Xuseenow
Afka ha beelin Xaqiibuu Daboolka ka
qaaday. Qore:
C/wali Maxamuud Qurux
Email:
qurux09@hotmail.com
Mahad
ileylkeed ILLAAH bay u sugnaatay,
Naxariis iyo Nabadgalyo Nabi Muxamed
dushiisa ha ahaato.
“Soomaliya iyo Itoobiya waa walaalo,
waana la mideynayaa waxayna yeelanayaan
Hal Baasaboor, Hal lacag iyo Hal ciidan
oo isku mid ah Xuduud dambana ma jirto”.
Erayadaas la yaabka leh waxay ka soo
yeereen ninka ku magacaaban wasiirka
arimaha gudaha ee DFKMG Mar uu la kulmay
Odayaal reer Muqdisho ah!!!, Waa
Kalimaad la yaab leh kana soo horjeeda
Taariikhda dhextaal soomaaliya iyo
Itoobiya aan ka turjumeyn rabitanka
shacabka soomaaliyeed kana fog Xaqiiqda
iyo waaqica dhabtaa. Marna waa Erayo aan
layaab badan lahayn oo ku tusinaya
meesha soomaali gartay iyo cidda
horboodaysa xiligaan iyo aragtidooda,
Damiir xumadooda iyo waliba dagaalkaan
hada socda ujeedasiisa. Markaan arkay
erayadaan oo ku qoran websites-ka
soomaalida ayaan waxaan is weydiiyay
Xuseen Caydiid muxuu ula jeedaa arintaan,
Mar waxaan is iri waa ka raganimo iyo
fashil sir shisheeye, hadana waan is
qabtay oo is iri awal oo dhan muu sheego,
saan is iri waa ku faanayaa oo in uu
awood leeyahay ayuu cadeeyay, saan waa
ka laabtay oo is iri kuma deg degeen
xiligaan lagu jiree see wax u jiraan,
markaas ayay hadana igu soo dhacday
malaha waa ka caqli xumo iyo garasho
la’aan. Taas kaliya kuma wada qancin
maskaxdaydiina kuma degine ee waxaan is
iri, waa Xaqii oo alle feer ka
dilaacshay, una soo dhiibay mid ka mid
ah dhagar qabayashii heshiiska horey u
saxiixay, soona gatay magacii iyo
sharaftii soomaaliya. Halkaas markaan
marayo ayaan erayo ducaa dusha uga
tuuray Xuseen Caydiid oo iri Xuseenaw
Afka ha beelin. Wuxuu kale oo Hadalka
Xuseen Caydiid Caddeyn u yahay
Qariiradii(Map) dhawaan laga helay
xafiiska Cali Geedi ee muujinaysay
Geeska Africa oo Soomaaliya ka maqan
tahay Laguna daray Dalka Itoobiya!!
Waxaan
Maqli jiray Diin baa lagu yiri Shinbiraa
kuu tashaday oo bari ku cunaya (xiligaas
qolofta sare malahayn oo baruur buu ahaa)
Markaas ayuu ku jawaabay soo meeshii la
iigu tashaday rabbi ma joogin. Hadda waa
tii oo kale oo meeshii soomaalinimaa
lagu baayacay Rabbi baa joogay isaga oo
aan meel kale ka fashilinna wuxuu ka
dhaaajiyay khaa’inul wadaniyiintii
Qaranka gatay. Arintaan la yaab ma leh
oo Nabi Muuse-ba Fircoon baa koriyay oo
gurigiisa ku bar baariyay. Sidaas
darteed waxaan leeyahay soomaaliya Ragna
leh Rabbina leh. Haddaba isweydiintu
waxay tahay Soomaaliya iyo Itoobiya ma
Midobi karaan? Aniga aragtidayda waa
maya, sababtoo ah waxaa dhextaal
labadaan dal Taariihk Colaaeed oo
Caqiido ku salaysan asalkeeda. Dhanka
kalana Marka laga hadalayo Xiriirka
caalamiaa (international relations)
waxaa lagama maar maan ah in laga wada
hadlo Arimaha Siyaasada, Dhaqaalaha iyo
Dhaqanka dayawga Modoobaya, Haddaba
waxaan weydiinayaa Ina Caydiid Magacee
la qaadanayaa marka lamidoobo? Ma
Itoobiya ayana noqonaynaa? Ma Soomaaliya
ayaa la noqonaya? Lacagtee iyo
Baasaboorkee la qaadanayaa ? Intaas
waxaa dheer Ina Caydiid wuxuu ku
dacwooday in Yurub midawday markay
dagaashay kadib!! Waa la yaabee sidee
buu u fahmay Midawga yurub? Midawga
yurub waxaa laga wada hadlayay 50 sano
wuxuuna soo maray maraaxil kala duwan,
ilaa iyo haddana wali waxay isku
diidanyihiin wax yaalo badan oo dhaqanka
iyo dhaqaaluhu ugu horeeyaan. Midda kale
Yurub wali xuduudeheedii waa leedahay
waxayse ka qaadeen kastamiskii, ee ma
jiro wadan inta xuduudiisii la
baabi’iyay mid kale ku biiray.
