Gabaygani waxa uu soo baxay 1 bisha may 2007. Waxaan akhristay Gabay uu tiriyey Abwaanka Dada yar, Maxamad Xirsi Guuleed (Cabdibashiir) oo muddadii aan akhrinyey aan u haystay, in u ila joogo. Gabaygaasi anoo aad u niyad jabsan, ayaan akhriyey, markii aan akhriskii dhammeeyey, ayaa waxa iga dul kacay hadh i saarnaa. Waxaanan tiriyey Gabaygan

Gobanimo2. Waa Xuseen Xasan Waaberi (Xuseen Qaraami). Magaalada Kiruna ee dalka Sweden. Husenhasan90@yahoo.com
 

• Cabdiyoow Gabay-yadii iyo ka tagay gocashadoodiiye 
  Ma gorfeeyo maansooyinkaan gaarka u lahaaye
• Waataan ka gaabsaday murtida dabagalkeedii 
   
• Waataan dantayda u guntaday een gaabshay hadalkiiye
• Galabtii ad ii timid markaad gabaygii ii keentay
• Gobannimo markaad tirisay baan gaydh la soo kacaye 
   
• AllaaŽilehe goŽbaad iga rogtay iyo gibil i saarayde 
  Waxa aan guddoonsaday adduun galabba waa cayne
• In ay guushu soo noqon mar uun goor ay noqotaaba 
   
• Cabdiyoow gar weeyaan warkani golaha noo yaalie
• Anigoo goŽaygii intaan gaar iskula duubay
• GamaŽii intuu iga gidmaday hiifay gogoshaydii 
   
• Gacal iyo xigaal iyo anoo waayey garab oo dhan
• Anoo ciil la gubanaaya oon garan waxaan yeelo
• Sidii aar gantaal lala helay oo dhiiggu goboleyni
• Oo geydhanaayoo ilmada goŽbo ka siinaaya 
   
• Gabacyeynta leylkii waxaan gamaŽa diidaaba
• Gobannimo markaad tirisay baan gaydh la soo kacaye
• AllaaŽilehe goŽbaad iga rogtay iyo gibil i saarayde 
  Waxa aan guddoonsaday adduun galabba waa cayne
• In ay guushu soo noqon mar uun goor ay noqotaaba 
   
• Cirka oo galgaalooy abaari gees kastaba gaadhay
• Iyadoo taroog lagu go áy oo uunku kala guuray
• Cir guduuddii waaberi gudgude gaadhay dunidoo dhan
• Gobannimo markaad sheegtay eed gabaygan soo dhiibtay 
   
• Sida loogu guuxay farxadi gaadhay gibilkayga
• Ididiilo gaara i gashay iyo guul an naawiloŽe
• Goroddii aan laalaadshay iyo goŽii aan dooyeystay 
  Intaan giirka taagaan ka kacay goob an yuururay é 
   
• Cabdiyoo Garweeyaan warkani waan garwaaqsadaye
• Gobannimo u dirirkii raggii gooyey cadawgoo dhan
• Gaalada raggii caydhiyey ee gooyey cidhibtiisa
• Guban iyo galbeed saylac iyo waamo garabkeeda 
   
• Nimankii godka u galay xornimo wey gubanayaane
• Ciil bay gandoodaan qabriga cadhona waa u gaare
• Cirku inuu garnaylo iyo dhagxaan gubada soo daadsho
• Dhulku inuu gariiraan ka biqi goor ay noqotaaye
•  
  Ubadkaa la gawriirshay ee goobkastaba yaalla
• Haweenka geydhanaayee ilmadu gibilka ay qoysay
• Guryahan wada daloo madfaca lagu guraa baasay
• Dadkan geedihii ay u qaxeen goodku ku idleeyey 
   
• Gurmadkiina loo diiday iyo gacantii loo taagay
• Waayeelkan gawriira ee gibil madoobaaday
• Gabayrihiyo suudiga dadkaa guudka ka cadhoobay
• Galaayuuska qaylada marwada goobi ubadkeeda 
   
• Cali Geediyoo waxaad gasheen godob sokeeyaade
• Ubadkaad gumaaddeen dadkaa goob kastaba yaalla
• Duqan ciilku googooyey ee gamaska dhiigeystay
• Gashi iyo wuxuu goobayaa aano goor horeŽe 
   
• Nin wax garad ah wuu neceb yahay iyo guurtidoo idile 
  Grayaqaannadii reer hawiye waa la gaabsadaye
• Ninkii gorodda taagaba godbaa lagu ridaayaaye 
   
• Gaadmiyo khiyaamuu wadaa aan la garanayne
• Sidii goosan yey helay ayuu gubay dadkiiniiye
• Horuu gacan ku dhiigle u ahaa tan iyo goor dheere 
   
• Geedkii calaacalay markay guduni ay goysay
• Xaajadu gaddii weeye oo weydin garataane
• Gaaladu wax nama yeelin iyo guud caddaadiguŽe 
   
• Idinkaa gurboodka u sidee guul ma mahadsheen
• Intiinase garaadliŽi darteed daba gucleynaysa
• Iyo gaalo madowdaa xun ee goob kastaba joogta
• Gallad iyo haddaad moodaysaan guulo lagu faano 
   
• Waa idiin garaad xumo tolkiin inaad gumaaddaane
• Gurigiini idinkaa gubaye galiya laabtiina
• Gayigiini idinkaa gatayŽe galiya uurkiina
• Godob ma hadho hooy inaad gasheen geliya laabtiina 
   
• Inta diinta garab siinaysa ee goob kastaba joogta
• Inta nabadda goobaysa ee xumo ka giigaysa
• Inkastooyo gambadu saaran tahay gabi Islaam oo dhan 
   
• Inkastuu maraykan u guntaday inuu Islaam gooyo
• Inkastuu rag gawroco amase gubo uu jeel iskugu geeyo
• Inkastuu rag gooni u cuno goor an la arkayning 
   
• Gabbal dhac iyo waaberi hadduu goor kastaba laayo 
  Gaf kastuu sameeyaba xaqaa soo gadaal bixiye
• Soomaali wey u wada guntani goob ay joogtaba  
   
• Ubadkaa gelgelimaha fadhiya wey ka geylamiye
• Jeer aanu garan gooridaa gees iskaga tuurno 
  Gashigaa ay gaysteenna waan goobaynaa abide
• Guushiyo xaquna weyska iman goor ay noqotaaye