XUSEEN CAYDIID: Ma Dhagax baa, mise waa Alwaax?
Qore:
Maxamed Xaaji (Ingiriis)
Brussels, Belgium
Email:
ingiriis@yahoo.com
Feb 28, 2007
Madaxweynaha dowladdii lagu soo dhisay Mbagathi ee
Itoobiyaanku ay taageeraan, Col Cabdullaahi Yuusuf
ayaa wareysi uu siiyey Tifatiraha Afrika ee
Idaacadda BBC-da, Martin Plaut waxa uu ku
nuuxnuuxsaday in Xuseen Maxamed Caydiid oo ah
Wasiirka Howlaha Guud ee dowladdiisa uusan u haysan
inuu yahay ‘nin caadi ah.’
Col Cabdullaahi Yuusuf, waxa uu yiri “Hussein Aideed
cannot be a normal man” oo macnaheedu yahay “Xuseen
Caydiid ma noqon karo qof caadi ah.”
Martin Plaut ayaa sii weydiiyey Col Cabdullaahi
Yuusuf sida uu dowladdiisa ugu jiro qof aan noqon
karin caadi, taasoo Korneelku kaga jawaabay “haddii
Xuseen Caydiid ku hadlay waxa aad ii sheegtay oo ah
waa laysku darayaa Soomaaliya iyo Ethiopia, uma
haysto qof caadi ah.”
Haddaba, haddii la eego maangalka Aristotelian
logic, qof kasta oo bini’aadam ah (human-being)
wuxuu noqon karaa caadi ama qof aan caadi ahayn.
Waxaa dhici karta inuusan mararka qaar qofku caadi
noqon karin sababo xanuun iyo xaalado kale oo la soo
gudboonaada aawadeed.
Sidoo kale, xayawaanka ama xoolaha waxaa lagu
tixgeliyaa inay sidooda caadi ku yihiin. Haddiise ay
la soo gudboonaadaan xaalado dheeri ah, waxaa sida
badan laga yaabaa inaysan caadi noqonaynin,
xaaladahaas oo ay la wadaagaan ibni’aadamka sida
xanuunada oo kale.
C/laahi Yuusuf oo sheegay Xuseen
Caydiid in uusan ahayn caadi
Halkan Ka Dhegeyso
ama
Halkan Dhegeyso
DHEGEYSO:
CAYDIID OO SHEEGAY MIDAYNTA SOMALIA & ETHIOPIA
IYO BAABI'INTA XADKA SOOMAALIYA
Marka la eego perspective of philosophy,
bini’aadamka oo dhan waa dad mandaq ah oo
sababeysan, fekerkooduna ku saleysan yahay maangal
(logical thought). Farqiga u dhexeeya ibni’aadamka
iyo xoolaha ma ahan oo keliya garashada iyo caqliga.
Inkasta oo bini’aadamku ka garasho sarreeyo xoolaha,
haddana waxaa jira xayawaan garasha leh, sida
Libaaxa, Yeeyda iyo Eeyaha.
Xoolaha marka la bireynayo wey gartaan in la qalayo
oo waxay leeyihiin rationality. Sidaa aawadeed ayaa
dardaarankii Nebi Muxammad (CSW) waxaa ka mid
ahaa « Ka qariya xoolaha middidada aad ku
qaleysaan.» Waxa taas ay caddeyn buuxda u tahay in
bini’aadamku waxa uu dheer yahay xayawaanka ay tahay
karaamada uu Alle karaameeyey oo keliya.
Laakiin, haddii la yiraahdo qof bini’aadam ah ma
noqon karo caadi (normal), waxa taas macnaheedu
yahay inuusan ahayn noole (being). Sidaa awgeed,
maadaama uu Col Cabdullaahi Yuusuf qeexay in Xuseen
Caydiid uusan noqon karin caadi, waxa biya-dhaca
hadalkiisu noqonayaa in Xuseen Caydiid uusan ka mid
ahayn noolaha (being).
Haddii hoos loo sii dhugto hadalka Col Cabdullaahi
Yuusuf, Xuseen Caydiid ma noqonayo bini’aadam (human),
mana noqonayo noole (being). Haddaan raacno
Korneelka, wuxuu Xuseen Caydiid noqon karaa shey (thing).
Haddaba, dadka sida adag wax u naqdiya (critical
thinkers) waxay is weydiin karaan; Xuseen Caydiid ma
Dhagax baa, mise waa Alwaax? Jawaabta su’aashan
waxaa laga sugayaa Col Cabdullaahi Yuusuf.
Waxaa wararku sheegayaan in Xuseen Caydiid oo ka
jawaabaya hadalka Col Cabdullaahi Yuusuf uu bixiyey
jawaab kulul oo aan sax ahayn. Waxa uu yiri “haddii
uu jiro qof aan caadi ahayn waa Cabdullaahi Yuusuf.”
Waxaa cad in Xuseen Caydiid uusan fahmin nuxurka
hadalka Col Cabdullaahi Yuusuf oo uu u qaatay in la
yiri wuu waalan yahay oo keliya, balse uusan gadaal
u dhugan ama si critical ah u falanqeynin weedha
oranaysa ‘cannot be normal man.’
