Aawey
Dadnimadeenii iyo Dareenkeenii Wanaagsanaa?!!!!!
Naasir Maxamed Muse
E-Mail :
naasirsom@gmail.com
Laga soo bilaabo 1977 markii ciidamada xooga dalka
Soomaaliyeed ay ka adkaadeen ciidamada Itoobiya ayna ku
dhowaadeen magaalada Addis Ababa ayaa waxaa dhacday Itoobiya
in ay u qeyli dhaansadeen kuffaarta ku nool dunida daafaheed.
Dagaalkaas ka dib dadka waxay aaminsanaayeen in uu dhamaaday
dagaalkii u dhexeeyey labada dal Soomaaliya iyo Itoobiya;
balse arrintu saas ma noqon. Itoobiya ayaa dagaalkeedii
militariga oo looga awood roonaaday waxay u badashay mid
siyaasadeed taas oo ay ku dumisay qarankii Soomaaliya oo
jabka weyn u geystay. Itoobiya ayaa fursad u heshay in ay ka
sameystaan dalka Soomaaliya waxa ay doonaan. Itoobiya waxay
adeegsaneysaa qaabka ay gumeystayaashu ay adeegsadaan taas
oo ah “Qeybi oo Xukun”.
Markii uu burburay qarankii Soomaaliya Itoobiya waxay
bilowday in ay qeybiyaan shacabka soomaaliya ayagoo
adeegsanaayo hubka loo yaqaano Qabiil; waayo waxaa la
ogaaday in qabiil uu yahay hubka kaliya loo adeegsan karo
shacabka Soomaaliya.oo burburiyey qarannimadooda.
Itoobiya waxay gacan weyn ku laheyd dhamaan dagaalada ka
dhacay dalka Soomaaliya ayadoo marba dhinac la safaneysay.
Nasiib darro dadku ma fahmayaan; Itoobiya waxay gaartay
daraja ah in ay ku lahaato dad u shaqeeya dalka Itoobiya oo
amarna ka qaatay kuwaas oo la magac baxay Hogaamiye Kooxood.
Waxyaabaha Itoobiya ay ku guuleysatay waxaa ka mid ah : in
ay ka sameystaan maamulo goboleedyo oo hoostaga dowlada
Itoobiya. Sida Puntland iyo Somaliland waxayne ku fashilmeen
in ay dhisaan maamulo goboleedyo kale. Sida Jubbaland oo loo
rabay in uu madaxweyne ka noqdo Shaatigaduud. Arrintaas oo
dhan waxaa ka daran markii ay sameeyeen dowlada Federaalka
ku meel gaar ah. Taas oo madax looga soo dhigay dadkii oo ay
ku laheed gudaha Soomaaliya. Waxaana madax loo doortay qofka
ugu sharta badnaa; Dowladan waxay matali doontaa dhamaan
maamul goboleedyada ka jira dalka Soomaaliya.
Xaalka markii uu marayo halkaas ayaa waxaa soo baxay dad u
damqaday shacabka dhibaateysan oo la magac baxay Midowga
Maxkamadaha Islaamiga shacabkana wax badan u qabtay kuwaas
oo nabdeeyey magaalada ugu qaska badanaa ee Muqdisho iyo
dhamaan gobolladda koonfurta iyo bartamaha Soomaaliya. MMI
inta gacanta ay ku haayeen koonfurta iyo bartamaha
Soomaaliya waxay gargaar gaarsiiyeen gobolladii abaaraha ay
ku hoobsatay sidoo kale waxay gargaar u fidiyeen gobolladii
fatahaadaha ay ka dhaceen.
Intaas waxaa u dulqaadan waayey dowlada Itoobiya taas oo
sheegtay in ay MMI xalis ay ku yihiin danaheeda. Isla
dubadiiba waxaa isku raacay kuffaarta ku nool dunida waxayna
iclaamiyeen dagaal in lagu qaado dadka shacabka Soomaaliyeed
wax u qabanayo ayagoo ka eegayo caqiido ahaan iyo danahooda
gaar ah ay ka leeyihiin dalka Soomaaliya.
Isku soo waduub, duulaankii waa lasoo qaaday dalkii
Soomaaliya waa la heystaa. Shacabka Soomaaliya maxaa xal u
ah ? aawey dadnimadeenii iyo dareenkeenii wanaagsanaa? Waa
su’aal furan shacabka soomaaliya aan ugu tala galay.
Naasir Maxamed Muse
E-Mail :
naasirsom@gmail.com
Afeef: Aragtida qoraalkan
waxaa leh qoraaga ku saxiixan
Faafin:
SomaliTalk.com | Mar 26, 2007
"Ciidamada Afrikaanka ee
Nabad Ilaalinta Soomaaliya ma waxay u Adeegayaan Danaha Batroolka iyo Gaaska
ee Reer Galbeedka"
Xiriirka u dhexeeya dagaalada Soomaaliya
iyo batroolka...
Akhri..
| 
Daabaco
Boggan | Print
