MAXAAKIIMTU TALO KASTA WAA DIIDEEN ILAA TOODA MOOYEE!!!!

SAHID MAXAMED YUSUF
EASTLEIGH,NAIROBI
SAHID_YUSUF@YAHOO.COM

Ikhwaanii waxaan halkaan idiinkugu soo gudbinayaa talooyin wax ku ool ah oo loo soo jeediyey maxaakiimta muddadii lixda bilood aheyd ay ka talinaayeen koonfurta soomaaliya.
Talooyinkaas oo ay u soo jeediyeen wallalo soomaaliyeed oo jecelaa wanaagga maxaakiimta kana rajeynaayey in ay noo horseedaan barwaaqo iyo bash bash iyo dawlad.
se waxay noqdeen talooyinkaas oo idiliba mid ay maxaakiimtu dhagaha ka fureysteen,ama haddii aan si kale u iraahdo talooyin aan wax ka soo qaad laheyn.
Waxaan talooyinkaas oo ah kuwa fara badan aan ka soo aruuriyey webside-ka soomaalitalk oo kaliyah oon ka mid ahaa dadka wax ku qora,waxaana haatan ka soo qaadanayaa lixdii ugu horaysay oo mid ka mid ah uu yahay maanso dardaaran ah iyo kan toddobaad oo ah talooyin aan ku bixiyey maqaal aan ugu magac daray kismaayo & kandahaar oon qoray markii ay maxaakiimtu kismaayo qabsadeen, se kuwa kalena waxaan ku soo qaadan doonaa insha laah maqaallo kale.
Waxaanna igu bixiyey in aan maqaalladaas dib idiinku celiyo balan aan ku qaaday maqaalkaygii aan ku soo bandhigaayey waxyaabihii fashiliyey maxaakiimta ee cinwaankiisu ahaa: Hadalkii maxaakiimta/ Soomaalidu danahooda ha ka tashadeen...
maqaalkaas oo aan ku soo bandhigay shan qoddob aan is lahaa waxay ka mid ahaayeen wixii maxaakiimta fashilkoodii soo dadajiyey, ayaan qoddobkiisa 4aad ku soo qaatay in maxaakiimtu talo kasto oo loo soo jeediyey ay dhagaha ka fureysteen ilaa tooda maahaane.
Bal akhristoow ku soo dhawaaw qoddobkii afaraad ee maqaalkayga, ooy daba socdaan tallooyinkii wallaalihii soomaaliyeed ee u beer naxaayey maxaakiimta :

[4) MAXAAKIIMTU TALO WAA DIIDEEN... HORAA LOO YIRI NIN MEELI U CADAHAY MEELI KA MADOOW... CULUMO IYO CIROOLE , WADAAD IYO WAX GARAD, HOOYO IYO AABBE TALO AYEY SIIYEEN MAXAAKIIMTA SE WAX MA KU QAATEEN ..... MAY HABEENKII XALAY AHAA OO TAGAY !!! BALSE FURUURYAHA AYEY DADKA GOOSANAAYEEN WAXAA MAR KALIYAH IS QABSATAY EREYGA ( GAALO RAAC)WUXUU NOQDAY JOOKAR MEEL KASTA LA GALIYO!!!! BAL ADBA .....AKHRISTOOW WAXAAN ISKU DAYI IN AAN NOO SOO KOOBO INTA TALO EE MAXAAKIIMTA LAGULA TALIYEY WEB-SIDE KA SOOMAALITALK OO KALIYAH AYAAN SOO QAADAN ,OON ANIGU KA MID AHAY QORAYAASHIISA HA UGU HOREEYO MAQAALKAYGII [ KISMAAYO & KANDAHAAR ] OON QORAY MARKAY MAXAAKIIMTU KISMAAYO QABSADEEN.
RUNTII TALO KASTA DHAGAHAY KA FUREYSTEEN TOODII MOOYEE OO AHEYD HA LA DAGAALAMO ( JIHAAD)!!! WAANA FIKRADII XARAKATUL JIHAAD SIDA KU CAD KITAABKA SHIIKHOODA EE LA YIRAAHDO ( AL FARIIDAH AL QAA,IBAH) FARIIDADII MAQNEYD OO UU KA WADO JIHAADKA] .

