Ciyaaryahan
Samuel Eto'o iyo Soomaali xagee iska soo galaan?
Waxaa maanta ku soo qaadanaynaa bogeenna Falanqeynta
Taariikhaha ciyaartoyda Dunida Laacibka Weyn ee Weerarka uga
ciyaara kooxda Barcelona iyo Xulka Qaranka Cameroon ee
Magiciisu cirka isku shareeray ee Samuel Eto'o oo aan
idinkaga hayno macluumaad dheeraad ah.
Xidiggan oo magiciisa oo buuxa uu yahay "Samuel Eto'o Fils"
waxa uu 10-kii March 1981-kii uu ku dhashay halka lagu
magacaabo Nkon oo ku taalla Dalka Cameroon, dhererkiisu waa
1.79m, (5'11"), waxaa lagu naanaysaa Pantera Negra (Black
Panther/ Shabeel-kii Madoobaa!!), waxa uu weeraryahankani
hibo u leeyahay Boos qaadashada marka ay baadi goobayaan
meel ay Kubadda u tuuraan iyo Laadadkiisa awoodda leh,
taasoo keentay in 3-sano oo xiriir ah uu ku guuleysto
Xiddignimada Q/Afrika.
Waxa uu soo maray naadiyo
ay ka mid yihiin CD Leganes (1997-98), Real Madrid
(1998-99), Real Mallorca (1999-2004), waxaana naadigani oo
uu u ciyaaray 133-kulan uu u dhaliyey 54-gool taasoo ka
dhigtay weeraryahankii ugu gool dhaliska badnaa taariikhda
naadigani, kaddibna xilli ciyaareedkii 2004 markii uu
dhammaaday qandaraaskiisii Mallorca waxa uu heshiis ku
kacayay 24-Milyan Euro la galay kooxda Barcelona, waxaana
heshiiskaasi qaybihii ka qayb qaatay ka mid ahaa naadiyada
Real Mallorca iyo Real Madrid oo midba ay saami ku lahayd
heshiiska laacibkan waxaana kulankiisii ugu horreeyey uu
Barca u saftay 29-kii August 2004, kaasoo ay kaga hor tagtay
kooxda K/Cagta Racing Santander.
Wariyaha caanka ah ee Telefishinka ESPN Tommy Smyth ayaa mar
uu tilmaamayay Samuel Eto'o waxa uu yiri "Waxa aan dhihi
karaa shaki la'aan waxa uu ka mid yahay weeraryahannada
aadka u wanaagsan ee soo maray Adduunka, waxa uu ku ordaa
Orod deg-deg badan, waxa uu awood u leeyahay in uu Kubadda
ku dhaliyo labadiisa Lugood, isagoo sidaa si la mid ahna
Madaxa ku dhalin kara, waxa uu goolasha dhaliyaa marka ugu
horreysa ee Kubadda uu taabto".
Samuel waxaa kale oo uu ka ciyaari karaa labada Garab (Midig
iyo Bidix), taasoo horey uu ugu tijaabiyay tababare Frank
Rijkaard, waxaana uu ciyaartoyda kale ee naadigiisa ka
caawiyay dhalinta Goolal fara badan, halka isna sidoo kale
uu dhaliyey goolal fara badan, iyadoo xilli ciyaareedkii
2005/06 uu noqday ciyaaryahankii ugu horreeyay ee laba xilli
ciyaareed 50 Gool ka dhaliya Horyaalka Spain La Liga.
Eto'o waxa uu sida ciyaartoyda kale ee Reer Afrika ee
Midabkoodu Madowga yahay la kulmay dhowr jeer Midab Takoor,
sida Daafaca Maroodiyada (Cote d'Vore) Marco Zoro kulan dhex
maray Inter iyo Messina markii loogu yeeray "Daanyeer" uu ku
hanjabay in uu isaga baxayo Garoonka, kaddibna ay raali
geliyeen qaar ka tirsan ciyaartoyda Messina iyo Inter.
