Ciidamada Ethopia ee kusugnaa Degmada Guriceel ee gobolka Galgaduud oo
isga baxay.
Boqolaal ciidamo ethopian ah oo ku sugnaa degmada Guriceel ee gobolka Galgaduud
ayaa iskooda isaga baxay habeenimadii jimcaha 12:00 AM saqdii dhexe iyagoo u
kicitimay dhanka xuduuda ethopia kadib markii ay ku sugnaayeen degmadaasi mudo
dhan lix bilood.
 
Dad ku ordaya jidka iyo Dhufey ay xabashida lahaayeen
Sawirada oo weyn
Eeg
halkan ama
Halkan
Ciidamadani ayaa gobolka Galgaduud uga sugnaa degmada Guriceel oo kaliya iyagoo
dhibaato weyn ku hayey xaga Amniga iyo Horumarka degmada, dhaqdhaqaaq aad u weyn
oo u muuqdey inay ka baxayaan degmadani ayaa isbuucyadii ugu dambeeyey lag
dareemayey ciidamadani iyagoo raranayey teendhoonyinkoodii iyo alaabahii kale ay
saadka uwateen.
 
Sawirada oo weyn
Eeg
halkan ama
Halkan
Sidoo kale waxa ay maalintii arbacada 26/12/2007 ay wateen milkiilihii shirkada
Beder Guriceel iyo ku xigeenkiisii kadibana ay soo daayeen galabnimadii
khamiista, waxayana horey uga kaxeysteen degmadani maalintii qamiista sadex
baabuur oo ah nooca loo yaqaano candhamiidlaha iyo wadayaashoodii oo labo ka mid
ah leedahay shirkada Beder Guriceel kuwaasi oo ay ku raranayeen teendooyinkoodii
iyo alaabihii kale ay horey u wateen.
Arinkaas bixitaanka Itoobiya ayaa farxad weyn ku abuurtey dadkii ku noolaa
degmada iyagoo aroornimadii saakey isugu soo baxey xeradii ay ciidamada ka
baxeen, dadkani aya wajiyadoo laga dareemayey farxad aad u weyn inkastoo ay ku
xunyihiin walaalahoioda dhibaatda ku haysta Muqdisho iyo Baladweyne iyagoo u
ducaynaya in ay iyagana ka guuleystaan ciidamada ku soo duuley dalka kuwaasi oo
dhibaatooyin hor leh sii galiyey mustaqabla Soomaaliya.
 
Sawirada oo weyn
Eeg
halkan ama
Halkan
Xerooyinkii ay ka samaysteen degmada Guriceel waxaa ka mid ahaa Isbitaalka
Hooyada iyo Dhalaanakaa, Guryo, iyo goobo ganacsi kuwaasi oo dhamaan xirnaa
mudadii ay ku sugnaayeen ciidamadaasi iyagoo ka kala eryey dadkii daganaa iyo
shaqaalihii isbitaalka kadib markii ay yimaadeen ciidamadaasi, Sidoo kale
xerooyinkii ay ka guureen ayaa waxaa ka dhex muuqanayey saanadihii lagu yaqaaney
ciidmada ethopianka sida BUSKUTKA iyo gasacado ay ku jiraan hilibka doofaarka pp
sajaleysan kuwaasi oo ugu weynaa saadka ay inta badanai isticmaalaan ciidamada
dalla Ethopia.
Tasbeelayaasha la suray magaalada - Eeg sawirka oo weyn
Ugu dambeyntii dadka degmaa degamada Guriceel ayaa dhajiyeey
boorar kuwaasi oo tilamaamay inay ka xun yihiin ciiidmada Ethopia ee jooga dalka
intiisa badan.
Abdulkarim Mohamed Jim'ale (Muxsin)
muxsin55@hotmail.com
Faafin: SomaliTalk.com | Dec 28, 2007
| 
Daabaco
Boggan | Print