Mideynta
Dhalinyarada Soomaaliyeed
Abdullahi
Ali Hiirad
info@hiirad.net
Somali Youth Congress
Ref: SYC/799/2007 Date:
03/01/2007
-
Ku: Hogaanka difaaca ururka SYC
-
Ku: Xoogaga hubaysan ee midowga
maxkamadaha Islaamka
-
Ku: Saraakiisha iyo ciidamada xooga
dalka
-
Ku: Ururada bulshada rayidka ah
-
Ku: Shacbiga Soomaaliyeed
-
Ku: Culumaa’udiinka iyo
hogaamiyeyaasha dhaqanka
- Og:
Golaha baarlamaanka DFKS
- Og:
Golaha Wasiirada DFKS
Waxaan
marka hore halkan tacsi uga diraynaa
umada Soomaaliyeed anagoo ka xun
muragada haysata ee ah in maanta uu
dalkooda gacanta u galay cadowga umada
Soomaaliyeed ee TIGREEGA. Waxaan kaloo
uga tacsiyeeynaynaa dhamaan naftood
hurayaashii u geeriyooday difaaca dalka
iyo dadka Soomaaliyeed iyagoo garab
istaagay kitaabka iyo isku xukunka
sharciga Islaamka, iyagana waxaan
Illaahay uga baryayaa inuu janadii ka
waraabiyo insha Allaah.
Intaas
kadib, markii aanu aragnay marxalada uu
marayo dalka iyo dadka oo gacanta loo
geliyay cadow aan la’aamini Karin,
derisnay heerka aqooneed ee dagaal
oogeyaasha hubinay inay yihiin dad aan
mabda lahayn. Waxaanu qaadanay qodobada
soo socda.
- In
ciidmada Ethiopia laga saaro dalka
oo dhan xoog iyo xeelba iyadoo aan
loo kala harin sida ugu dhaqsaha
badana loogu dhaqaaqo fulinteeda.
- In
laga hortago hindisaha passport ka,
ciidamada iyo dhaqaale wadaaga lagu
sheegay in lala wadaagi doono
Tigreega Ethiopia. Isla markaasna la
taageero in xuduuda la baabi’iyo
maadama aanan hadeer xuduud la
lahayn Ethiopia ee aan xuduuda hada
taalaa ay dhextaalo dad Soomaaliyeed
oo isku af ah, isku dhaqan iyo diina
ah.
- In
xilka laga qaado dhamaan
danbiilayaashii dagaalka ee geystay
dilka, dhaca, boobka, shirqoolada
maantana kusoo hogaamiyay dalka
cadowga umada Soomaaliyeed.
- In
hogaanka difaaca ee SYC uu
bartilmaameed ka dhigto dagaal
oogeyaasha iyo ciidmada Ethiopia
lagana fogaado xasuuq loo geysto
ciidamada Soomaaliyeed ee Illaalada
u ah hadii la badbaadin karo inaan
la waxyeelayn.
- In
shacbiga Soomaaliyeed uu xoog iyo
xooloba ku taageero dhaqdhaqaaqa
gobonimadoonka ee Soomaaliweyn.
- In
beelaha Soomaaliyeed ay ka fogaadaan
inay hubkooda gacanta u geliyaan
cadowga umada Soomaaliyeed iyadoo
aanay jirin dowlad qaran oo lagu
kalsoonaan karo.
- In
dadweynaha iyo ururada bulshada ay
iska kaashadaan sidii loo aasi lahaa
naftood hurayaashii ku geeriyooday
dagaalka isla markaasna loo guntado
dadka ku dhaawacmay ee yaala xaafada
magaalooyinka uu dagaalku ka dhacay.
- In
dowladaha aan saaxiibka nahay
jaamacada carabta ururka midowga
afrika ay magan gelyo siyaasadeed u
fidiyaan xubnaha maxkamada Islaamka
Soomaaliyeed sida uu qabo sharciga
caalamiga ah ee UN.
- In
dadweynaha Soomaaliyeed ay ka
fogaadaan wixii wax yeeleyn kara
midnimada iyo wada jirka ayna tahay
waajib saran inay nabad geliyaan
maxkamadaha Islaamiga ah ee
Soomaaliyeed.
-
Inaan la burburinin dolwada imika
jirta balse beeluhu ay ku bedelaan
raga danbiilayaasha qaran ah rag
Soomaaliyeed oo sharaf ku leh
mushtamaca dhexdiisa horseedana
nabad iyo wada noolaansho waara.
Waxaan kusoo gababaynaynaa in loo
diyaar garoobo guul ama geeri dalka
lagu difaacayo loogana hortagayo
inaynu noqono kilinka 6aad. Isla
markaasna badbaadino dadka reer
Ethiopia oo aan ka badbaadino
TIGREEGA haysta oo ku talo jira inuu
boqortooyo ka sameysto ay xukumaan
TIGREEGU, taasina ay suuro geliyaan
kooxo Soomaali sheegad ah oo uu
xiriir wanaagsan la leeyahay Meles
Zenawi.
Gudoomiyaha Ururka SYC
Abdullahi Ali Hiirad
www.hiirad.net
info@hiirad.net