Daabaco Boggan | Print Kenya ma Badda Soomaaliyeed ayey Shidaal Ka Qodaneysaa? Dawladda Kenya ayaa dardar gelisey baaritanka batroolka ay ka wado xeebta, waxaana soo baxay warar tibaaxaya Akhri Shirkadda Range oo Sheegtay in Saddexdii bilood ee lasoo dhaafay ay Garoonka Diyaaradaha ee Garoowe siisay US$313,000 lacagtas oo aad uga badan tii ay DGPL sheegtay in shirkadu bixisay.. Akhri... Itoobiyaan baaraya laba nin oo Soomaali. Muqdisho. AFP - Jan 13, 2006 Taangi Itoobiyaan ah oo taagan garoonka muqdisho - AFP - Dec 2006 ARAGTIDA/MAQAALLADA DADWEYNAHA EE MAANTA Feb 27, 07: Inta beri oo laga joogo markii xabashidu gashay: Kismaayo (58), Muqdisho (62), Beledweyne (65), Baydhabo (73),  Galkacyo (94), Sarbeebtii Diinaari

Faalo: Warbixin ku Saabsan Xarfo oo dhawaan Maamulka Puntland uu Degmo u Magacaabey.

Qore: Yusuf Gaduudow. Bososo,Somalia

Xarfo waxa ay ahaan jirtey tuulo facweyn oo aad u yar oo jiri jirtey ka hor xiligii uu Puntland hogaanka u hayay Madaxweynaha haatan ee Dowlada Federaalka KMG ah ee Soomaaliya Mudane Cabdulaahi Yuusuf Axmed walina jirtey hase ahaate, Taariikhdu markey ahayd 22/02/2007 ayuu Maamulka Dowlad Goboleedka Puntland ee haatan waxa uu u magacaabey degmo, waxayna noqonaysaa degmadii 35 ee uu Maamulka Puntland magacaabo, xarfo waxa ay ka tirsan tahay gobolka mudug qiyaastii 50km ayay dhinaca waqooyi ayay ka xigtaa magaalo madaxda gobolka mudug ee gaalkacyo Waxa ayna u dhow dahay degmada burtinle ee gobolka nugaal.

Degmada xarfo waxaa ku nool dadweyne aad u fara badan mana ahan meel ay hal qabiili ay dagan yihiin ee waxaa dagan oo wada daga dhowr qabiil oo bulshada ka mid ah, arimaha bulshada ee degmada xarfo waa mid runtii heer sare maraysa lana is dhihi karo waxbaa ka dhiman degmada waxaa ka dhisan goobo fara badan hadii ay noqon lahayd dhanka waxbarashada,isgaarsiinta,biyaha, iyo dhanka caafimaadka oo ah muhiimada ugu weyn waayo markii caafimaad la helo ayaa nolole ay suurtoobi kartaa waxaa sanadkii 2005 degmada xarfo laga hirgaliyay cisbitaal weyn oo aan is dhihi karno waa haqab tirey 75% baahidii caafimaad ee deegaankaasi waxa uuna dhacaa dhinaca waqooyi bari ee degmada xarfo.

Danka Waxbarashada ee degmada, degmada xarfo waxaa ku yaal dugsiyo isugu jira dugsi hoose iyo mid dhexe oo ay dhamaan ka samin yihiin qaybaha bulshada ayna kala dhigtaan wiilasha iyo gabdhaha waxaana sanadkii 2004 qiyaastii degmada xarfo laga hirgliyay goob weyn oo wax lagu barto loogana talagalay khaasna u ah gabdhaha yar yar iyo kuwa waa weyn waxaana dugsigaasi xariga ka jarey Wasiirka Arimaha Haweenka iyo Qoyska ee Dowlad Goboleedka Puntland Marwo Caasho Geele Diiriye waxaana dhanka Maaliyiyada ka taageertey sida la ii sheegey hay'ad waxa uuna dhacaa ama ku yaal dhinaca koonfurteed ee degmada laga soo galo, sidoo kale waxaa ku yaal dugsi H/DHEXE oo ay si gaar ah u dhigtaan wiilasha degmada iskuulkan ayaa waxa laga hirgaliyay degmada xarfo sanadkii 2005 waxa uuna dhacaa dhinaca koonfureed ee degmada waxa uuna u dhow yahay cisbitaalka degmada dugsiyadan ayaa waxaa lagu bartaa dhowr maado oo kala duwan sida uu ii sheegtey mar aan booqdey Dugsiga H/DHEXE wiilasha Maamulka dugsiga,

Waxaase kaloo xusud mudan in ay degmada ku yaalaan dugsiyo lagu barto luuqadaha kuwaas oo loo yaqaan (privatka) oo khaas loo leeyahay, dugsiyada ku yaala degmada xarfo ma ahan kuwo haqab tirey amas buuxiyay baahidda waxbarasho ee bulshada kala duwan ee ku nool degmada markii uu ardaygu dhamaysto Waxbarashada H/DHEXE ayuu u baqoolaa Magaalooyinka waa weyn sida Boosaaso Garoowe iyo Galkacyo, hase ahaatee waxaa lagu amaani karaa in ay ka haqab tireen baahida waxbarasho ee asaasiga ah ee dugsiyada H/DHEXE, Degmada xarfo sanadihii ugu danbeeyay waxa ay siiyeelanaysey horumar aad u balaaran oo la taaban karo degmadu waa ay fidey wayna balaaratay waxa ayna sii yeelanaysaa bilic aad u qurux badan iyadoo laga hirgaliyay degmada dismayaal aad u qurux badan oo ay dhisteen shirkadaha isgaarsiinta ee kala duwan ee ka howl gala degmada waxaana shirkadaasi ka mid ah shirkada gayigeena ee GTC iyo sidoo kale shirkada STG iyo waliba shirkado kala duwan ee ay dagmado yeelatay sanadihii ugu danbeeyay sidoo kale degmadu waxa ay yeelatay oo aysan lahaan jirin laguna amaani kartaa dhanka korontada degmado sanadihii lasoo dhaafey ma lahaan jirin wax koronto ah hase ahaatee waa wax lagu amaano karo haatan oo degmada kusoo siyaadey.

W/D Yusuf Moh'ed Ismail (Gaduudow)

E-mail yusufgaduudow@hotmail.com

Bososo,Puntland,Somalia

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | Mar 1, 2007