QORMADA MAANTA:: Kenya ma Badda Soomaaliyeed ayey Shidaal Ka Qodaneysaa?

Daabaco Boggan | Print Prof. Cali Maxamed Geeddi oo Diyaarad Militari oo Itoobiyaan ah keentay Afgooye:29/12/06, Sawirka: AP. Geeddi oo aan Weli Ka Jawaabin eedayntii ahayd in "uu Mas'uul ka ahaa Mamnuucidii Dhoofinta xoolaha Akhri Dhagaxbuur: 9 Shaqaale Shiine ah iyo 65 askari oo Itoobiyaan ah ayaa lagu diley meel Shiinuhu Batrool Ka Baarayeen... Akhri.. Ceelka iyo Xaruntii Conoco, Garoowe, Soomaaliya... Akhri.... Nidaamka Islaamiga ee Wadaagga Batroolka: Laga bilaabo Morocco ilaa Indonesia: Q.3aad Qaybta: 1aad | 2aad | 3aad Dowlada FKMG Ah Ee Soomaaliya oo Indhaha Ka Laabatay Ceelasha Shidaalka Ee Ay Kenya Ka Baarayso Xadka Soomaaliya... Akhri Kenya ma Badda Soomaaliyeed ayey Shidaal Ka Qodaneysaa? Dawladda Kenya ayaa dardar gelisey baaritanka batroolka ay ka wado xeebta, waxaana soo baxay warar tibaaxaya Akhri Itoobiyaan baaraya laba nin oo Soomaali. Muqdisho. AFP - Jan 13, 2006 Taangi Itoobiyaan ah oo taagan garoonka muqdisho - AFP - Dec 2006 ARAGTIDA/MAQAALLADA DADWEYNAHA EE MAANTA

:::QUIXTAR::: Soomaalida Deggan Woqooyiga Ameerika Maxay Kala Kulmeen "Quixtar"... Guji :::SOMALIDA KENYA & POOL::: Soomaalida Deggan Nairobi Maxay Kala Kulmeen "Pool" Waa "Quixtarka Kenya" Guji

GABAY::: Garanwaayey

Waxaa qoray:m.m.farah.
fbulay101@hotmail.com

Gabaygan kooban wuxuu qoraagu tiriyey xiligan qalafsan ee ay ku jirto ummada soomaaliyeed.wuxuuna isugu jiraa guubbaabo iyo duco ay ku dheehantahay cabsho uu qoraagu Rabi ku weydiisanayo in uu u gargaaro dalka iyo dadka soomaaliyeedba kana qabto qof kasta oo aan u soo wadin wanaag mid aduun iyo mid aakhiro toona.wuxuuna yiri: 

1. Geediga la raray iyo ragaa guudka sare fuulay.
2. Waxay goobayeen waa inay horumar gaadhaane.
3. Geedkey soo dhiseen waa kan gaamuraye.
4. Ganbuu u soo baxshoo gooste mirihiisa.
5. Gaajay soo mareer iyo  guluf colaadeede.
6. Golxob iyo waxay xiranjireen gabanti heyleede.
7. Garabkeysa saareen iyo iney gole fadhiistaane.
8. Samadey u guureen oo hadey gala baxaayaane.
9. Guni waa intii gaabisoo geedba aan korine.
10. Oon taladaba  gorfeyn goor iyo aleyle.
11. waa intii samaha geesmartiyo guurti loo xulaye.
12. Waa intii cadawgeeda aan garanin oo gacal san moodeysa.
13. Garanwaayey xaajadan guracan ee sidatan loo gooyey.
14. Guulow Allahayow adaan cid ku gaadheyne.
15. Gacmahaanu taagnaye ka gaar geyiga soomaali.
16. Afartaa gantaal aan ridiyo garashadeydii dheh.
17. Afar kalana aan guudka maro saad u garataane.

18. Gabalkaa u dumay ganbada loo xidhiyo gebiba soomaali
19. Gunimada loo gartiyo goofka lagu jiidey.
20. Gebagebada laga yeelayiyo gama’a loo diiday.
21. Gumaadkiyo xasuuqiyo waxaa uunki wada gaadhay.
22. Godadka lagu gurayo iyo waxaa badaha gawriirsan.
23. Waxaa meyd gabrane haadu guraneyso.
24. Gurmad li’ida loo gartiyo  gumuc loo daadshey.
25. Gantaalaha lala dhacaya iyo gaajiyo haraadba.
26. Gacmaha lagula jiro iyo waxaa guuto urur joogta.
27. Gumeysiga lala damciyo gefafka loo quudhay.
28. Golihii amaankuna talay sidan ku gaareene.
29. Afrikana hurdadey gashaan laga geyooneyne.
30. Lagawaa gadood iyo iney guux isgeliyaane.
31. Gobolada carbeediyo kuwii gogoshu noo keenay.
32. Garabkeen ka baxe iyo in ay talo ka geystaane.
33. waxay galabsadeen lama hayoo laga gudaayaaye.
34. Garanwaayey xaajada guracan ee sidatan loo gooyey.
35. Guulw Allahayow adaan cidi ku gaadheyne.
36. Gacmahaanu taagnaye ka gaar geyiga soomaali.
37. Afartaa gantaal aan ridiyo garashadeydii dheh.
38. Afar kalana aan guudka maro saad u garataane.

