayna ku gaadhaa xoog iyo baabuurta nooca yar yar oo meelo kale soo mara dhibna kusoo gaadhaan jigjiga mararka qaarna inta la qabto ayaaba hantidii iyo baaruurkay saarnaydba ay xabashidu la wareegtaa, halka shiniile ay ku khasbanaatay sonkorta addis ababa lagu sameeyo oo qiimaha dhagaxbur lagaga iibsado 50 kg waa $ 20 ( dolar ) halka shiniile ay ka noqonayso $50

somali aan wada dagaalano way diiday, nagu caawinaya way diiday dagaalka,

waxaa somali hada lamarayaa heer ay kunoqoto caqabad dadkii dagaalamayay ee cadawga iska dhicin lahaa nabad ay ka waayaan waxaana daliil u ah marar badan oo jabhada rag ka tirsan lagu dhibaateeyay gobolada somalia walina dulqaadkii waa ka muuqdaa jabhada

waxaad tidhi dadka qaarkii somalida sida cadawga ayay ula dhaqmaan fikir ahaantay waan odhan lahaa ninka gaal cadaw ah u kaalmaynaya ula dhaqan sida aad ula dhaqmayso gaalka cadawga ah mase ayna yeelin jabhadu taas waayo qofka gaal diintaadii baa bi'inaya u kaalmeeyaa waa lamid

mar aan dhagaystay nin jabhada oo ka hadlaya dacatiga loogu gaysto gobolada somalia oo ay somalidu ugaysato waxaa hadaladiisii ka mid ahaa :- hal cadaw ayaan leenahay waana gaal xabashi ah somalina waa walaalahayo walina cadawgana umaanaan arage hana dayso anagu cadawgana waan naqaanaa meel uu joogaba somalina waa walaalahayo ee hadayna waxba ku taraynin dadaalka lagu jiro xasarada hanaga yarayso hana nagaadhsiinina heer aan u aragno inaad cadaw tihiin -:

marka raga sidaas u hadlaya waad dareemaysaa rag kalgacayl walaaltinimo kujirto inay yihiin in badana way kahadleen qabsashada somalia ka hor war somaliyey xabashi anagaa naqaana e nawaydiiya in badan ayay yidhaahdeen waxbay idiin tari somalina isma lahayn oo horay uga quusteene iyaga ayay wanaag iyo kal gacayl u hayeen sheekaduse waa saan kuugu caana maalay iigumaad hanbayn

marka somali inaan u yeedho ma ahayn ee inay is xilqaamaan ayaa ahayd dhulka waa lawada dagan yahay e kaligay malihiye saan isu xilqaamay inay isu xilqaantaa fiicnayd waliba ninka raga ah waaka walaakiis khairka kula tartama

haday somalidu diidan tahay magaca ay jabhadu wadato jabhadu waa niman is xilqaamay waana dad kamida dadka gobolka dagan marka hadaad diiday magaca ay wataan laba arimoo ayaad haysataa

. inaad magac kale samaysato oo aad kudagaal gasho guusha kadibna aad ka wada hadashaan waxa dan ah kollay waa la is fahmiye .

. in aad walaaladaa u tagto oo aad tidhaahdo walaalooyinaw cadawgan xabashiyeed anigana waan nebcahay waxaan diidanahayna waa jiraa oo aan ula dagaalami la ahay waa eray gar ah nin ragana wuu ku khasban yahay inuu garta qaato kadib magaca inaga badala dagaalka aan idinla galnee ! lama odhan wali ONLF hadiise la odhan lahaa way yeeli lahayd ayay u badan tahay

waxaa kale jabhad ayaa jirta magaca somali galbeed wadata yaa raacay oo la socda wali hal qoys unbaa dagaalamaya oo dhankaana hawsha ka wada waxaadna garanaysaa inayna somali dagaal diyaar u ahayn marka hadaan magaca iska badalo aniga ayay ii tallaa hadaan daystana waa sidoo kale

tusaale ninbaa buste haystay markii uu seexanayay ayuu ista isku laalaabay huwaday illeen waa kaligiiye hadii bustahaas kala bixiyo isaga ayay u taalaa haduu isku laabana sidoo kale marka hadii nin marti ahi uyimaado oo kuyidhaahdo nin yahaw bustaha inoo kala bixi maka diidayaa ? maya waa kala bixinyaa marka nimankaan haday arkaan nin kale oo magaca ay sheeganayaan aan ahayn kana garab dagaalamaya iyaga xattaa ceeb ayay ku noqon lahayd inay magacan sii wataan wayna badali lahaayeen iyaga oo xurmaynaya walaalkooda ka garab dagaalamaya

