C/fitaax Ibraahim cumar sebriye ( Shaaweeye) oo ah Wiil uu dhalay shaaweeye ayaa maanta loo caleemo saaray jagadii uu abbihii ka dhintay ee Gobolka Banaadir

May 15, 2007

Jagada guddoomiye ku xigeenka Gobolka Banaadir iyo Duqa Magaalada Muqdisho ee dhinacyada Ammaanka iyo Siyaadda ayaa maanta loo caleemo-saaray Maanta C/fitaax Ibraahim Cumar Sabriye (Shaaweeye) oo uu aabbahiis ka geeriyooday.

Xafladda caleemo saarka ayaa waxaa maanta lagu qabtay Degmada Dayniile ee Gobolka Banaadir, waxaana xafladdaas goobjoog ka ahaa Guddoomiyaha Gobolka Banaadir ahna duqa Muqdisho Maxamed Cumar Xabeeb Maxamed Dheere.

Sidoo kale xafladdaan oo ka dhacday xaruntii Orietension-ka Degmadaas ayaa waxaa ku soo dhaweeyay mas'uuliyiinta gobolka dadweyne fara badan oo ka tirsan kuwa gobolka iyo sidoo kale kuwo kale oo ka yimid degmooyinka gobolka Banaadir, iyadoo soo dhaweyntana ay ka qaybgaleen Fardo la xardhay.

Mas'uuliyiinta ka hadlay halkaas ayaa waxaa ka mid ahaa Maxamed Dheere, Caasho Shaacuur, C/fitaax Ibraahim Shaaweeye, Guddoomiyaha degmada Dayniile iyo xubno kale, waxaana Maxamed Dheere uu sheegay in jagadaan C/fitaax loo caleemo saaray maanta ay tahay tii uu ka dhintay Aabbihii, waxaana Maxamed Dheere uu dadka ka codsaday inay taageeraan C/fitaax.

C/fitaax Ibraahim Cumar Sabriye (Shaaweeye) oo ah nin dhallinyaro ah oo qiyaastii 25-jir ah oo isaguna ka hadlay xafladda ayaa sheegay inuu go'aan ku gaaray inuu shacabka Soomaaliyeed weli u sii shaqeeyo oo uu isku dayo inuu buuxiyo kaalinta aabbihii uu banneeyay ee maamulka Gobolka Banaadir.

Xubnihii kale ee halkaas ka hadlay ayaa waxay sheegeen inay si weyn u garab istaagayaan Maamulka Maxamed Dheere iyo weliba C/fitaax Shaaweeye, waxayna sheegeen inay ka codsanayaan maamulka inay ka shaqeeyaan nabadda Muqdisho iyaguna ay garab taagan yihiin maalin walba.

Maxamed cumar xabeeb ( maxamed dheere) iyo C/fitaax shaaweeye oo booqday Isbitaalka degmada Dayniile iyo xaaladda guud ee degmada dayniile

Guddoomiyaha Gobolka Banaadir ahna Duqa Muqdisho Maxamed Dheere iyo ku xigeenkiisa C/fitaax ibraahim cuamr sebriye (Shaaweeye) ayaa markii ugu horeysay waxay maanta booqasho ku tageen Isbitaalka Degmada Dayniile oo ay ku jiraan saddex qof oo dhaawac ah, waxaana kormeerro kala duwan ay ku soo sameeyeen qaybo ka tirsan Isbitaalka.

Mas'uuliyiintaan ayaa waxay halkaas ku booqdeen haweeney madaxa uu ka soo gaaray dhaawac hoobiye intii ay socdeen dagaalladii ugu dambeeyay ee Muqdisho ka dhacay iyo sidoo kale laba wiil oo dhallinyaro ah oo dhaawacyo ka qabay lugaha, waxaana ay u rajeyeen inuu EEBBE caafimaad siiyo bukaannadaas.

Xaaladda Isbitaalka

Isbitaalka Dayniile oo ay dhiseen Jaaliyadaha Beesha Murusade ee ku dhaqan dalka dibaddiisa ayaa ahaa isbitaalka ay ka muuqatay qurux aad u badan inkastoo ay dhexdiisu ahayn shamiito, oo ciidda lagu kor soconaya, waxayse shaqaalaha isbitaalku sheegeen in dhaawacyo fara badan la keenay intii ay socdeen dagaaalladii ka dhacay Muqdisho.