39. Gabanadaad dhashiyo hadaad hooyo gacan saarto.
40. Gaaridii kuu dhaxdana haddaad gogosha dhaafsiiso.
41. Gurigaad dhistana haduu hoos ka gubanaayo.
42. Gurgurshaagi reerkana haddaad gawrac ugu jiido.
43. Oo good iyo abees gurada kuu jiifo.
44. Gambbaa kuu habboon iyo inaad gegi ka ooydaaye.
45. Goblan iyo waxaad dooneysaa goroftii ceebeede.
46. Gacmahaaga waad eediyo ragaad gudub u leyneyso.
47. Garabkaa baneysaye walee waa lagaa gudiye.    
48. Godkii aakhiriyo waxa ku sugi guulihii jiraye.
49. Gashi iyo guul laguma helo gawrac inankaaga.
50. Guna kuma siyaadiyo in aad gaar u lulataaye.
51. Godobay horseedaa iyo gocasho  dheeraad ah.
52. Aduun bays go’doon shoo is dhigay garab la’aaneede.
53. Gurmad kuuma soo diro ninkaad guluf wadaag taane.
54. Gabbaad kuuma noqonkaro go’aad gaar u sidataaye.
55. Gaashaan ma noqon karo ninkii tiisi gaasiraye.
56. Garanwaayey xaajadan guracan ee sidatan loo gooyey.
57. Guulow Allahayow adaan cidi ku gaadheyne.
58. Gacmahaanu taagnaye ka gaar geyiga soomaali.
59. Afartaa gantaal aan ridiyo garashadeydii dheh.
60. Afar kalana aan guud ka maro saad u garataane.

61. Guushaan heliyo geydhoy hasheenii gebiga loo fuulay.
62. Geesi iyo halyey yaba wixiin  haadu kala goysey.
63. Gudcur dumay aleylkii wixii galawgu uu yeedhay.
64. Gaawihii markii loo soo culee nirigti loo geeyey.
65. Godlankii horeetaba Markii   gabano ay deeqday.
66. Garaad xumi Ragii gaagixiyey ee dooxay.
67. Ee harageedii gubee meelwalbaba geeyey.
68. Gudin laba afliyo waxay nagu noqdeen gaade iyo boobe.
69. in ay goolka dhalin waa xaajo aanan garaneyne.
70. Garanwaayey xaajadan guracan ee sidatan loo gooyey.
71. Guulow Allahayow adaan cidi ku gaadheyne.
72. Gacmahaanu taagnaye ka gaar geyiga soomaali..
73. Afartaa gantaal aan ridiyo garashadeydii dheh.
74. Afar kalana aan guudka maro saad u garataane.

75. Axmed gurey gool kuu hantiyey Ragaa gaalo qudhun siiyey.
76. Guushii halgameyaasha Ragaa geba gebo ka soo qaaday.
77. Dabkuu shiday darwiishkii Ragaa damiyey ee aasay.
78. Duqadiyo wax garadkii Ragaan  cidiba dooneynin.
79. Dalkeeniyo dad keenii Ragaan doolar yare siistay.
80. Doorroneyaashiyo Ragaan diricyo naafeeyey.
81. Duunyadeenoo dibjira Ragaan dibada meeraaya.
82. Dumarkiyo caruurtii Ragaan dirirti gaarsiiyey.
83. Dawdar iyo denbiilaba Ragaan darajo siinaaya.
84. Ginigii ay soo helaan Ragaan gaar u furanaaya.
85. Baydhaba Ragaan gabrane guudka fidhanaaya.
86. Kitaabkana gacantood geshee gees isaga leexshey.
87. Iyageys gardaadshee  cid kale uma gargaaraane.
88. Garanwaayey xaajadan guracan ee sidatan loo gooyey.
89. Guulow Alahayow adaan cidi ku gaadheyne.
90. Gacmahaanu taagnaye ka gaar geyiga soomaali.

Waxaa qoray:m.m.farah.
fbulay101@hotmail.com

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | May 4, 2007

Sawiro laga qaaday dadka Dhaawaca ah ee ku jira cisbitaalka keysaney ee Muqdisho...

Waxaa soo tebiyey:
Muuse Maxamuud Jiisow
somali39@hotmail.com

SIPJ oo Reer Minnesota oo ugu Baaqay in si Nabad isu Hortaagaan Xafiiska Sen. Coleman...

English Version: Read Here....

SIPJ (Somali Institute for Peace and Justice Minneapolis, MN) waxay reer Minnesota ugu baaqayaan in ay u istaagaan nabad iyo caddaalad dhammaan, si taas loo muujiyona waxay dadweynaha ugu yeerayaan in ay yimaadaan xafiiska Sen. Coleman hortiisa oo ay si nabad ah isu hortaagaan xafiiska si ay u muujiyaan dareenkooda.... goorma: May 4, 2007. Waqtiga: @ 2:00pm... XEGGEE... EEG HALKAN...