HADDABA AKHRISTOOW WAA KAN LIXDII MAQAAL EE UGU HORAYSAY EE TALOOYINKA KU SII SAY MAXAAKIIMTA OO UU KU JIRO MID MAANSO/GABAY AH IYO KAN TODDOBAAD OO AH MAQAALKAYGII HORE
KISMAAYO & KANDAHAAR OON AKHRISTAHA AAN RABAY IN UU SAWIRTO IN AAN LA MARIN JIDKII WALAALAHEEN HORAY LOOGA QANIINAY EE AAN XEELADEYSANO ISLA MARKAASNA !!! AAN TALAABSANO INTII TABARTEEN AH.FATAQULAAHA MASTADACTUM.
WAA KAN MAQAALADDII EE AAN IDIIN KALA BAXO:

Warqad Furan iyo Talo Wax-ku-ool ah oo ku socota Maxkamadaha Islaamka ee Muqdisho
Yuusuf Mohamed Cabdi Yuusuf
mrsomalia@hotmail.com
Haddaba, culumada hoggaaminaysa Maxaakiimta Islaamka maxaa la gudboon?

- Waa inaad Xamar u sameysaan nidaam iyo kala dambeyn muddo kooban ah, sida ugu dhaqsiyaha badan leh.

- Waa inaad dadka ku nool Xamar aad shirweyne u qabtaan, maamulna u dhistaan,
maamulkaas oo ah mid dadka ku nool Xamar ay soo doorten si xor ah weliba.

- Waa inaad la tashataan dadka siyaasiyiinta ah oo waddaniyiinta ah ee ku nool Soomaaliya, taladoodana aad qaadataan.

- Waa inaad u yeertaan ciidammadii Police-ka Soomaaliyeed ee Xamar ku nool, una howl gelisaan sida ugu dhaqsiyaha badan leh.

- Waa inaad u yeertaan ciidanka xoogga dalka Soomaaliyeed iyo dhammaan ciidammada qaranka ee ku nool xamar iyo nawaaxigeeda, una
howlgelisaan si degdeg ah si ay u sugan ammaanka iyo kala dambeynta.

- Waa inaad furtaan dekadda iyo garoonka diyaaradaha magaalada Muqdisho iyo jidadka si degdeg ah.

- Waa inaad xaaqdaan maleeshiyada Xamar ku sugan ee ka haray warlords-kii firxaday.

- Waa inaad dadka Soomaaliyeed u yeertaan oo Soomaali oo dhan baaq nabadeed dirtaan, uguna baaqdaan inay walaaloobaan, gacmahana is qabsadaan, iska illoobaan wixii ku kala gaaray dagaalka
sokeeye.

- Waa inaad u yeertaan aqoonyahannada Soomaaliyeed, aad u howlgelisaan si degdeg ah, isla markaana la sameysaan la tashiyo baahsan.

- Waa inaad caasimadda ka dhigtaan meel ka caagan hubka, shacabkana loogu baaqo inay hubka iska dhigaan, kana shaqeysaan nabadgalyada iyo nadaafadda caasimadda si loo soo celiyo sharaftii ay lahayd magaalada Xamar.


WARQAD FURAN OO KU SOCOTA MIDOWGA MAXAAKIINTA ISLAAMKA
Cumar Maxamuud Maxammad
omoha@hotmail.com
Waqabadka Dhow:
In Midowga Maxaakiintu sameeyo Xafiis la yiraahdo Xafiiska Xiriirka Dadweynaha. Xafiiskaas oo hadla hal cod, noqdana meesha kaliya oo ay ka soo baxaan wararka rasmiga ah ee Midowga Maxaakiinta.

