SOMALITALK.COM dahabshiil
w w w . S o m a l i T a l k . c o m
SOMALITALK - USA

Socdaalka Waxbarashada ee Wardheere

Cali M. Cartan
aliartan@yahoo.com
San Diego, California
December 10, 2007 
 


Xubno ka mid ururka ardayda Soomaaliyeed iyo Mudane Wardere

Isniin, December 10 (SDSU). Waxaa Mahamoud N. Wardere, oo ah waxgarad soomaaliyeed oo ku nool Minneapolis,  una shaqeeya dawlad goboleedka Minnesota, isla markaana ah askumihii, xaflada sanadlaha ah ee loogu magac daray Habeenkii Waxbarashada ee Soomaaliyeed (Somali Education Night), muddo haatan laga joogo todobo sano, ayaa kulan is xog waraysi ah, la yeeshay qaar ka mid ah, ardada Soomaaliyeed ee ku dhaqan San Diego, gaar ahaan kuwa dhigta San Diego State University(SDSU). 

Kulankaasi wuxuu ka dhacay Jaamacadda SDSU, gaar ahaan guriga Adeegga Ardayda (Student Services), qolka SS2650. Wuxuuna shirku toos ah u furmay markay saacadu ahayd 1:15 pm PST.  

Waxaa shirkii furay Cali Cartan oo magaca ardayda SDSU ku hadlayey dabadeedna isbarasho ka dib waxaa gudoomiyaha Ururka Ardayda Soomaaliyeed Somali Student Union(SSU) of San Diego, Marwo Halima  ku soo dhowaysay cod baahiyaha Mudane Wardere.

Kulankaasi wuxuu ka dhacay Jaamacadda SDSU, gaar ahaan guriga Adeegga Ardayda (Student Services), qolka SS2650. Wuxuuna shirku toos ah furmay markay saacadu ahayd 1:15 pm PST, waxaa shirkii furay Cali Cartan oo magaca ardayda SDSU ku hadlayey dabadeedna isbarasho ka dib waxaa gudoomiyaha Somali Student Union, Halima  ku soo dhowaysay cod baahiyaha Mudane Wardere. 

Intaa ka dib Wardere wuxuu guda galay warbixin guud oo ku saabsanayd socdaalkiisa waxbarasho, intaa wuxuu ku sii daray marxalada waxbarasho ee gobolka Minnesota, wuxuuna ku dheeraaday qiimaha waxbarashu leedahay. Wuxuu Wardere kale oo ku adkeeyey ardaydii goob jooga ahayd, sida ay lagama maarmaanka u tahay in waalidiinta iyo ubadkooda wada sheekaysi joogto ahi ka dhexeeyo, maxaa yeelay xidhiidhka waalidka iyo caruurta oo la waayaa wuxuu jaah wareer weyn u keeni karaa himilooyinka waxbarasho ee ubadka. Taasina waxay bulsho weynta soomaaliyeed ee qurbo joogta ah dhaxalsiin kartaa inay dib uga dhacaan bulshooyinka qayrkood ah ee wadankan ku nool 


Maxamuud Nuur Wardheere

Wardere wuxuu kaloo ka hadlay sidii laysugu xidhi lahaa urur ardayadeedyada maraykanka oo dhan loona xoojin lahaa iskaashiga ka dhexeeya, maxaa yeelay haddii ardayda reer Boston dhibaato la kulmaan, oo dabadeedna xaliyaan arrintaa,  ayna la wadaagaan ardayda kale ee soomaaliyeed ee daafaha Maraykanka kala joogta, haddii dhibaatadii mid la mid ahi San Diego ka dhacdo, markaas xal raadinteedu way dhib yaraanaysaa maxaa yeelay ileyn mar hore baa reer Boston xaliyeene. 

Wuxuu kaloo xusay Mudane Wardere tirada wiilasha iyo gabdhaha waxbarta inaanay isu dheeli tirayn oo mar kasta gabdhuhu badan yihiin, duruufaha keenayana waa in cilmi baadhis lagu sameeyaa, walow masuuliyad dheeraadi wiilasha saaran tahay buu Wardere hadalkiisaas sii raaciyey. 

Dabayaaqadii hadalkiisa wuxuu Mudane Wardere ka mahad celiyey sidii habsamida lahayd ee ardaydu Ugu soo dhoweeyeen kambaskooda, iyo sidii diiranayd ee ay  isu dhaafsanayeen su’aalaha iyo jawaabaha, wuxuuna maanta halku dhegu ahaa, “Wax is weydiini ma xumee, wax is weydaaris baa daran” 

Gunaanadkii shirka waxaa soo afjaray gudoomiyaha Ururka Ardada Soomaaliyeed ee SDSU, Halima, waxayna aad iyo aad uga mahad celisay sidii uu is xilqaanka u muujiyey Wardere iyo weliba in bulshadeenu maanta u baahan tahay, dad badan oo isagoo kale ah. Waxayna ku baaqday inay ardayda San Diego xidhiidh joogta la yeelan doonaan ardayda dhigooda ah ee ku dhaqan gobolada kale wadanka. 

Cali M. Cartan
San Diego, CA

Socdaalka waxbarashada ee Western United States of America ee Maxamuud Nuur Wardheere

Waxbarashadu waa ku waajib qofkasta oo muslim ah
Educating our Somali youth should be our priority in America.

San Diego: December 10, 2007 at 01:00pm Sandiego State University
Contact: Halima Abdirahman – President of Somali Student Union California
619 808 4653

Phoenix AR: December 12, 2007
Contact: Aden Ali 602 475 1959

Tucson AR December 13, 2007
Contact: Abdulqadir Ali 612 735 9826

Faafin: SomaliTalk.com | Dec 12, 2007

 

Kulaabo bogga  www.SomaliTalk.com 
© www.SomaliTalk.com