UJEEDADA ITOOBIYA
Dawlada
Itoobiya waxay soomaaliya ka leedahay
ujeedo aad u qoto dheer oo ay ku
taamayeen hogaamiyeyaasheedii Kala
duwanaa ee soo maray. Tusaale ahaan sida
Taariikhda ku cad Bishii April Sanadkii
1895 Boqorkii xiligaas ee Itoobiya ee
Melilikh la oran jiray wuxuu ku qoray
waraaq uu u diray Dawlahada reer yurub
oo xiligaas Berlin ku shirsanaa si ay
Qaarada Africa u qaybsadaan, in Dalkiisu
yahay Jasiirad yar oo Kiristan ah kuna
dhextaal Bad weyn Muslimiin ah , Xadka
dalkiisuna ku ekaa Badweynta India(
Indian Ocean) ayna ka qabsadeen
Muslimiin Mayal adag kadib markuu
taageero ka waayay walaalihiisa Reer
Yurub ee Kiristanka ah. Sidoo kale
sanadkii 1945 wasiirkii War faafinta ee
Itoobiya ayaa khudbad uu u jeediyay
Baarlamaanka dalkaan Ingiriiska wuxuu ku
sheegay in ay il gaar ku eegayaan dhaq
dhaqaaqyada ka socda dalalka soomaaliya
iyo Erateria, waxaana rajaynaynaa ayuu
yiri in maalin maalmaha ka mid ah ay
soomaalidu ku soo laabtaan dalkooda
Hooyo Itoobiya, calankayaguna ayuu yiri
si xoriyad leh uga lusho/babado
badweynta India.
Sidoo
kale, sida ku cad qoraalada wasaarada
arimaha dibada ee Itoobiya Waxaa ka mid
ah in soomaaliya la kala qaybiyo islama
markaasna aan loo ogolaan wax isu
keenaya si ay u baaba’do fikradii
soomaali weyn! Waxayna ku yiraahdeen
qoraalkooda waxaan ku guuleysanay 16-kii
sano ee al soo dhaafay in soomaaliya aan
wax Dawlad ah ka hir galin taas oo
keentay in Soomaalida ku nool itoobiya
(Somali galbeed) ay aaminaan in ay
yihiin Itoobiyaan kuna qancaan in ay
walaalohooda kale ee Itoobiya wax la
qabsaaan. Haddaba markad fiiriso
arimaha hada ka socda soomalaiya
siyaasad ahaan iyo Ciidan ahaanba islama
markaasna aad barbar dhigto Tixracyada
kor ku qoran waxaad ogaanaysaa in
Itoobiya ay u aragtay in ay ku
guuleysatay in ay dhulkeedii dib u
qabsatay calankeeduna jaanis u yeeshay
in uu Badweynta India ka lusho.
Maxaa
Xal Ah?
Aniga
aragtidayda marka la fiiriyo Arimaha
Adduunka ka socda iyo meesha naxdinta
leh ee soomaaliya Marayso waxaa lamaga
maar maan ah in la helo lana abaabulo
urur Xoriyad doon ah oo u dagaalama
sidii mar kale soomaaliya ay u xoreyn
lahaayeen (NEW SYL) ugana qaadi
lahaayeen Heeryada labo jibaaran ee
Cadawga. Cadawgu waa labo waa Shisheeye
iyo Soomaali . Waliba xiligaan halganku
intii hore wa ka adag yahay oo waxaa
loobaahan yahay in Dalka Laga xoreeyo
Labo cadaw oo kala ah shisheeye iyo
soomaali Shisheeye kalkaal ah!! Labada
Cadawna kan dambe ayaa daran xaqiiqdii
dagaalkiisuna adagyahay. Waxaase is
weydiintu tahay imisaa qof oo wadani ah
oo soomaali ah ayaa la heli karaa
xiligaan Soomaalidii Qabiilku degay?
- Waxaan
ku soo koobayaa
- Hadal
iyo Dhamaantiis
- Warka
dhiilada lehee
- Dhegta
nooga soo dhecee
- Ka
dhaaajay caydiid
- Wixii
dhiig lahaw kaca
- A
dhiidhiya gumaysiga
- Dhulkiina u dagaalama
- Iska
dhawra reer reer
Qore:
C/wali Maxamuud Qurux
Email:
qurux09@hotmail.com