In ay si deg deg ah ugu casuumaan wariyayaasha caalimiga ah Gobolka Banaadir si ay u tusaan dunida in aysan joogin Magaalada Muqdisho waxa loo yaqaan argagixisada caalamiga.

In ay xoogga saaraan sugitaanka nabadyada Magaalda Muqdishu. Si taas ay u suurto gasho waa in ay ku dhawaaqaan marxalad deg deg ah oo ay ku soo rogaan hubka fudud iyo kan waaweyn oo magaalada lala dhex marayo.

In aysan ku deg degdegin fulinta shuruucda tuugada ay soo qabtaan, sida xubna gooynta iyo iwm. Waa is ugu baddelaan dhaqan celin.

In ay ku dhawaaqaan in la qisaasayo qofkii qof dila wixii manta ka dambeeya.

Sidoo kale waa in ku dhawaaqaan in la joojiyey waxyaabaha maanka dooriya sida qamriga iyo daroogada oo qofkii lagu qabto la xiro doono lana dhaqan celin doono.

In ay la wareegaan hayadihii dhaqancelinta sida saldhigyadii boliiska iyo xabsiga guud ee magaalada.

In ay ku baaqaan in ay u furan tahay magaalada Muqdishu in ay yimaadaan hayadaha samafalka si ay wax uga qabtaan baahida dadweynaha sida caafimaadka, waxbarashada iyo adeegga bulshada.

Taladaan la Ruugin, Waa Lagu Rafaadaa
Cabdixakiim jaamac Jooje.
saicentadv@yahoo.com
Aan ku horeeyo Maxaakiimta Islaamiga ah, haddii Maxkamaduhu ay badiyaan la tashiga aqoonyahanada, ahlu diinka, waxgaradka, dadka wanaaga u saaxiibka ah, oo arimahoo dhan la gorfeeyo, oo tallaabo walboo la qaadayo laga fakaro wax baddan baa qabsoomaya. Leyska joojiyo laab lakaca, ku fududaanshaha awaamiirta, I.W.M. Waddanka waxa loosoo dhisay dowlad kumeel gaar ah, aragti ahaan waxa ila haboon in Maxkamaduhu ay mar walba fiiriyaan aragtida ay dowladdu ka qabto, haddii ay dowladu wanaag ula dhaqmeyso maxkamadaha, oo ay diyaar ula tahay inay la shaqeyso waxaan oran lahaa gacmo furan halagu soo dhaweeyo, oo halala shaqeeyo. Ogaada wax baddan baanu u il dareen dowlad la'aan waxba yaan la eegin kutiri kuteen dowlad cid walba ayaa u baahan, oo mar walba hal wajaho qaabka ay dowladdu u qaabisho Maxkamadaha.

Maxkamadaha Islaamiga: Fari kama Qodna Faanoole
W/D: Amiin Yuusuf Khasaaro
E-Mail amiinkhasaaro@hotmail.com
Maxkamadaha Islaamiga ah inkastoo ku dhaqanka Shareecadda Islaamka ay tahay xalka keliya ee lagu gaari karo maqaam ifiya, haddana dadka qaarkii ayaa shaki ka muujinaya kala qaybsanaan ku timaada Maxkamadaha Islaamiga, iyagoo taas sal iyo gunba uga dhigaya ku dhaqanka Mabda'a foosha xun ee Qabiilka oo dad badan horey u galaaftay, halka kuwo kalana ay aaminsan yihiin in Maxaakiimtu yihiin hal dariiqo, loogana fadhiyo in ay soo dhaweeyaan dariiqo kasta, oo ay muujiyaan dabacsanaan sidii kal hore ay u sameeyeen ka qaybgalkii Xuskii loo sameenayay Nabi Muxumad "NNKH", waxaana meeshaasi ka baxay shakigii ahaa in Maxaakiimtu yihiin kuwo diidan in la xuso Nabiga, balse iyaga ay aaminsan yihiin in daqiiqad kasta la xuso lana weyneeyo.