Mid ka mid ah kalkaaliyeyaasha Isbitaalka oo warbixin ka siiyay saxafiyiin booqday maanta isbitaalka ayaa wuxuu sheegay in 22-kalkaaliyeyaal iyo 4-dhaqtar ah ay xilligaan ka shaqeeyaan isbitaalka, kuwaasoo aan wax dhaqaale ah ka helin Isbitaalka dhammaantoodna ah kuwo ku shaqeeya xaalad iskaa-wax-u-qabso ah.

"Isbitaalka wuxuu helaa dawooyin, sidoo kale waxaan ku daweynay intii uu shubanka jiray dad badan oo isugu jira caruuur, dad waaweyn iyo dhallinyaro, waxaana dadkaas ay heleen gacan wanaagsan iyadoo aan wax lacago ah laga qaadayn bukaannada cudurka shubanka uu soo ritay" ayuu yiri Axmed Cali Garruun oo ka mid ah kalkaaliyeyaasha Isbitaalka Dayniile.

Sidoo kale Ismaaciil Maxamed Cabdulle oo ka mid ah kalkaaliyeyaasha ka howlgala Isbitaalka ayaa sheegya in la keenay xilliyadii ay dagaallada ay dagaalladu socdeen 120-qof oo qabay dhaawacyo kala duwan, waxaana uu carrabka ku adkeeyay in dhaawacyadaas lagu daweeyay muddo 8-casho illaa 16-casho, taasna ay keentay sida ay dhaqaatiirta iyo kaaliyeyaasha Isbitaalka ugu heelan yihiin inay wax u qabtaan shacabkood caafimaad ahaanta u imaanaya Isbitaalka.

Haweeney lagu magacaabo Faadumo Shire Maxamed oo qiyaastii 55-jir ahayd oo madaxa uu ka soo gaaray dhaawac hoobiye ayaa ku jirtay isbitaalka, waxaana kalkaaliyeyaashu ay inoo sheegeen inay sugayso qalliin madaxa looga sameeyo, kaddib marka ay soo gaaraan Isbitaalka Dayniile dhaqaatiir Masaari ah oo lagu wado inay howlo qalliimo ah oo kala duwan ay ka fuliyaan Isbitaalka Dayniile.

Bukaannada sugya in lagu qalo Isbitaalka Dayniile ayaa waxaa ka mid ah wiil 18jir ah dhaawacna ka qaba cagta lugta midig oo lagu magacaabo Saciid Careys Cabdulle, wuxuuna siciid sheegay in luga ay god ugu dhacday, dabadeedna uu soo gaaray jabka.

Hay'adaha Isbitaalka ka kaalmeeya dhanka Dawada ayaa waxay ku sheegeen kalkaaliyeyaasha isbitaalka qaarkood inay kala yihiin: Hay'ada Bisha Cas Imaaraad, Hay'adda WHO ee caafimaadka Adduunka iyo Hay'adda UNICEF ee caruurta, waxaana ay sheegeen in dawo ku filan uu Isbitaalku haysto.

Faadumo Maxamed Cabdulle oo ahayd kalkaalisada ugu da'da weyn kalkaalisooyinka Isbitaalka ka shaqeeya oo dhankeed ka warbixisay Isbitaalka iyo howlihiisa ayaa waxay sheegtay in Isbitaalka uu u baahan yahay waxyaabo badan oo laga doonayo inay gacan ka geystaan marka Jaaliyadihii beesha Murusade ee dhisay Isbitaalka, waxaana ay sheegtay in Isbitaalka uu u baahan yahay baabuur.

"Isbitaalka wuxuu u baahan yahay baabuur kala duwan, sida gawaarida Shaqaalaha qaada oo uusan isbitaalku xilligaan lahay, waayo Shaqaalaha Isbitaalka ma haystaan gawaari geysa magaalada, maadaama isbitaalka uu ku yaallo meel aad ugu baxsan Magaalada Muqdsiho, sidoo kale waxaanu isbitaalka haysan baabuurta Ampulance-ga ah oo dhaawacyada iyo dadka kale ee jirrooyinka qaba loo baahan yahay in lagu soo qaado, maadaama isbitaalka aan lug lagu soo gaari karin" ayay tiri Faadumo Maxamed Cabdulle.