dhanka kale yaa xorayn kara somali galbeed

1 dadka maanta xoriyada u dhaqdhaqaaya ama dagaalamaya dhamaan waa dad muslimiin ah jabhaduna salaaada oo gashay meel ma fadhiyaan hadaad wali nimankaa kulanteen iyaga oo duurka jooga xili salaadi ugashay wayso inta ay kuu dhiibeen tuko maku yidhaahdeen anigaa arintaa arkay waana dad ilaahay ku xidhan salaadana tukada wacyi galina sameeya oo sheekha ciidanku uu mudo muxaadaro jeedinayo sabirna dadka u dardaarmayo mana jirto guuto meel ka hawl gasha illaa sheekh ayaa la socda salaadana tukiya iyagana maslaxadooda iyo nidaamka diiniga ah ku kala haga

dadkani cid haday ka baqayaan dagaal ma aadeen geesina sidiisaba waakan cadawga gaalada ah ladagaalama nin gaal ka xoog badan ka hub badan ka tiro badan dagaal kaga hor yimidna waxaa la arkaa inuuna cid uu ka baqayaa jirin ilaa ilaahay moyee waana niman kudhawaaqaya allaahu akbar mar kasta oo ay dagaal kujiraan

ogow dadka hada magaalooyinka ku ba'ay mooyee dadka miyiga jooga ama masuuliyiinta ah buuriga ceeb ayay u yaqaanaane waxaana daliil u ah dadka waawayn hadaad maanta wax uu diidayo hoo kutidhaahdo erayga ugu badan ee ay is ticmaalaan waa iga buuri ayay ku dhahayaa halkaas oo laga garanayo ceebta buuriga nin buuri cabayana uma malaynayo in shacabku u gargaari lahaa .

dadkani dad qabiil ma aha wayse jirtaa nin walba inuu qabiil kasoo jeedo oo uuna kaligiis qabiil ahayn taas odhan mayno ninku kolba haduu qabiil kasoo jeedo waa qabiilkaas hawsha uu hayaana ee qabiilka way ka dhasheen dantuse waa diintaada xor u noqo iyo dalkaagaba

haka weecin waad ka weecisaye inaad tidhaahdo way joogaan dadkii xorayn lahaa toobiyihii xoriyadana cagta way saareen waayo sidiisaba cadawgaaga oo gaala hadaad is barataan iskama kaa celin karo dadkana aad ayay isu barteen xabashi mudadii dherayd ee ay ladagaalamayeena wax yaabo badan ayay ka faaiideen taasna waxaa daliil u ah khasaaraha ay u gaystaan mar kasta oo ay dagaal iskaga hor yimaadaan iyo xeeladaha dagaal ee ay isticmaalaan oo ka duwan kuwii horay loo isticmaalayay sababna ay u tahay khibrada ay ka haystaan amxaaro oo tayo badatay

marka odhan mahayo way cunayaan midhaha xoriyada mana odhanayo wakhtigaas ayay xoroobayaan oo labadaba ilaahay ayaa og odoroos ahaanse waxaan leeyahay way yihiin kuwii xoriyada wadanka toobiyaheeda ugu hor helay mudadii dagaalka lagula jiray cadawga wayna u dhawdahay ragii ceelalyooday inay ceelkii biyaha gadhaan insha allahu way gaadhayaan

gaba gabo

waxaa iga talo ah qof walba oo aduunka jooga qalad kama madhna ee in uun waa leeyahay hadayse tahay qofka walaalkay ah intiisa xun unbaan sheegi tiisa wanaagsana waan qarin nin walba in gubta gurigiisa way taallaa waxaase ila quman hala isku dhex qaybiyo oo markaad ceebta sheegto wanaagaa sheeg ilaahayna saas waa jecel yahay

gaba gabadii adiga waxaan ku odhan lahaa xog badan raadi hadaad qurbaha joogto hadaad wadankii joogtana sidoo kale lakulan cid katirsan jabhadaha warayso xog tayda ka badan ka raadi dabadeed maqaalkaaga xiga iyo taladaada aan aragno

wabilaahi tawfiiiq

maxamed shukri
burqa632@hotmail.com

Afeef: Aragtida qoraalkan waxaa leh qoraaga ku saxiixan

.Somaali Galbeed ma Xoroobi Doontaa? | Xasanyare