Website-ka Onkod News ayaa
akhristayaashiisa waxa uu weydiiyey inay ka soo
tala-bixiyaan Col Cabdullaahi Yuusuf iyo Xuseen
Caydiid kooda waalan.
Waxaa akhristayaasha badankood ay isku raaceen in
labadooduba ay waalan yihiin oo aysan fayoobayn!
Dadka Soomaaliyeed
badankood ayaa is weydiinaya Xuseen Caydiid ma wuxuu
caadinimada (normality) ka baxay markii uu
Madaxtooyada ku wareejiyey Col Cabdullaahi Yuusuf?
Mise horey ayuusan caadi u ahayn (abnormal).
Col Cabdullaahi
Yuusuf ayaa wuxuu caado u leeyahay inuu hadba ku
awrkacsado ama ku qunsado howlihiisa koox cusub,
sida uu ka bartay taliska hadda ka taliya Ethiopia.
Kooxihii kala duwanaa ee uu horey ugu qunsan jiray
ayaan hadda la socon.
Nimankii uu
dhawaantan ku awrkacsaday ayaa waxaa ka mid ahaa
Maxamed Dheere, Maxamed Qanyare, Cabdi Waal, Cabdi
Qaybdiid iyo Bootaan Ciise Caalin, raggaas oo caawa
ay noloshu ciriiri ku tahay, loona diiday inay
idaacadaha ka hadlaan.
Dadweynaha ku nool
gobollada Waqooyi Bari oo la yaabay falsafadda Col
Cabdullaahi Yuusuf uu ku shaqeeyo ayaa waxay
yiraahdaan, “Ama Yeeyga raac oo Yaahuu noqo ama
Yemen u dhoof oo yaabanow, ama yoolka baro oo Yabaqa
dhaaf.”
Maxamed Xaaji (Ingiriis)
Email:
Ingiriis@yahoo.com
Afeef: Aragtida qoraalkan waxaa leh qoraaga ku
saxiixan
Faafin: Feb 28,
2007
DFKMG oo Eedayn
Kulul u Jeedisey Hay'adaha NGO-ga ee Jooga
Soomaaliya
Wasiirka
DFKMG u qaabilsan Dib u heshiisiinta iyo Jaaliyadaha,
Maxamed Cabdi Xayir "Maareeye" oo shir jaraa'id ku
qabtay magaalaad Baydhabo (Feb 24, 2007) ayaa si
kulul u eedeeyey hay'adaha NGO-ga ee ku sugan dalka
Soomaaliya. Wasiirku waxa uu si kulul hay'adaha NGO
ugu eedeeyey in ay qayb weyn ka yihiin dhibaatada
aan dhamaanayn ee Soomaaliya. Waxana uu ku eedeeyey
in hay'adahaas NGO-ga ay Soomaaliya beesha caalamka
kaga raadsadaan lacago, marka ay lacagtaas soo
helaan aan cidna kula xisaabtamin. Lacagtaas oo,
ayuu yiri, ay boqolkiiba 70% ku bixiyaan
dalxiiskooda, hoteelada iyo guryaha qaaliga ah ee
Kenya iyo meelo kale oo adduunka ah. Boqolkiiba 20%
lacagtaas ahna waxay ku kiraystaan, ayuu yiri,
diyaarado hawada dhulka Soomaaliya kusoo gala si
sharci darro ah, kuwaas oo subaxdiina yimaada
galabtiina noqda, halkii ay dalka ka shaqayn
lahaayeeneen...
Dhegeyso
Hadalkii Maareeye.
Feb 19, 2007
ayey ahayd markii Madaxweynaha DGPL, Cadde
Muuse, uu aammaanay hay'adaha NGO oo uu kula kulmay
magaalada Garoowe, waxana uu sheegay in
hay'adaha NGO ee fadhigoodu yahay Garoowe ay hawl wanaagsan qabteen. Isagoo arrintaas ka hadlaya
Gen. Cadde Muuse waxa uu yiri: "Qolooyinkii United Nation-ka
IYAGOO DHAN waa noo yimaadeen kulligood wax fiican bay noo
qabteen iyagana si aad iyo aad ah ayaan ugu mahad naqayaa
iyo waxyaalahay qabteen."
Dhegeyso
Hadalkii Gen. Cadde.
Waxaa taas ka sii
horeysey in Wasiirka Wasaaradda Maaliyadda ee DGPL, Maxamed C. Y.
Gaagaab uu dhaliil u jeediyey hay'adaha Samafalka ee jooga
Soomaaliya. Xilligaas oo uu Wasiirku la hadlayey dad
Soomaaliyeed oo jooga magaalada Minneapolis ee dalka
maraykanka waxa
hadaladdiisii ka mid ahaa "Ha'adaha dalka Soomaaliya jooga
waxay isu haystaan in ay yihiin madaxweynihii dalka."
Dhegeyso Hadalkii Gaagaab...
Daabaco
Boggan | Print
ARAGTIDA/MAQAALLADA DADWEYNAHA EE MAANTA