Midab Takoorkii ugu xumaa Eto'o waxa uu soo maray February
2006 markii kulan dhex maray Barcelona iyo Real Zaragoza ay
qaar ka tirsan taageereyaasha Zaragoza ugu yeerayeen "Daanyee-roow"
mar kasta oo Eto'o uu Kubadda taabto, taasoo geba-gebadii uu
laacibkani u dulqaadan waayay, iskuna dayay in uu ka baxo
garoonka, hase ahaatee ay maslexeeyeen qaar ka tirsanayd
ciyaartoydii labada dhinac oo uu ka mid ahaa Xidigga weyn ee
Naadiga Barcelona iyo Reer Brazil Ronaldinho oo si weyn
niyadda ugu dhisay Eto'o, una sheegay in haddii uu ku
adkeysto in uu garoonka ka baxo uu isagana daba geli doono
oo ay ka wada bixi doonaan ciyaarta.
Markii kulankaasi uu dhammaaday Garsoorihii ciyaartaasi
Fernando Carmona oo kulankaasi ku guul-darreystay in uu wax
ka qabto markii meel looga dhacay sharafta Eto'o, kuna
tilmaamay in wixii ay taageera-yaasha Zaragoza ku
dhawaaqayeen ay caadi ahaayeen waxa uu cambaareyn kala
kulmay Xiriirka K/Cagta Spain iyo Midka Adduunka ee FIFA,
waxaana kaddib xiriirka Spain uu ganaax lacageed dul dhigay
naadiga Zaragoza, halka Eto'o-na uu sheegay in
taageerayaasha Zaragoza uu abaalkoodu ku wanaagsanaa in
muddo sanad ah albaabada loo laabo garoonkooda.
Waddammada Spain, Jarmalka, Ingiriiska, Mexico, Denmark,
Belgium iyo Italy ayaa ciyaartoyda Madowga ah ee ka ciyaarta
waxaa Midab Takoor ku sameeya taageerayaasha la safan
kooxaha ka soo horjeeda ee ay la ciyaarayaan, waxaana
arrintani ay noqotay fool xumo ay wax ka qaban waayeen
Xiriirka FIFA, inkastoo Guddoomiyaha Xiriirka FIFA Sepp
Blatter uu ku hanjabay in ay wax ka qaban doonaan arrintan,
ciqaab adagna ay dul dhigi doonaan ciddi ay ku cadaato.
Eto'o oo 25-jir ah, haatanna dhaawac ka soo gaaray Jilibka
Bidix kulankii Werder Bremen iyo Barcelona ee Koobka H/
Yurub 27-kii September 2006 waxa uu xulka dalkiisa Cameroon
ku soo biiray isagoo 15-jir ah, saftayna kulan saaxiibtinimo
oo ay la yeesheen Costa Rica waxa uu ahaa ciyaaryahankii ugu
da'da yaraa ee ka qayb gala Koobkii Dunida 1998-kii,
waqtigaas oo uu ahaa 17-jir, sidoo kale waxa uu xulkiisa
kala qayb galay Koobkii Adduunka 2002, K/Q/Afrika 2000,
ciyaarihii Olombikada 2000 iyo Q/Afrika 2006, waxaana xulka
Cameroon uu u saftay 60-kulan, isagoo u dhaliyey 24-gool.
Geba-gebadiina Eto'o waxaa lagu warramay in uu isir ku
leeyahay Soomaali, gaar ahaan dhinaca Aabaha iyo Awowga,
waxaana uu ku soo koray Hargeisa, gaar ahaan magaallada
Burco, waxaana K/Cagta uu bilaabay markii uu la kulmay Nin
Soomaali ah oo baray sida loo dheelo K/Cagta saddex
jirkiisii illaa 13-jirkiisii, ka hor intii uusan dib ugu
laaban magaallada Nkon ee Dalka Cameroon ee uu ku dhashay,
waxaana halkaasi uu ka sii watay K/Cagta, ciddii xaqiijinta
warkan u baahanna waxay Internet-ka ka baari karaan
taariikhda ciyaaryahan Samuel Eto'o ama waxay booqan karaan
Bogga Internet-ka ee (African Press – Norway) ee
www.africanpress.worldpress.com, kaddibna waxaad qaybta
Search-ga ama Raadinta gelisaa …"Merit Award to African
Player".
W/T: Yaxye Yuusuf Khasaaro
E-mail:
yaxyekhasaaro@hotmail.com
Faafin: SomaliTalk.com |
Feb 11, 2007
Dowlada
FKMG Ah Ee Soomaaliya oo Indhaha Ka Laabatay Ceelasha
Shidaalka Ee Ay Kenya Ka Baarayso Xadka Soomaaliya...
