Minnesota oo Sabtidii/Axadii uu Ka Da'ay Baraf Xooggan...
- 137 shilal gawaari oo ka dhacay Minnesota baraf ka da'ay hal
maalin...
Wadada aad gaariga dhigatay in la xaaqayo waxaad ka ogaan kartaa
linkiyadan:
SomaliTalk.com | Minneapolis, MN | Dec 2, 2007
File photos
Subaxnimadii Sabtidii iyo Axadii gelinka hore la soo dhaafay (Dec 1,
2, 2007) waxay Reen Minneapolis (Minnesota) ku soo waaberiisteen dhulka
oo aad moodid in lagu daadiyey xoorta caanaha geela oo laga daadiyey
haruub-geelka - Malaha waa sababta ay Soomaalidu u doorteen in ay degaan
Minnesota si ay u xusuusnaadaan caanihii geela. Waa barafkii iyo
qabowgii oo iskeenay. Waa xilligii dhirtu gebi ahaanba caleenta dhulka
dhigi jirtey, una ekaan jirtey jirme abaar jooga.
Meelo ka mid ah Minnesota waxaa laga soo weriyey in bararka ku da'ay
uu gaaray ilaa 7 inches.
Waaxda Minnesota u qaabilsan gaadiidka ee loo yaqaan MnDOT waxay
sheegtay in barafkii Minnesota ka da'ey Axadii (Dec 2, 2007) in uu
sababay ilaa 137 oo ah shilalka gawaarida, kuwaas oo dhacay intii u
dhexaysay 9:00 am (barqanimo) ilaa 1:00 pm (duhurnimo), waxaana 88
shilalkaas ka mid ah ay ka dhaceen magaalooyinka mataanaha ee St. Paul
iyo Minneapolis.
Xilliga uu da'do baraf
xoog leh waxaa magaalooyinka lagu soo rogaa xaalad degdeg ah oo la
xiriirta barafka (Snow emergency), taas oo ah in waddooyinka iyo
meelaha gawaarida la dhigto in loo sameeyo jadwal barafka looga xaaqayo
ka horta inta barafku uusan dhulka ku dhegin.
MnDOT waxay sheegtay in gobolka Minnesota ay ka hawl galaan ilaa 800
oo ah gawaarida barafka lagu xaaqo ee loo yaqaan "snowplows" oo ay ka
shaqeeyaan ilaa 1,500 shaqaale ah.
Haddaba haddii aad gaariga dhigatid wadada dhinaceeda oo wadadaasi
tahay tii la xaaqi lahaa markaas gaarigaaga waxaa laga qaadi doonaa
bartaas (towing), waxaadna gaarigaaga soo kaxaysan kartaa marka aad
bixisid lacag. Sidaas daraadeed waxaa haboon in aad sii ogaatid jidadka
la xaaqi doono si aan gaaarigaaga lagaaga jiidan..
BILICDA SOMALIYA
Luuq Ganaane, 1987
 Waa
wiil yar oo Somaliyeed oo nayl yar dhabta kuwata xilli
nabadana dhexjooga Bilicda dhulka Soomaaliya.
Akhri
|
Eeg linkiyadan oo aad ka ogaan kartid jadwalka wadooyinka xilliga
barafka la xaaqayo, sidoo kale telefoonada halkaas ku qoran ayaad wixi
kartaa:
Gobolka Minnesota waxa uu ka mid yahay meelaha ugu qabwoga badan
dalka Maraykanka, bilaha ugu qabowna waa November (qaybteeda dambe),
December, January iyo February.
Xilligaas waxaa dhib lagala kulmaa marista waddooyinka, sidoo kale
waxaa halis noqonaya dariiqyada lagu lugeeyo, gaar ahaan marka uu
barafku engego oo loo yaqaan "Black Ice" - barafka ayaa isku kaa
madoobeynaya, waxaadna u malayneysaa meel aan wax baraf ah lahayn, marka
aad lugta saartidna waxaad arkeysaa adigoo taraaraxaya, nasiib waxaad
lahaan doontaa haddii aadan jabin, waa marka aad lugayneysid - waa
meesha ay ka timid weydiinta marka la arko qof dhutinaya laweydiiyo "war
heedhe ma baraf ayaad ku kuftay", haddiise aad gaari wadatid halistu
intaas ka badan haddii gaarigu lugta la helo barafka noocaas loo yaqaan
"Black Ice", waayo adigu markaas gaariga ma xukumi kareysid... Waxaa
kale oo xusid mudan in bilahaas uu socdo barafku in aan la arkin qorrax,
haddiiba ay soo baxdona aysan wax kulayl ah lahayn.... Badbaado Allah..
Waxaa marka Soomaalida reer Minnesota, iyo kuwa kale ee jooga dhulka
barafka leh la gudboon in ay xilligan barafku da'ayo taxadar dheeri ah
muujiyaan.
File photos
Dadka mudada dheer joogey dhulka baraf ah waxay ku taliyan: In
gaariga loo diyaariyo barafka, si taas loo sameeyona waa in lagu shubo
Oil cusub, biyaha nooca aan barafka ku fariisan (Anti-Freeze), waa in
taayirada ay ku jiraan hawo qiyaasan, gaaskuna waa in uusan ka yaraan
nus-taangi. Haddii aad safar geleysid ha ilaawin in aad qaadatid Buste,
Toosh, Tarraq iyo Shumac, oo haddii ay dhacdo meel kharfe ah (cid la')
in uu gaarigu kaa istaago in aad ugu yaraan haysatid dab aad gacmaha ku
kululaysatid (kulaashid shumuca) iyo buste aad lugaha dhaxanta kaga
celisid... walee Afrika loo darsey...
Daabaco
Boggan | Print
