WARARKII: AUG 30,2007
Kulamo ka dhacay Dubai
Magaalada Dubai ee waddanka Isutagga Imaaraadka Carabta ayaa shalay oo ay
taariikhdu aheyd 29ka August 2007 ayaa waxaa halkaas ku kulmay Somalida
Dibedda ee u socotay Asmara, Sharif Hassan Sh. Aden, Zakariye iyo Hussein
Eideed. Shaqsiyaadka Somalida dibedda ayaa iyagu fursad u helay oo ay kula
kulmeen shaqsiyaadka baarlamaanka xorta ah iyagoo ka wada hadlay kulanka
la filayo inuu ka bilowdo Asmara 1da September.
Waxaa isna halkaa joogay Mudane Abdirahman Omar Osman (Eng. Yarisow) oo
isagu safar gaaban ku joogay UAE. Mudane Eng. Yarisow ayaa halkaas kulammo
la yeeshay Mudane Hussein Eideed, Mudane Zakariye Haaji, Mudane Sharif
Hassan iyo shaqsiyaad kale oo iyagu u socday magaalada Asmara.
Shaqsiyaadkan ayaa ka wada hadlay waxa la filayo inay ka soo baxaan
kulanka Asmara, waxaana la isla gartay in la tixgaliyo marxalladda
siyaasaddeed ee waddanka lana dhiso urur xoogan oo ay ku mideysan yihiin
dhammaan qeybaha bulshada soomaaliyeed, kaasoo u istaago sidii waddanka
looga saari lahaa ciidamada Ethiopia. Mas'uuliyiintan ayaa iyagu xusay in
maanta ay tahay maalintii ay ummadda soomaaliyeed ku midoobi lahaayeen oo
ay mudnaanta koowaad siin lahaayeen in waddanka xal siyaasaddeed oo waara
loo heli lahaa.
Waxaa la filayaa in dhammaan ka qeybgalayaasha kulanka Asmara ay isagu
tagaan magaalada Asmara ka hor 1da bisha September oo la filayo in kulnka
uu si rasmi ah u bilowdo.
SC (somali concern)
Banaanbaxyo Dhinaca Maceeshada ah Oo Ka Dhacay Meelo Kamida Gobolka
Sh.hoose.
Banaanbaxyo lagu diidan yahay diidmada ay ganacsatadu ku diideen lacagta
sh,somaliga ah ee duuga ah ayaa maanta ka dhacay meelo kamida gobolka sh.hoose .
Banaanbaxaasi oo lagaga soo hor jeeday ganacsatada gobolka shabeelada hoose
ay ku diideen lacagta jilicsan ee duuga ah iyadoo ay banaan baxaasi ka qayb
qateen boqolaal dad ah oo isugu jira haween iyo caruur kuwaasi oo socod dheer ku
soo maray wadooyinka magaaladaasi.
Sidoo kale banaanbaxayaasha oo badankoodu ahaa dadka danyarta ah ayaa waxa ay
ku dhawaaqayeen ereyo ka dhan ah ganacsatada diidan isticmaalka lacagaha duugga
ah iyo kuwa jeex-jeexan ee Sh.som ah .
Banaanbaxyadan oo badankoodu ka dhacay degmada kuntur-warey ee gobolka
shabeelada hoose ayaa ka turjumayey isticmaalka lacagaha jilicsan wee soomaaliga
ah oo dhowanahaba ay ganacsatada gobolkaasi kasoo hor jeesteen islamrkaana isla
gobolkaasi ay ka jireen sicir barar baahsan taasoo kor uu qaday sicirka cuntada
iyo quutul daruuriga .
Qarax Bambaano Oo Dhaawacyo Gaystay Oo Arbacadii Markale Ka Dhacay
Isgoyska KPP Ee Magaalada Muqdisho.
Qaraxyada gaysanaya dhaawacyada iyo dhimashada ayaa weli ka soconaya
caasimada muqdisho iyadoo maanta Qarax kale oo bambaano ka dhacay isgoyska kaasa
bobolaare ee degmada hodan ee magalada muqdisho qaraxaas oo lala beegsaday qaar
ka tirsan ciidamada booliska dowlada KMG ah,
Qaraxan bambaano ayaa gaystay dhaawaca labo qof oo rayid ah oo mid kamida ay
tahay haweenay lahayd goob shaaha lagu kariyo iyo hal nin oo xiligaa ku sugnaa
goobtaas lagu qaxweeyo oo ku taala isgoyska kaasa bobolaare ee magaalada
muqdisho iyadoo sidoo kalena la sheegay inuu ku dhawacmay hal askari oo kamida
ciidanka booliska sida uu saxafada u sheegay mid kamida dadka ka ag dhowaa
goobtaas qaraxa bambaano lagu tuuray.
Sidoo kale iyadoo badanaaba qaraxyada ka dhacaya caasimada muqdisho ay
gaystaan khasaare nafeed oo soo gaara dadka shacabka ah iyo cida lala
beegsadayba ayaan hadana si dhaba loo ogaan tirada rasmiga ah ee kasoo gaara
khasaaraha iyadoo loo aanaynayo goobaha qaraxyada ka dhacaan oo lagu kala cararo
oo qof kastaaba naftiisa kala baxsado goobtaas iyadoo ay ciidamada booliska
dowladuna ay marka ay goobta soo gaaraan ku qab-qabtaan dadka shacabka ah ee ay
ugu yimadaan goobahaasi.
Si kastaba ha ahaatee qaraxyada iyo weerarada bambaano ee badanaaba lala
beegsado ciidamada dowlada KMG ah iyo weliba masuuliyiintoodaba ayaa noqday mid
ka dhaca caasimada maalin kasta .
yaasiin maxamed cali (faytin)
yaasiinfaytin@hotmail.com
Faafin: SomaliTalk.com | Aug
30, 2007
| 
Daabaco
Boggan | Print