Dulucda Maqaalka oo ah "Fari kama qodna Faanoole" ayaa waxaa hor yaala Maxkamadaha Islaamiga howl culus oo u baahan dhabar adeyg, taxadar dheeraad ah, tanaasulaad iyo in aan la laysu dhigan lana aaminin in guud ahaanba la soo ebyay dagaalkii lagula jiray kuwo ka soo horjeeda nolosha shacabka Soomaaliyeed oo iyagu quus taagnaa.

Waxaa kaloo hor yaala Midowga Maxaakiimta Islaamiga ah sidii ay ula xiran lahaayeen beesha Caalamka, ugana dhaadhicin in aysan caddow ku ahayn jiritaankooda iyo aayahooda nololeed, balse ay hubka u qaateen badbaadinta Shacabka Soomaaliyeed, halkaasina ay ku tirtiraan shabadda Siyaasadeed ee lala daba taagan yahay Islaamka kaasoo ah ereyga Argagixiso, sidaa daraadeed mar haddii intaa oo howlood ay sugayaan Midowga Maxaakiima Islaamiga ah, waxaan dhihi karnaa Fari kama qodna Faanoole.

W/D: Amiin Yuusuf khasaaro

Faallo:Maxaa sababay isbadka Muqdisho? Sidee buu ku waari karaa? Maxayse yihiin caqabadaha horyaallo midawga maxaakimta?
Axmed Maxamed Caafi,
saxafi madax bannaan,
Gedo, Garbahaarrey,
caarif114@hotmail.com

