Doorashadii gudoomiyaha degmada Boosaaso oo aan qabsoomin Ka
dib markii Wasiirka dowladaha Hoose gaashaanka Ku !!!.
Dec 1, 2007
Doorashada gudoomiyaha degmada Boosaaso oo maanta lafilayay in
ku qabsoomto Magaalada Boosaaso ,ayaa dhicin in ay doorashaadi qabsoomto.
Xarunta dowladah Hoose oo maanta ay soo buux dhaafiyeen Kumanaan dad ah ,ayaa
halkaasi waxaa ka hadlay ugu horeyn Wasiirka dowladaha Hoose iyo Horumarinta
gobalada Puntland Cali Cabdi Awaare.
Wasiirka oo ka soo sheekeeyey waxyaabihii kala duwanaa ee soo marey Golaha
deegaanka ee Boosaaso ,ayaa ugu danbeyntii waxaa halkaasi laga yeeriyey
Magacyada Xildhibaanada golaha deegaanka Boosaaso.
Cali Cabdi Awaare ayaa gaashaanka ku dhuftey in ay fadhigii maanta soo
fariistaan qaar ka mid ah Xildhibaanada golaha deegaanka ,wuxuuna sheegay in
looga baahan yahay Beelaha ay ka soo jeedaan Xildhibaanadaasi in ay dib usoo
xushaan xubno kale oo aan aheyn kuwa hada ku jira golaha deegaanka.
Xubnahan Wasiirku diiday in ay maanta fariistaan Doorashada ayaa ka mid ahaa
,Xildhibaano horey loo dhaariyey ayadoo lasheegayay in ay Xubnaha doonayeen in
uu xilka ku soo baxo C/risaaq Xareed Ismaaciil ,oo horey u ahaa wasiirku
xigeenka Maaliyada Puntland ,kana mid ah Musharaxiinta waqtigan ugu cad cad
doorashada.
Wasiirka dowladaha Hoose iyo Horumarinta gobalada Ayaa sheegay in ay doorashadu
dhaceyso markii ay beeluhu soo bandhigaan ,magacyada iyo xubnaha uga qeybgalaya
golaha deegaanka Boosaaso loona dhaariyo Xubinimadooda.
Cali Cabdi Awaare Ma uusan sheegin sababta Xubnahan oo horey loo dhaariyey
waqtigan loo diiday in ay galaan Doorashada golaha deegaanka ,isagoo markaasi ka
dibna xirey Fadhigii Doorashada halkaasina lugu kalatagey.
Diimada ka timid dowlad gobaleedka Puntland ee ku aadan Xubinada
Xildhibaanadaasi ayaa caro ku beertay qaar ka mid ah Beelaha ay ka soo jeedaan
Xildhibaanada loo diiday in ay ka mid noqdaan golaha deegaanka Boosaaso.
Baarlamaanka Puntland oo ka doodaya Miisaaniyada dowlada Puntland.
Baarlamaanka Puntland ayaa ka doodaya Maanta oo ah sabti Miisaaniyada
dowlada Puntland ,ayadoo dhowr jee lugu celiyey golaha Xukuumada
Puntland.
Baarlamaanka ayaa xalay loo gudbiyey Miisaaniyada ayadoo ay shaleyna soo
baargareeyeen Golaha Xukuumada ,uuna soo gudbiyey Madaxweynaha Puntland
Cadde Muuse Xirsi.
Xubnaha baarlamaanka ayaa siyaabo kala duwan u arko Miisaaniyadaan
ayagoo ku tilmaamaya in ay tahay mid aan lugu dhaqmin ,ayagoo dooda
Miisaaniyadu soo socotey Fadhiyadii ugu danbeeyey ee Baarlamaanka
dowlada Puntland.
Xildhibaanada baarlamaanka ayaa kalfadhigii 18-ilaa 19aad ee ay hada ku
jiraan waqtiyo badan ku celinayay dadka ay khuseyso ,ayagoo ku
tilmaamayay mid aan sax aheyn ,luguna soo cadeeyo Miisaaniyada
dhaqaalaha faraha badan ee aan ka muuqan.
Gudiga dhaqaalaha ee Baarlamaanka Puntland ayaa soo qorey dhawaan shax
ka hadleysa xaalada Miisaaniyada ,ayagoo daaha ka qaaday dhaqaalaha fara
badan ee ku baxay qaar ka mid ah goobaha dowlada Puntland laga maamulo.
Wasaarada ku shaqada leh Xisaabaadka Puntland & Madaxtooyada Puntland
ayaa gudigu ku eedeeyeen in ay lacag fara badan oo dheeri ah
isticmaaleen ,ayna ka muuqato qoraalka loo soo gudbiyey ,balse aan micna
la raacin ay ku dhacday.
Baarlamaanka Puntland ayaa lafilayaa in ay caadi ahaan ka doodaan ,ka
dibna ay gudiga Dhaqaalaha usaaraan oo ay gudigaasi ka soo baaraan
dagaan ,hadii ay markale diidaan baarlamaanku waxa ay nijad jab xoog leh
ku tahay Xukuumada Puntland.
bashiir cumar cali/puntland
bashii137@hotmail.com
bashiir137@gmail.com
Daabaco
Boggan | Print