Faadumo ayaa waxay carrabka ku adkeysay in Isbitaalka uu u baahan yahay in gudihiisa wax laga qabto, waxayna sheegtay in isbitaalka uusan ahayn marka gudaha loo soo galo Shamiito, sidaa daraadeedna ay shaqaalaha isbitaalku gacmahooda ku qaadeen qofka dhaawaca ah, iyagoo geeya saalada iyo sidoo kale raajada, taasina ay dhib ku tahay shaqaalaha.

"Waxaan ka codsanaynaa Jaaliyaddiis Isbitaalka dhistay iyo ciddii kale ee gacan ka geysan karta in Isbitaalka dhismihiisa ay dhameystiraan, taasoo aan ka codsanayno wax badan jaaliyadda" ayay tiri Faadumo oo sheegtay in isbitaalka oo dhismihiisa la dhameystiro ay wax badan ka badalayso sida uu haatan u shaqeeyo.

Isbitaalka ayaa waxaa lagu wadaa in bishan 20-keeda ay ka billowdaan howlo indho-fiiqid ah, waxaana howshaan indho-fiiqidda ah ka fulinaya dhaqaatiir Masaari ah oo howlo caafimaad oo tabarucaad ah ka fulinaya Magaalada Muqdisho ee caasimadda Soomaaliya.

Kalkaaliyeyaasha Isbitaalka Dayniile ayaa waxay u sheegeen warfidiyeenkii maanta booqday isbitaalkaas in ay socdaan qoridda dadka indhaha xanuunnada ka qaba iyagoo ugu baaqay in shacabka Soomliyeed ee ku sugan Muqdisho iyo gobollada kale ee ku dhow-dhow ay ka faa'iideystaan howshaan indho-fiiqidda oo lacag la'aanta ah.

Madaxweynaha dowlada fadaraalka KMG Somaliya Cabdulaahi Yuusuf Axmed ayaa ka ogolaaday qaramada midobey baaritano lagu sameeyo haddii ay jiraan xadgudubyo loogu geystey shacabka somaliyeed dagaaladii ka dhacay magaalada muqdisho Sida uu sheegay dibla maasi sare oo ka tirsan xafiiska qaramada midoobey ,

Wararka laga helayo xafiiska qaramada midoobey ayaa waxaa shaca ka qaadayaan in jimciyada quruumaha ka dhaxaysa ay baaritano ku sameyndoonto hadii ay jiraan meel ka dhacyo lagu dhaqmay in tii ay muqdisho ka socdeen dagaaladi lagu hoobtey ee ka dhacay dabayaaqadii bishii febrayo oo ay boqolaal ruux ay naftoodii ku waayeen

Isku duwaha gargaarka bini aadanimada deg deg ah ee qaramada midoobey Mr. John helmoth ayaa waxaa uu si asmi ah shaaca uga qaaday in madxweyne Cabdulahi Yuusuf Axmed uu ogolaaday baritaanka qaramada midobey ay ku sameyneyso tacadiyo hadii la geystey intii ay socdeen dagaaladii cuslaa ee muqdisho ku dhex maray ciidamada dowlada fadaraalka KMG somaliya iyo kuwa Ethiopia oo garab siinaya iyo kooxo ka so horjeeday oo kacdoon ka waday muqdisho ,

Dagaaladaas ayaa la sheegay in ay ku nafwaayeen kumanaan Somali ah halka dhaacaune uu yahay tiro intaa ka badan isla mrkaan ay ku bara kaceen inta badan dadki muqdisho deganaa

