- Garowe: Baarlamaanka DGPL oo kulmaya maalita Sabtida ah isaga
oo Cadde Muuse ka maqan yahay Caasimada Garoowe.
- Garoowe: "Waan u ooyi doonaa ama waan Gubi doona Cali Cabdi
Awaare" Sidaas waxaa yiri Suldaan Siciid...
Garowe: Baarlamaanka DGPL oo kulmaya maalita Sabtida ah isaga oo Cadde Muuse
ka maqan yahay Caasimada Garoowe.
- Wararka Xafiiska: Guddoomiyaha Xisbiga Ramaas - Garoowe | Dec 21, 2007
Garowe: Baarlamaanka DGPL oo kulmaya maalita Sabtida ah isaga oo Cadde
Muse ka maqan yahay Caasimada. Baarlamaanka DGPL ayaa yeelanaya Maalinta
Sabtida ah ee Jimcada oo kaliaya ay ka harsan tahay kalfadhi aan caadi ahayn
oo ay kaga arinsanayaan xaalada Maagaalada Laascaanood iyo guud ahaan
xaalada uu maanta ku sugan yahay Dalka.
Kalfadhigan aan caadiga ahayn ee Baarlamaanku uu yeelanayo ayaa ku soo
beegmaya xili lakal diray kalfadhigii caadiga ahaa ee u socday Golaha
wakiilada DGPL kaasi oo si cad oo aan gabasho lahayn uu u kala diray
Madaxwaynaha DGPL iyo kuxigeenkiisa Afqurac kuwaasi oo ka biyo diiday
Su'aalo Badan oo uga yimid Baarlamaanka kuwaasi oo u badnaa xaalada Gobalka
Sool iyo sidii laga yeeli lahaa Maamulka Soo duulay ee Gacanta ku haya
Magaalada Laascaanood.
Sidoo kale Su'aalihii la waydiiayay ayaa waxaa ka mid ahaa maadaama ay
dhamaatay 30 kii bari ee Baarlamaanku u qabtay Xukuumada Cade Muuse in ay ku
soo celiso Magaalada Laascaanood tilaabada Xigta ee cade iyo Xukuumadiisu ay
damacsan yihiin Su'aalahaas iyo kuwo kale oo aysan wali Xukuumada Cadde
Muuse si cad u shaacin waxa ay ka yeeli doonto haysashada magaalada
Laascaanood ay wali haystaan Maamulka La baxay Somaliland ayaaa ka mid ahaa
Su'aalihii uu ka xanaaqay Madaxwayne cade Muuse kuna kaliftay in uu xiro
kalfadhigii u socday Golaha wakiilada DGPL Kuwaasi oo iyana sheegay in uusan
Madaxwaynuhu xiri karin kalfadhiga caadiga ah ee u socda Baarlamaanka in
lagu casuumo xiritaankiisa maahane dastuurkuna uusan u ogolayn in uu xiro
Madaxwaynuhu. Dad badan oo reer Puntland ah ayaa qaba in horayba sharciga
loogu tuntay cid ka hadashayna aysan jirin maantana hadii lagu sii tuntaa
aysan waxba ka duwanayn kuwii hore ee loogu tuman jiray hadii Golaha
wakiilada lakala diraana aysan waxba soo kordhinayn oo ay awalba madaxa uun
u ruxi jireen waxa cadde Muuse Jecel yahay oo ay u ansixin jireen dalkana ay
ilaaween waajibaadka ka saarnaa iyo xilkii loo dhiibtay oo ay u dhaarteen.
Qaar kale oo mushtamaca Puntland ka mid ah ayaa iyana qaba in xiligoodii uu
dhamaaday Golaha wakiilada loona baahan yahay in la soo xusho xildhibaano
kale oo leh aqoon iyo karti balse aan loo keenin meesha in ay caruurta ku
korsadaan oo qura ee loo keeno in ay yihiin kuwii dalka badbaadin lahaa
dhibkana ka saari lahaa xisaabtan iyo daacadnimo laimaan lahaa iskuna ay
arkaan in ay yihiin kuwo loo baahan yahay ee aan laga maarmin la'aantood.
Si kastaba kalfadhigan sabtida ay ku dhawaaqeen xubnaha wakiiladu ayaanka
dhulsugi doonaa waxa ka soo bixi kara ama ka hirgali kara. Garoowe: "Waan
u ooyi doonaa ama waan Gubi doona Cali Cabdi Awaare" Sidaas waxaa yiri
Suldaan Siciid...
Xafladii xilka uu ku wareejinayay wasiirkii hore ee Dawladaha Hoose iyo
horumarinta Gobalada Cali Cabdi Awaare ayaa hadal dareen leh oo soo jiidasho
leh waxaa halkaasi ka jeediyay Suldaan Siciid kaasi oo watay Maah
maahyadiisa iyo murtidiisa dareensiisayna shacabkii halkaasi isugu yimid
hadal qiiro leh.
Suldaanku waxa uu goobtii xilka looga wareejinayay Cali Cabdi awaare ka
soo jeediyay hadal qosol galiyay dadkii oo dhan kaasi oo suldaanku uu ugu
maah maahay Cali cabid awaare waxana uu yiri: Oday indha la' ayaa waxa uu
qabay haweenay taasi oo hilibka u calalin jirtay odaygeeda dhecaankana ka
liqi jirtay markaas ka bacdi siin jirtay odaygeeda hilibkii oo aan lahayn
wax dux iyo dheecaan toona, iyada oo sidaas lagu jiro ayay maalintii danbe
geeriyootay haweenaydii uu qabay odayga indha ha la', waa uu u ooyay oo yiri
iga daba geeya mar haday dhimatay ana ka danbaymaayee meesha lagu aasay igu
aasa, markaas baa la yiri iska aamus wixii alle kuu qoray waad heline
gabarna waa laguu donine, mudo kadib ayaa Odaygii indha la'aa loo doonay
gabar kale oo loo dhisay tani waxay iyadu samaysay hilibkii ay tii hore
calalin jirtay dheecaankana ay ka liqi jirtay ayay tan danbe u tuntay
odaygii oo isaga oo sidiisa ah ayay siin say, markaas buu yiri ar qori daba
ii keena, maxaad ku falin baa la yiri, markaas buu ku jawaabay hoogtadii
baan soo gubin. Marka Suldaanku hadalkiisa waxa uu ku soo koobay ama waan
u ooyi Doonaa Cali Cabdi Awaare ama waan Soo Gubi doonaa oo kan danbe ayaa
xumaan doona oo isaga ayaa ka fiicnaan doona ama ka wacnaan doona .
Suldaanku waxa uu goobta ka sheegay oo kale in ay taariikhdu is gurayso wax
walba oo nin masuul ahna sheegana ay tahay wax qoran oo aan la iloobayn oo
sidii uu uyiri masuulkaasi loo qoray, taas oo aan lagaran waxa uu suldaanku
ula jeeday, isaga oo sudlaanku yiri wax walba oo masuul ku hadlo waa in la
qoraa oo taariikhda lagu darsadaa. Wararka Xafiiska: Guddoomiyaha Xisbiga
Ramaas - Garoowe
Email: daahirciiro@hotmail.com
Faafin: SomaliTalk.com | Dec 21, 2007
| 
Daabaco
Boggan | Print