Waxaa dhowaanahanba isa
soo tarayey ceelal shidaal ah oo laga baarayo deeganada
xadka Soomaaliya oo ay dowlada kenya ku guda jirto,
islamarkaana ay wararku tibaaxeen in meelaha ay ka baarayso
ay yihiin deegaano ku yaala gudaha wadanka soomaaliya, ayaan
waxaan dadaalo dheeraad ah u galay bal si aan wax uga ogaado
arrintan sida ay u aragto dowlada kmg ah ee Soomaaliya.
Akhri
warka oo dhan....
WARBIXIN
KU SAABSAN XAALADDA YAASIIN KILWE OO KU XIRAN BERBERA
Dhahar:- Yaasiin Kilwe
Cismaan waxa uu ku dhashay kuna soo barbaaray degmad Dhahar
ee gobolka sanaag sanadku markuu ahaa 1981kii, waxa uu ku
soo qaatay waxbarasha asaasiga ah dugsiga H/Dhexe ee degmada
Dhahar, waxa uu markii ugu danbaysayna arday ka ahaa
Jaamacadda bariga Afrika ee Boosaaso, sanadii 2003 bishii
11aad isaga oo ku jira fasax ayuu safar u aaday magaalada
Hargaysa, nasiib darro waxaa lagu xiray halkaas, isaga oo
lagu eedeeyay inuu lacag ka soo dhacay meel u dhaxaysa Tog
Wajaale iyo Jigjiga oo ka mid ah kililka shanaad ee
Ethiopia, arrintaasi oo ah mid aan jirin maxkamadduna ay
waxba ku wayday sida ay caddaysay 05/06/2006 dii.
AKhri warkan oo dhan....
Zakariya
Xaaji:-Waa In Loo Diyaargaroobaa Sidii Tegreega Dalka Looga Xorayn Lahaa
Xildhibaan Zakariya X.Maxmuud oo isagu ka mid ah guddiga
arrimaha dibada ee Golaha wakiilada, isla markaana xubin
joogta ah ka ah baarlamaanka Carabta ayaa xaflad lagu qabtay
magaalada Dimishiq taas oo lagu soo dhaweynayey xildhibaanka
ka sheegay in ay Soomaalidu u diyaar garowdo sidii ay
dalkooda uga xorayn lahaayeen xoogaga Tegreeyga ee ku soo
duulay.
Xafladan oo ay ka soo qayb galeen dadaweyne aad u tiro badan
iyo xubno ka socday Safaaradda Soomaalida ee dimishiq gaar
ahaan xoghayaha Safaaradda C/raxmaan Barqiya, guddoomiyaha
Jaaliyadda Soomaaliya Fu’aad iyo Shiikh C/casiis Calas ayaa
waxa uu Zakariye ku dheeraaday Taariikhdii soo jireenka
ahayd e u dhaxaysay Shacabka soomaaliyeed iyo Dawladda
Itoobiya ee ay gadhwadeenka ka yihiin qawmiyada Tegreey...Akhri...
Shirkadda
Range oo Sheegtay in Saddexdii bilood ee lasoo dhaafay ay
Garoonka Diyaaradaha ee Garoowe siisay US$313,000
lacagtas oo aad uga badan tii ay DGPL sheegtay in shirkadu
bixisay..
Akhri...
Lacag dhan $3 million
ilaa $7 million oo ay kala Qaybsanayaan Range iyo DGPL
Lacagtaas oo qarsoodi ahayd waxaa
shaaca ka qaaday wargeyska Herald ee ka soo baxa Australia...
Akhri....
Kenya
ma Badda Soomaaliyeed ayey Shidaal Ka Qodaneysaa?
Dawladda Kenya ayaa dardar gelisey
baaritanka batroolka ay ka wado xeebta, waxaana soo baxay warar tibaaxaya...
Akhri...
DGPL oo Caddayn weydey Meesha ay ku Baxeen
Lacagihii ay hore u Bixiyeen Shirkadaha Macdanta
Madaxweyne Cadde Muuse oo ku sugan Dubai oo
kulan la yeeshay shirkadaha ayaa la sheegay
in...
Akhri...
![](/terry/arrowleft.gif)
![](/terry/arrowright.gif)
|