john holmoth “waxaan soo hadal qaday wararka sheegaya in tacadiyo waaweyn oo xaga xuquuqda aadanaha ah qilaafsana shuruucda caalamiga ah la geystey waayo dad rayid ah ayaa la deegsay oo siyaabo kala duwan lo bartilmaameedsaday “ayuu yiri john holmoth maruu shirjaraid ku qabtey Nairobi mr john holmoth oo sababo xaga amniga ah u so gaabiyey booshaqo sabtidii u ku yimid somaliya ayaa sidoo kale sheegay waxaan sidoo kale aan ka hadlay wararka sheegaya dad la xirxiray oo ilaa iyo hada la la,yahay dowlada somaliya ayaa beenisay in wax mas.uuliyad ah ay ku leedaya armahaasi balse madaxweyne Cabdulaahu Yuusuf Axmed wuxuu ogolaaday aragtida ah in somaliya ay so booqato gudoonka sare ee hay.ada xuquuqda aadana u dodo luwis arbol si ay u eegto baritnada ah in loo helo fikir sax ah oo ku aadan wixii ka dhacay somaliya ayuu hadalkiisa sii raaciyey john holmoth oo ah isku duwaha gargaarka bini adan nimada deg deg ah ee qaramada midoobey

sida iska cad dhibaatooyin waaweyn ayaa dhacay inti ay socdeen dagaaladii muqdisho ka dhacay waxaana ka mid ahaa tacadiyio loo geystey dad rayid ah oo aan waxba galabsan ayuu yiri john holmoth isaga oo ula jeeday laba iska hor imaad oo dhacay bilihii majo iyo abrile iyada o dagaaladasine ay so afjarmeen 26 kii abrile markii xukuumada fadaraalka KMG somaliya ay ku dhawaaqday in dagaalkii uu soo afgarmay gebi ahaanba lagana adkaaday kooxhii dagaalamayey ,

john holmoth ayaa sidoo kale sheegay in qaramada midoobey ay wax ka qabaneyso dhibaatada baahada weyn ee ka sii daraysa ee dadka gaaraya 400.0000 ee la barakicyey intii ay socdeen dagaaladii muqdisho ka dhacayey isku duwaha gargaarka bini aadanimada ee deg deg ah john holmoth wuxuu shaaca a qaaday n tyiro u dhaxeyso %35 boqolkiiba iyo %40 boqlkiba hada ay heli doonaan gargaarka waxaana jira caqabado isugu jira xaga amniga iyo xaga farsadmada uu gargaarku la socon la.yahay ,

john holmoth shir saxafadeedkiisa ayaa waxaa uu ku shaagay kulan waqti kooban qaatey sabtidii uu la yeeshay Madaxweyne Cabdulaahi Yuusuf Axmed wuxuuna ku booriyey in la qaado isbaarooyinka yaalka guud ahaa daafaha magaalada muqdisho si loo saamaxo in gargarku dhibyari uu ugu gudbo cidii u baahneyd ,

ugu danbeyntii ayaa Isku duwaha gargaarka bini aadanimada deg deg ah ee qaramada midoobey Mr. John helmoth waxaa uu sheegay in aan isaga lala damacsaneyn qarixii maalinti sabtida eheyd gilgilay wadadii uu ku socday ee ka dahcay isgoyska No 4 ee magaalada muqdisho laakiinse wuxuu sheegay in qaraxaasi uu diray fariin ah in xamar xaaldiisu weli yahay mid aah isku toosneyn ,ma malaynaayo in aad oron kartaan xamar waa magaalo soo kabanayso haqiiqdii rajada waa mid madluunsan ayuu ku yiri suxufiyiinta hortooda Isku duwaha gargaarka bini aadanimada deg deg ah ee qaramada midoobey Mr. John helmoth mar kuu kula hadlayey magaalada Nairobi ee dalka Kenya ,

ogolaashiyaha madaxweyne Cabdulaahi Ytuusuf Axmed oo ah in qarmada midoobey baritaano ay ka sameyso dagaaladii magaalada muqdish ka dhacay ayaa ku so beegmeyso xili madxweynuhu shalay ka duulay agaalada muqdisho isaga oo u sii jeeday wadanka yugandha

Gaashaan buurta midowga yurub ayaa dalbaday in la soo afjaro dirita ka socoto dalka somaliya isla arkaan balan qaaday in ay bixinayaan gargaar biniaadannimo oo ay ugu tala galeen shacabka somaliyeed ee dhibatooyinku la soo darseen

Golaha wasiirada ee wadama midowga yurub oo shir isugu yimid magaalada Brussels ee dalka Belgium ayaa waxaa ay isla soo hadal qaadeen sida laga yelayo arinta somaliya iyo sida ugu sahlan ee xal loogu heli karo mushkilada ka aloosan gudaha dalka somaliya waxeyna kulan kooda ka dib ku tartarsiiyeen deeqbiyayaasha calamka oo dhan in ay kordhiyan gargaarka bini aadanimo iyo howsha dib u dhiska dalka somaliya ,

