SomaliTalk

Daabaco Boggan | Print

Kenya ma Badda Soomaaliyeed ayey Shidaal Ka Qodaneysaa?
Dawladda Kenya ayaa dardar gelisey baaritanka batroolka ay ka wado xeebta, waxaana soo baxay warar tibaaxaya... Akhri..

Shirkadda Range oo Sheegtay in Saddexdii bilood ee lasoo dhaafay ay Garoonka Diyaaradaha ee Garoowe siisay US$313,000
lacagtas oo aad uga badan tii ay DGPL sheegtay in shirkadu bixisay.. Akhri...

Shir looga hadlaayey Tacadiyada ka dhanka ah haweenka oo lagu qabtey Xarunta PDRC ee Garoowe.

Xaflad si weyn loo soo agaasimey ayaa maanta ka dhacdey Xarunta Hormarinta iyo Cilmibaarista Puntland (PDRC), shirkaan ayaa waxaa ka soo qaybgalay mas’uuliyiin aad u faro badan waxaana kamid ahaa Wasiirka Waxbarashadda ee Puntland Mudane Axmed Siciid Aw Nur, Wasiirka Arimaha Gudaha iyo Amniga Mudane Axmed Cabdi Xaabsade, Wasiirka Qorsheynta iyo Iskaashiga caalamiga ah, Mudane Cabdi Salad Cali, Wasiirka Hormarinta Haweenka iyo Arimaha Qoyska Marwo Caasho Geele Diiriye, Wasiir ku xigeenka Qorsheynta Gamuute, Agaasimaha Guud ee Madaxtooyada Caydaruus Cismaan Yusuf, Barasaab ku xigeenka Gobolka Nugaal Cabdi Naasr Xaaji, Gudoomiyaha PDRC Shuuke sidoo kale waxaa ka soo qayb galay mas’uuliyiin ka socotey hay’adaha caalamiga ah iyo kuwa maxaliga ah, iyo dadweyne aad u faro badan.

Shirkaan ayaa waxaa soo qaban qaabiyey NGO ka hawlgala Gobolka Nugaal lana yiraahdo SAACOM, iyada oo uu fududeeyay qabsoomida shirkaan hay’adda Action AID fadhigeeda Garoowe.

Hadaba shirkaan ayaa waxaa furey Gudoomiyaha ururka SAACOM Caasha Cabdi Xuseen waxa ayna halkaas ka jeedisey khudbad ay kaga hadleysey muhimadda shirkan iyada oo muujisey doorka haweenku ay ku leeyihiin bulshadda iyo sida ay muhim u tahay in doorkaas la ogaado lana dhawro xuquuqda hooyada lagana ilaaliyo noockasta oo tacadi iyo gaboodfal ah.

Sidoo kale waxaa madashii shirka ka hadley Gudoomiye kuxigeenka Gobolka Cabdinaasir Xaaji , Gudoomiyaha ayaa sheegay sida ay uga xunyihiin noocyada tacadiga ah ee loo geysto hablaha Soomaaliyeed kuwaas oo isugu jira kufsi, dil, iyo weliba in dhaawac loo geysto qaybaha jirkooda, iyada oo loo isticmaalayo Gudniinka bahalimada ah ee Fircooniga ah, waxana uu canbaareyn u soo jeediyey dhamaan tacadiyada loo geysto haweenka, Gudoomiye ku xigeenku waxa uu amaan u soo jeediyey Ururka SAACOM ee soo qaban qaabiyey Shirkaaaan.

Intaas kadib waxaa mikrofoonka lagu soo dhaweeyay Mudane Axmed Siciid Aw Nur oo ka wakiil ahaa Madaxweyne ku xigeenka Puntland oo goobta uga maqnaadey hawl darteed, wasiirka ayaa sheegay in uu Salaam ka wado Madaxweyne ku xigeenka Puntland ahna siihayaha xilka Madaxweyne Mudane Xassan Daahir Maxamuud, Wasiirka ayaa sheegay in loo baahan yahay in la midoobo rag iyo haweenba oo ah lamaane aan kala maarmin isla markaasna meel looga soo wada jeesto dhaqamada xun xun sida Bahdilka, Gudniinka Foosha xun ee Fircooniga, iyo ku tumashada xuquuqda haweenka ee gaar ahaaneed.

Waxaa madasha shirka khudbad kooban ka soo jeedisey Marwo Caasho Geele Diiriye, wasiirka Hormarinta Haweenka iyo Arimaha Qoyska, wasiirka ayaa sheegay in dhibta loo geysto haweenka aysan geeysan raga oo keliya balse ay qayb lixaad leh ku leeyihiin haweenku oo ay iyagu dhexdooda is dulmiyaan waxayna tusaale u soo qaadatey, in Waxbarashada gabadha iyo wiilka ay hooyadu wiilka hormariso halka gabadha ay u dirto dheriga iyo dabka, sidoo kale ayey sheegtey wasiirku in aysan ahayn kuwa u guda hablaha gudniinka bahalnimada ah ee Fricooniga rag balse ay yihiin Dumar loona baahan yahay in arintaas laga dheeraado gabdhahana aan xuquuqdooda lagu tuman.

Wasiirka Arimaha Gudaha ayaa isaguna ka hadley shirkii maanta ee loo dhamaa Mudane Axmed Cabdi Xaabsade waxa uu taageero buuxda siiyey ololaha looga hortagaayo tacadiga loo geysto haweenka, waxana uu sheegay in aan loo kala harin ilaa laga cidhibtidhaayo dhaqamadda xun xun ee lagula kaco haweenka, wasiirka ayaa sheegay in denbiyada kufsigu uu ka dhaco Magaalooyinka aduunka ee hormarey waxa la is dheeryahayna ay tahay in sharciga lala tiigsado qofkii ku kacay waxaas inaguna maanta waa muhim in wixii waxaas ku kaca cadaaladda la horkeeno ayuu yidhi wasiirku.

Isla madashii shirka looga hadlaayey tacadiyada ka dhanka ah haweenka ee uu ugu horeeyo Guduniinka bahalnimadda ah ee fircooniga waxaa ka hadley mas’uul ka socdey hay’adda iyadu sahashey shirkaan ee Action Aid, waxana uu ku dheeraadey muhimadda ay leedahay in la ilaaliyo xuquuqda qofkastaa lee yahay.

Ugu danbeyntii Waxaa lagu soo bandhigey Xafladdii Maanta riwaayad ka hadleysey tacadiyada lagula kaco hablaha Soomaaliyeed Ruwaayadan ayaa muteysatey in loo tumo sacab aad u faro badan, waxaana dhamaan dadweynihii ka soo qaybgalay xafladdan ay isku raaceen in meel looga soo wada jeesto Tacadiyada loo geysto haweenka laguna kaalmeeyo URURKA SAACOM shaqada uu u istaagey.

USA: Duqa Magaalada Macon ee Gobolka Georgia oo Islaamka soo galay...
Duqa magaalada MACON, ee gobolka Georgia ee dalka Maraykanka ayaa soo Islaamay, waxana uu dadaal ugu jiraa sidii uu magaciisa si sharci ah ugu bedeli lahaa Hakim Mansour Ellis.

Hakim Mansour oo da'diisu tahay 61-jir, oo ku dhashay magaalada Macon waxa lagu soo koriyey diinta Kirishtaanka, waxana uu sheegay in uu yahay Sunni Muslim, waxana intaas ku daray in uu diinta Islaamka soo galay bishii December 2006 mar uu booqday dalka Senegal ee qaarada Afrika, halkaasna xaflad loogu dhigay.
Warkan oo dhan ka akhri halkan...