Sidee buu ku waari karaa isbadalka Moqdisho maxayse yihiin caqabadaha horyaallo midawga maxkamadaha?
Guusha mustaqbalka iyo waaritaanka isbadalka Moqdisho waxuu ku xiranyahay hadba sida uu midawga maxkamaduhu u wajaho caqabadaha horyaalo, caqabadahaas oo isugu jiro kuwa ka dhextaagan gudaha maxkamadaha, kuwo ka imaan karo qaybaha kale ee Soomaaliyeed iyo qaybta seddexaad oo ka imaan karayo dalal shisheeye, waxana caqabadahaas cul-culus ka mid ah:
qaybo ka mid ah saraakiisha iyo malaysiyaadka maxkamadaha oo aan intooda badan u bislayn ku dhaqan-ka shareecada Islaamka, sababtu waxay tahay inta badan xoogaga maxaakimtu waxay ka kala yimaadeen seddex dhinac: kuwo ku yimid kacdoonka dadweynaha markii ay sare u kacday xammaasada dagaal-ka, kuwo markii horaba ciidamada maxkamadaha kaga mid noqday qaab qabiil iyo qaybta saddexaad oo ah malaysiyaad iyo saraakiil tiro badan oo ka mid ahaa xoogagii isbahaysigii laga adkaaday kuwaas oo si naf lacaari ah ugu biiray midawga maxaakimta..dhammaan malaysiyaadkaasi ma ahan kuwo loo carbiyay u adeega Shareecada Islaam-ka, mana ahan kuwo macluumaad badan kahaysto hadafyada maxaakimta, waxana damiirkooda ku weyn xasuusta qabiil-ka, sadaa darteed waxaa isbadal kale ku abuuri karo dhacdo ama dareen yar oo horseedi karo khilaafaad soo kala dhexgalo malaysiyaad-ka saldhiga u ah awooda maxaakimta sida dabciga u ahayd isbahaysiyadii had iyo jeer looga dhawaaqi jiray magaalada Muqdisho.
B. Inta badan wadaadada hogaanka u hayo midawga maxaakimta waxay ka tirsanyihiin mid ka mid ah ururada diiniga ah ee ka jiro dalka Soomaaliya, wuxuna urukani caan ku yahay gacan fudayd iyo go�aamo aan laga fiirsan, waana sababta keentay waji-gabax iyo guul darrooyinka ba�an oo uu ururkaasi kala kulmay qaybo badan oo ka tirsan dalka Soomaaliya halkaas oo uu markii hore ku yeeshay saamayn ballaaran. Waxaa suurta gal ah in ay madaxda maxaakimtu ku tillaaba qaado go�aamo gurracan kuwaas oo shaki ku abuurayo shacab tira badan oo haatan taageersan midowga maxkamadaha.
In kaste oo uu dagaalka Moqdisho huwanyahay qadiyad diimeed hadana waxaa jiro shacab aad u badan oo aaminsan in uusan marnaba dagaalkani ka marnayn qursho qabiil, sidaa darteed waxaa midawga maxkamadaha hortaalo in uu shacabka Muqdisho u isticmaalo hannaan ku dhisan: cadaalad, midnimo, dabacsanaan iyo wadaaga talalada iyo maamulka Moqdisho,waxana maxaakimta looga fadhiyaa in ay iska fogeeyaan falalkii gurracnaa ee lagu yaqiinay hoogaamiyo xoodyadii Muqdisho iyo in ay Shacabka Muqdisho u muujiyaan in Xamar isaga loo xoreeyay.
Ismaan-dhaaf iyo khilaaf soo kala dhex galo DFKMG ah iyo midawga maxaakimta ayaa ah mid ka mid ah caqabadaha ugu waaweyn ee minjo xaabin karo guusha maxaakimta, wuxuna sababi karaa iska horimaadyo hubaysan, hardan cusub iyo qalalaaso siyaasadeed oo xaalada ka dhigo KUD KA GUUR OO QANJO U GUUR, sidaa darteed waxaa looga fadhiyaa midawga maxkamadaha in oo suu dhaweeyo wadaxaajoodyada uu ku dhawaaqay Ra�iisul wasaare Geedi iyo madaxda kale ee DFKMG ah, arrintaasi waxay horseedi kartaa calaaqaad xoogan oo dhex maro labada dhinac, waxayna kaalin muhiim ah ka galaysaa dib-uheshiisiinta Soomaaliya, ayada oo sidoo kale horseedi karto in ay DFKMG ah u ruqaansato magaalada Moqdisho iyo in uu Muqdisho ka hergalo xukun dawladeed oo meesha ka saaro jawigii colaadeed ee mudada 15 sana ah hareeyay xarunta Soomaaliya, waxana sidoo kale meesha ka baxayo shir qoolada ay maleegayaan wadamada shisheeye ee aaminsan in ay kooxo argagixisa ah la wareegeen magaalada Moqdishoeen.
Si kastaba ha ahaatee, in kaste oo aan si cad loo carra baabi karin waxa uu mustaqbalku u soo sido midawga Maxaakimta ee la wareegay caasimada Soomaaliya ayaa hadana waxay guusha iyo guul-darrada maxaakimtaasi ku xirantahay hadba sida ay ula tacaalaan umuuraha xasaasiga ah ee aanu soo xusnay, sidaa darteed waxaa maxaakimta la gudboon in ay ka faa�iidaystaan fursada muhiimka ah ee uga bannaan dib-uheshiisiinta Soomaaliya iyo in ay ka dhabeeyaan wacadkii ay lagaleen shacabka Muqdisho ayaga oo ka soo dhalaalayo masuuliyadda ay farayso qaddiyada diimeed ee ay huwanyihiin.