Balse waxaan la isla meeldhigin oo aan la sheegin inta uu la egyahay gargaarka la siinayo dalka dagaaladu halakeeyeen ee somaliya .wasiirada midowga yurub waxey ka dalbadeen mas.uuliyiinta somalida in ay qaadaan caqabad kasta si uu u meel maro dhaqdhaqaaqa gargaarka lagu gaarsinayo dalka somaliya sidoo kale wasiiradu waxaa ay isla meel dhigeen in ay codkooda ku biiriyaa taageerada ay u hayaan howsha nabad ilaalinta ee midowga Africa ka wadaan dalka somaliya ka dib marka ay ciidamada dalka Ethiopia ay ka huleelan dalka somaliya waxeyna ku baaqeen in wadamada Africa ee kale ay sidaasi oo kale ay sameeyaan ,

Dalalka xubnaha ka ah midowga yurub oo tiro ahaan gaaraya 27 dal ayaa waxaa ay dalbadeen in dhamaan qeybaha ku lugta leh colaada somaliya in ay muujiyaan isu tanaasulid iyo in ay adkeyaan joojimnta cadowtooyada dalalka midowga yurub waxey canbaareeyeen dhamaan cidkasta oo xoog isticmaasha waxeyna farata ku fiiqeen dirirta somaliya in lagu xalin karo oo qaab siyaasadeed ,

Wasirka ka mid ah kuwa midowga yurub ayaa sheegay in mujtamaca somalida oo dhan ay ka qeyb galaan wada xaajoogka nabada oo salbalaaran ,waxaana ilaa hada la hayaa ciidamo ka socdo dalka ugandha oo keliye iyada o wadamada kale sida koofur Africa ,tanzaniya, Burundi iyo wadamo kale anay weli keenin cidamadii ay ku yabooheen in ay geeyaan gudaha dalka somaliya waxayna sababa uga dhigeen arimo dhaqaale ,

Wadaada midowga yurub wuxuu qoondeeyey 15.ooo.ooo in uu ku hormariyo qeybta koowad dalka somaliya oo loogu tala galay arimha ay ka mid ka yihiin sida dib u dhiska iyo dib u heshiisiinta midnimo qaran oo loo dhan yahay laguna qabto dalka gudihiisa laakiin taasi waxey midowga yurub sharuud uga dhigeen in la furo wadahada siyasadeed oo ay yeeshaan dhamaan qeybaha isku haaya talada dalka

Waxaa iyana jirta dhaqaale kale oo loogu talagalay in lagu hormariyo howsha nabad ilaalinta ee midowga Africa

Midowga yurub ayaa wuxuu walaac xoogan ka muujiyey in aanay ciidamada midowga Africa aanay awood buuxda u helaynin in ay taageeraan ama ay ciidamo u diraan howlo kale oo nabad ilaalineed oo la mid ah midka hada y ka hayaan dalka suudaan ee daafuur .qaramada midoobey ayaa horey waxey digniin uga soo saartey masibo bini aadan nimo oo ku soo fool leh somaliya waxeyna cadaysay in dadaalkii samafalka ay hakiyeen rabshado dhacay ,

Ilaa sadax boqol sagaashan iyo shaun oo ruux ayaa ku barakacay magaalada muqdisho dagaaladii dhacay horaantii bishii febrayo ee kal hore iyada o ay dhaceen dagaaladii ugu foosha xumaa mudo 16 sanno ah oo ka dhaca somaliya guud ahaanba ,

Somaliya ayaa dowlada la .aan aheyd ilaa sanandkii 1991 kii markaas o hogaamiye kooxeedyadii dagaalka ay taladii kala wareegeen rajiimkii siyad bare intaa waxii ka danbeeyey wadanku wuxuu lugaha la galay fowdo ,qalaanqal siyasadeed iyo dagaalo sokeeye oo diig badani uu ku datay

Muuse Maxamuud Jiisow

somali39@hotmail.com

Muqdisho Somaliya

025215576666

002521653623