Kulan looga hadlayo Tacadiga Dumarka Soomaaliyeed loo geysto oo qardho ka dhacay

Kulankaan oo ahaa mid si heer sare ah loo soo agaasimayey isla markaana aay fulintiisa iska lahaayeen Ururka Garwado ayaa waxaa gacan ka geystay Hay'ada Action Aid.

Waxaana ka soo qeyb galay Madax ka tirsan Maamulka Gobolka Kan degmada , Dallada Dhallinyaradda, Haween,Culumowdiin,Odayaal iyo weliba Marti sharaf ka socta Hay'ada Action Aid.

Axmed Aadan Gaas xiriiriyaha Kulanaan ayaa hadal dheer uu ugu horeyn halkaas ka jeediyey ayaa waxa uu kaga hadlayey Marxaladaha uu NGOga Garwado soo maray tan iyo intii la aasaasay sanadii 1993-2007 isaga oo xusay in Kulanaan uu wax weyn ka tari doono bulshada reer karkaar guud ahaan reer Qardho, Isla markaan Dr. Axmed waxa uu ka hadlay Ujeedada Kulanka isaga oo xusay in Kulaankii uu yahay Kulan looga Hadlayo Tacadiga Dumarka loo geyso.

Ka dib waxaa hadalkii lagu soo dhaweyey Gudoomiyaha Garwado Safiyo Axmed Kheyr oo ku dheeraatay waxqabadka ururkooda safiyo ayaa waxa aay xustay in aay wax ka qabteen arimaha Amniga,waxbarshada,Ka hortaga cudurada Faafa iyo weliba wax yaabo fara badan ka dib Gud.Safiyo Axmed Kheyr ayaa waxa aay sidoo kale ka hadshay Tacadiga Dumarka loo geysto iyada oo xusatay in Dumarka Soomaaliyeed aay la kulmaan Tacadi fara badan isla markaana isugu jira Jirdil,Kufi,Dhac iyo weliba Gudniinka Fircooniga ah

Gudoomiye K/Xigeenka Maamulka Degmada Qardho Burhaan C/raxmaan X. Aadan oo isna halkaas hadal ka jeediyey ayaa waxa uu xusay in Marka hore raga iyo dumarka aay dhinaca uga soo wada jeestaan Tacadi walba oo dumarka loo geyso isaga oo dhanka kale xusay in Maantay aay sharaf weyn noo tahay in Maamul ahaan ayaa ka soo qeyb galaan kulankaas isaga oo dhanka kale ka sheekey wax aay diinta islamka ka qabto Xuquuqda Dumarka isla markaan sheegay in Illaah uu quraankiisa kariimka ah ku cadeyey.

Waxaa sidoo kale halkaas hadlo ka jeediyey Masuulyiin ka tirsan Maamulka D.G.P.Land isu duwhaha wasaaradda Dowladaha hoose iyo Horumarinta Gobolada Max'ed Muuse Ismaaciil iyo weliba odayaal,Haween kuwaas oo dhammaantood isku raacay in Dumarka laga daayo Dacadiga aay sheeganayaan isla markaana isku raacay in arintaas si wada jir ah wax looga qabto. . Dhanka kale waxaa halkaas lagu soo bandhigay riwaayda ka hadleysa Tacadiga dumarka loo geyso taas oo ka soo qeyb galyaashii aad ugu faraxsiisay

Mrs.Aamiino oo iyadu wakiil ka aheyd Hay'ada Action Aid ayaa waxa aay ka sheekeysay Dhibaatooyinka aay dumarka la kulman iyada oo ka sheegesay Dhacdooyin Tacadi isugu jira kufi,Dil iyo weliba bara kicin kuwaas oo ka dhacay Degaanada Soomaalida.

Faarax Jamac Boss (Gardheere) Gudoomiye ku xigeenka G/Karkaar oo kulankii Maantay soo xiray ayaa waa uu ugu horeyn Mahad balaaran u jeediyey NGO garwado oo howshaan waday isaga oo dhanka kale sheegay in Maamul ahaa aay wada shaqeyn xoog leh la yeelanyaan Cid walba oo horumarka bulshada wax ka qabaneysa isaga oo dhanka kale mar uu ka hadlayey Tacadiga dumarka loo geysto sheegay in Illaah Quraanka kariimka ah ku cadeyey Suurado badan Xaqa aay dumarka leeyihiin isla markaan loo baahan yahay in Dumarku aaysan ka badbadin waxaa naga maqan xuquuq iyo weliba tacadi ayaa na loo geystaa.

Kulankii ayaa waxa uu ku soo dhamaanay Jawi aad u Degan iyada oo ka soo qeyb galyaashii Dhammaantood isku raaceen in arimaahaan wax laga qabto.

C/weli Xasan Cabdi (gooni)

Qardho,Karkaar Region

gooni2@hotmail.com