Talo-siin Maxkamadaha iyo Maanso.
Caliqeyr M. Nuur: caliqeyr@hotmail.com
Norway, Oslo.
Gacan darajadeedii
Fal baa loogu daw-galay
Maskax darajadeedina
Xal baa loogu daw-galay
Da'na darajadeedii
Xigmaa loogu daw-galay.
Inkastooy daruur roob
Ay korkayga hogan tahay
Inkastoon diryaan iyo
Maqli danab ciyaareed
Waa doqon geddiisi eh
Farxad lama degdegi karo
Ee dadab-galkii Xamar
Dullin baa la sheegaye
Waxaan daawanaayaa
Duub weynaheennii
Inuu reerka diga-rogo
Ama uu kasii daro.
Kismaayo & kandhahaar !!!!
Sahid maxamed yusuf
sahid_yusuf@yahoo.com
USA,VA

Runtii kismaayo waxay muhim u tahay sida magaallada kandhahaar muhim ugu tahay dalka afqaanistaan !!! dalkaas ooy haatan haystaan ciidam shisheeye markii islaaminyiintii haystay ay dayaceen in ay kasbadaan quluubta dadkii deganaan !!!
runtii dooni mayno in maxaakiimta laga qaniino halkii kuwii ka horeeyey laga qaniinay,sida uu ahaa xadiiskii nabiga {qofka mumiunka ah hal god laba mar lagama qaniino } sidas ama si la mid ah auu yiri.ikhwaanii maxaakiimta islaamiga ah ee ka curatay wadanka soomaaliya waxaa la isku raacay in ay aheyd mucjizo allah samada ka keenay ,oo naga qaaday warlords-kiisa 16 sano na gumaysanaayey!!!.Haddaba waxaan doonaynaa in aysan noqon neecawda maxaakiimtu mid si sahal ah u feyrta macnaa u baabada, ama haddii aan si kale u iraahdo mid noqota sidii ay ku danbeysa kandahaar!!!
Haddaba akhristoow ma ila aragtay talooyinka ay wada hadlayaana qoraayaashu oo ah wax ku ool ah sida :

1) In ay sameeyaan maamul laga wada qeyb galo oo ka mid ah bulshada
wax garad ka ah taas ooy aad u gabeen maxkamaduhu markay bulshadii oo dhan iska wada xirxireen ilaa ruux aan aheyn wadaad siiba hal xarako kaliyah sida uu ka dhawaajiyey qoraa ka mid ah qoraayaasha.
2)maxaakiimta waxaa la qumanaa in ay ku gabadaan dawladda ku meel gaarka ah ooy la heshiiyaan maadaama ay cadow badan oo adduunka ah leeyihiin, si ay doorashooyinka danbe ay guulweyn ku gaaran.
horaa loo yiri magaallada Rome hal habeen lama dhisin , diinteenuna waxay banaynaysaa in ruuxu tilaabsado tamartiisa .
3) in ay iska ilaaliyaan iska hor imaad keeni kara dagaal sidii kan ethopia oo kale taas oo soo dedejin karta fashilaad,oo lagu xisaabtamo tamartaada markasta ee aan la fududaan.taas oon si cad u arkaynay sida ay shabaabku dagaal u tamaninaayeen markuu dhacayna oodda ay jabsadeen.
4)in ay ka faa,ideystaan khubaradda ,siyaasiyiinta ,dhakahaatiirta, , macallimiinta,saraakiisha,wax garadka niyadda kala jira taas oo aysan ka faa,ideysan oo ay dayaceen.
5)in aysan raacin wadaddii taalibaan ee ka horaysay sidii ku cad maqaalkaygii kismaayo & kandahaar !!!
INTAAS AAN KU SOO GABAGABEEYO MAANTA WAA INOO TALOOYIN CUSUB IN MAQAALKA DANBE!!!!


FII AMAANI LAAH!!!
SAHID MAXAMED YUSUF
EASTLEIGH,NAIROBI
SAHID_YUSUF@YAHOO.COM

Faafin: SomaliTalk.com | Jan 9, 2007

• Hadalkii Diinaari ee Sarbeebta ahaa oo aan Soomaalidu fahmin iyo Xuseen Caydiid oo ah fikirka Saxda ah iyo Qorshaha/Hindisaha/Aragtida ama VISION-ka dhabta ah ee Dawladda... Akhri...

---

EEG BOGGA ARAGTIDA/MAQAALADA DADWEYNAHA..... GUJI...