Boosaaso: kulan ay Soo Qaban Qaabiyeen Gabdhaha Beesha Ismaaciil
Cali.
Xaflad aad u ballaran oo ka dhacdey hoolka kaarama ee magaalada bosaso
ayaa waxaa ka soo qeyb galey masuuliyiin kala duwan oo isugu jira ku ka
tirsan maamulka puntland salaadiinta beesha ismaaciil cali ayaa waxaa
kamid ahaa wasiir ku xigeenka dekedaha C/weli C/raxman Geyre Taliye ku
xigeenka Booliska gobolka Bari Siyaad maxamed Bilcin iyo xiriiriyaha
beesha ee dalka iyo dibadaba Cabdi Budul Guuleed.
Xafladan oo ay soo qaban qaabiyeen gabdhah beesha ismaaciil cali ayaa
waxaa looga hadlayey baahida wax qabad ee beeshu ay u baahan tahay oo ay
kamid yihiin, sidii loo hormarin lahaa loona wacyigalin lahaa hooyada oo
ah saldhiga hormarka qoyska, iyo sidii wax looga qaban lahaa arimaha
bulshada, iyo waliba arimaha reermiyiga, waxsoo saarka kheyraadka badda,
iyo sidii loo xiriir lahaa..
Xiriiriyaha xafladan oo ahaa Cabdi Budul Guuleed oo islamarkaana isku
soo dubaridey ayaa waxaa uu sheegey iney socotey qaban qaabada xafladani
in muddo ah oo uu sheegey inuu isagu ku hawlanaa mudadan oo dhan uuna u
taagana yahay sidii uu marwalba uga shaqeyn lahaa isku xirka beesha dal
iyo dibadba..
Wasirku xigeen Dekedaha Cabdi wali C/raxmaan Geyre ayaa waxaa uu sheegey
inuu aad ugu faraxsan yahay ka soo qeybgal xafladan uuna sheegey in loo
baahan yahay in laga hadlo masiirka beesha marwalba oo loo istaago sidii
looga shaqeyn lahaa hormarkeeda, waxaa uu sheegey in hadii dal iyo
dibadba la isku xirmo in la gaari doono hormar aad u balaaran.
Maxamed yuusuf oo isagu ah aqoonyahan ka tirsan beesha ayaa waxaa uu
sheegey in ay tahay waajib in laga hadlo masiirka beesha, loona baahan
yahay in xooga la saaro waxbarashada da'yarta u soo koreysa beesha.
si kastaba ha ahaatee beesha ismaaciil cali oo maalin dhaweyd ddoratey
boqor ayaa maalmihii u danbeys wadey dadaal ay beeshu ugu xusulduubeyso
sidii ay u meel marin lahaayen boqorkii ay doorteen oo beeshu ka
shaqeynayso isku xirka dalka iyo dibadaba oo ay marwalba kala
warqaadanayaan, arintan ayaa waxey u horseedeysaa iney beeshu
midnimadeeda iyo iska war haynteedu ay aad u sii fido.
Daabaco
Boggan | Print
