SOMALITALK.COM
w w w . S o m a l i T a l k . c o m
SOMALITALK - WARAR

WARARKA: MAY 3, 2007

  • Qoysaskii ku noolaa dhismayaashii Dowladdii Soomaaliya oo laga mamnuucay in ay dib danbe u degaan....
  • Magaalada Kismaanyo Oo Daruuro Colaadeed Dul Hoganayaan
  • Dhaqdhaqaaqyada suuqyada magaalada muqdisho oo dib u bilaabmay

Sawiro laga qaaday dadka Dhaawaca ah ee ku jira cisbitaalka keysaney ee Muqdisho...

Qoysaskii ku noolaa dhismayaashii Dowladdii Soomaaliya oo laga mamnuucay in ay dib danbe u degaan....
Muuse Maxamuud Jiisow
somali39@hotmail.com

Qoysaskii ku noolaa xarumihii dowlada ee ka barakacay ka dib dagaaladii ayaa markii ay ku soo laabteen magaalada loo diiday in ay degaan markale dhismayashii dowlada waxaana lagu war gelinayey in ay magaalada degaano ka radsadaan .

Arintaan ayaa ka danbeysay ka dib markii ay gacan ku heynta deegaanadaas ay dowladu la waregtey Wxaana ka mid ah meelaha sida weyn loo hadal haayo rugtii saraakiisa ama xeradii shiirkole ofishaale waxaana degay oo deegaanno ka sameystey in badan o shacab ah mudooyinkii ay socdeen dagaalada sokeeye ee dala ka dhacay,



"Waxay igu amreen inaan ka baxo gurigii aan deggenaa oo ahaa jiingad aan shiirkole ka dhex dhistay, waxayna ii sheegeen inaan alaabtayda ka rarto, iyagoo igu yiri, waan burburinaynaa jiingada, waxaana ay ii sheegeen inaanay cidna halkaan ku soo laabanayn" ayuu yiri C/qaadir Maxamed oo ahaa ruuxaan u warramay saxaafada .



dhanka kale deegaano kale sida If iyo Aakhiro ayaa la qaba xaafada shirkole amarka diidmada ah ee lagu so rogey asaxaabtii bilaashka ku deganeyd dhismayaasha dowlada waxaana dhamaan lagu amray in aysan cagaha soo dhigin goobaha dowlada dadkaan ayaa siweyn uga cowday arrintaan la soo deristay mulkiilayaasha ku meel garka ahaa ee dhismayaasha dowlada horey u deganaa ,balse qaar kood ayaa sheegay in ay dowlada ka codsan doonaan deegaano ay degaan in ay u qorsheyso ,

"Waxaanu ahayn weligeen dad nabad jecel oo waxwalba ka hormariya nabada , waxaanu horay u hilmaanay dhibaatooyinkii dooxada jubba" Odayaasha J/Hoose

Magaalada Kismaayo ayaa waxaa laga dareemayaa saan saan colaadeed kaddib markii madaxdii dowlada Federaalka ee ku sugnaa magaalada Kismaayo ay ku adkaatay inay soo af-jaraan dhibaatooyinkii magaalada ka dhacay 23-kii Bishii april.

Madaxa Gobolka iyo kan degnmada Kismaayo ee magaalada banaanka uga maqan ayaa la sheegayaa inay ku adkaysteen inaysan kismaayo ku soo laaban karin , inta ay magaalada ku sugan yihiin Maleshiyeedyo beeleedyo ay ku sheegeen inay in qilaabeen maamulkii gobolka ee ay ka talinayeen.

Muuse Maxamuud Jiisow
somali39@hotmail.com 

Magaalada Kismaanyo Oo Daruuro Colaadeed Dul Hoganayaan

Yaasiin maxamed cali (faytin)

Tan iyo intii ay xaalada magaalada kismaanyo ka baxday faraha guutada koowaad ee dowlada KMG ah ee uu taliyaha ka yahay c/risaaq af-guduud islamrkaana ay gacanta u gashay milayshiyo beeleed ayaa xiisada kismaanyo marba heer ahayd .

Dadaalo nabadeed oo ay wadeen wasiirka arimaha gudaha dowlada KMG ah maxamud maxamed guuleed (gacmo dheere ) iyo wafdigiisa oo isugu jiray saraakiil Ethiopian ah , xildhibaano iyo xubno kale ayaa miro dhal noqon waayey kadib markii ay milayshiyada hada gacanta ku haysa magaaladaasi ay diideen in maamulkii col,c/rsiaaq af-guduud dib loogu soo celiyo taasna ay dhinac u arkeen inay dowladu u xaglinayso .

Milayshiyada gacanta ku haysa magaalada kismaanyo ayaa codsatay in masuuliyada gobolka lagu wareejiyo xabin kamida beesha sadde islamrkaana aysan sida ay sheegeen ku heshiin doonin iyaga iyo guutada koowaad ee uu hogaaminayo col,c/risaaq af-guduud.

Axmed sandheere oo kamida masuuliyiinta milishiyada hada gacanta ku haysa kismaanyo ayaa sheegay inaysan macquul ahayn in dib loo abaabulo colaad waayo ayuu yiri hadii anaga iyo afguduud meel laysugu kaayo keeno waa isdilaynaa colaadana hurimayso marka waxaan dowlada KMG ah ka codsanaynaa inaysan indhaha ka qarsan arintaan ee ay dib u abuurto nabad .

Sidoo kale ciidamada dowlada KMG ah ee guutada koowaad ee magaalada si xooga ah looga saaray ayaa dibad meer ku ah deegaanada jubada dhexe iyo meelo kale ,taasoo keeni karta xiisada colaadeed oo ka abuuranta duur ku jirista col,af-guudud .

Si kastaba ha ahaatee wafdigii dowlada KMG ee uu hogaaminayey wasiirka arimaha gudaha (gacmo dheere) ayaan weli kasoo ambabaxin gobolka jubada hoose ay sida laga helayo warar xog ogaal ahina laf cad toobin ku haya.

Yaasiin maxamed cali (faytin)
yaasiinfaytin@hotmail.com


Dhaqdhaqaaqyada suuqyada magaalada muqdisho oo dib u bilaabmay

Dhaqdhaqaayada suuquada xaafadihii ay dagaaladu saameeyeen isla mar ahaataana ku xirmay ka dib markii ay qaarkood hoy u noqdeen madaafic cuculus ayaa dib u howlgalay

Inta badan goobihii ay ku ganacsan jireen ganacsatada yar yar ayaa noqday wax gubtey iyo wax ay la tageenmadaafiicdii la isweydaarsanayey hase yeeshee hada ayey bilaabeen in ay dib u habeyn cusub ku sameeyaan goobihii ganacsigoodu ku shaqeyn jirey

Suuqa labaad ee Suuq Bacaad oo ah ee ugu weyn Muqdisho ayaa hada howshiisu si lixaad leh u socotaa iyada oo waxyeelo aad u balaaran ay ka so gaartey dagaaladii ugu danbeeyey ee waxaana sib a.an loogu garaacay gantaalo ,hoobiyeyaal ,Bm iyo kuwo kale oo aan muslin ku habooneyn in lagu garaco

Inta badan guryaha suuqaas iyo deegaanada ku teedsan ayaa waxaa laga dareemayaa sida ay u waxyeeleysay madaafiicdu waxaana Ciidammada Ethiopia, waxaana halkaas gabbaad ka dhigtay kooxihii ka soo horjeeday Ethiopian-ka ciidammadooda iyo kuwa Soomaalida.

Sidoo kale waxaa halkiisii ka sii wata howshiisi caadiga aheyd suuqa weyn ee bakaaraha oo isagu inta badan ka nabad galay masiibadii ku habsatey suuqa ka da.da yare e suuq bacaad oo isagu in badan oo madaafiic ah lala helay burbur xoogane uu ka soo gaaray suuqyada ay madafiicdu wax yeelaysay waxaa ka mid ah suuqa xararyaale ,suuqa tawfiiq ,suuqa xamar jadiid kuwaas o dhamaantood hada ay ka socoto dib u habeyn aan cidi gacan ku siin kuwaas oo dagaaladii ku wax yeeloobey

Qaar ka mid ah ganacsatada suuqyadaas ayaa walaac xoogan ka muujiyey sida ay tahay xaaladooda bini aadan nimo iyo howsha baaxada leh ee sugeysohalka dadweynuhuna ay ka cabanayaan in aanay heysan xiligaan gobo ay ka adeegtaan oo musaasib ah soo laabashadoodii ka dib .



Muuse Maxamuud Jiisow
somali39@hotmail.com 
Muqdisho Somaliya
025215576666 / 002521653623


SIPJ oo Reer Minnesota oo ugu Baaqay in si Nabad isu Hortaagaan Xafiiska Sen. Coleman...

English Version: Read Here....

SIPJ (Somali Institute for Peace and Justice Minneapolis, MN) waxay reer Minnesota ugu baaqayaan in ay u istaagaan nabad iyo caddaalad dhammaan, si taas loo muujiyona waxay dadweynaha ugu yeerayaan in ay yimaadaan xafiiska Sen. Coleman hortiisa oo ay si nabad ah isu hortaagaan xafiiska si ay u muujiyaan dareenkooda.... goorma: May 4, 2007. Waqtiga: @ 2:00pm... XEGGEE... EEG HALKAN...

 

Faafin: SomaliTalk.com | May 3, 2007

 

Kulaabo bogga  www.SomaliTalk.com 
© www.SomaliTalk.com