Soomaalida oo ay beryahan dambe kusoo badaneyso dadka sheeganaya mansabyo aysan lahayn

Qalinkii: C/lahi Axmed Barkhadle(C/lahi Bookh)

Atlanta Georgia ,U.S.A

Marka Dowlad la waayo waxaa meesha ka baxaya Nadaamkii iyo Kala dambeyntii , taas oo keeneysa in shakhsi kasta sameeyo wax allaalee iyo wixii maskaxdiisa kusoo dhaca ama uu sawirto , soomaaliya waa Dalka kaliya ee aduunka oo idilba muddo ku dhow 20 sano Dowlad la’aani ka jirtey , taas oo keentay in Umaddii Soomaaliyeed ay is bar bar yaacdo oo qof kasta sheegto ama sameeyo wuxuu maskaxdiisa iska tuso ama la wacnadaa ha xumaadeen ama ha fiicnaadeene ,ileen ma jirto Dowlad kala hageysa oo qof walba u tilmaameysa Dowga uu leeyahay , isla markaasna ku abaalmarineysa qofkasta xumaan iyo wanaag waxa uu kasbado , Hadaba Mudooyinkii u dambeeyey waxaad ku arkeysaa Idaacadaha websites iyo Dhamaan aaladaha wararka laysugu tabiyo , Dad iska sheeganayo mansabyo ama taytalo cid u dhiibtay iyo cid u magacaabatey aysan jirin (self Declared) Sida Madaxweyne , Aqoonyahan ,Afhayeenka beesha reer Hebel ,Gudoomiyaha Jaaliyada reer Hebel iyo kuwo kale oo badna ,arintan oo sanadihii ugu dambeeyey aad usii badatay ayaa waxay khatar ku tahay in soomaalid is afgarato ama heshiiso ,sababtoo ah kii aqoonyahanka ahaa hadii mid jaahil ah oo aan waxba baran uu la doodo uu kula doodo cilmigii uu bartey oo weliba dhaho waxba ka taqaanid akhristow Sidey isu afgaran karaan ama u Heshiin karaan Labadaas Shakhsi ? ..

Hadii kii caalimka ahaa ee diinta ilaahay yaqaanay mid caamo ah oo aan diinta waxba ka aqooni kula doodo arimihii Diinta sidey isu fahmayaan ama wax isula meel dhigayaan labadaas shakhsi,? Hadii kii Umaddu Kalsoonida u dhiibatey ee Dooratay ee umaddu Tidhi na hagoomi mid aan cidiba u dooran oo isugu is magacaabay kala doodo Umadda aayaheedii ama uu dhaho aniga ayey taladu iga go’adaa maxaay ka dhalan kara ? isku soo wada duuduuboo Hadii aan qof walba Aqoontiisa ,caqligiisa ,iyo mansabkiis lagu ixtiraamin ka dhalanaya khilaaf iyo is afgaran waa joogto ,waxaana kula talinayaa dadka sheeganaya Mansabyada aysan saaxiibka u ahayn inay joojiyaan ,waxaana u sheegayaan ineysan sharaf ku leheyn waxa aysan ahayn sheegashadooda ,sababtoo ah adiga oo aan Doctor ahayn hadii aad Doctor sheegto oo aad dhahdo Dadka ayaan daweynayaa Muddo intee le’eg ayey kusoo socon kartaa Jawabta waa waxba Soomaalidu waxay ku maahmaahdaa (beeni raad maleh) Macnaha beentu malaha lugo ay ku istaagto, oo mar walba waa tii fashilanta , waxaan usoo jeedinayaa dadka ku shaqeysta howshaas iyada ah inay ka waantooba oo ilaahay ka baqaan isla markaasna ka xishoodaan binu aadamka ,waayo wax aadan ahayn oo aad sheegto waa been , Beenta diinta islaamka ee sharafta badani , qofka beent sheega meel adag ayey gaadhsiisey , waxaan kuu cadeynaya qur’aanka in badan ayey ku timi, iyadoo Eebe weyne nacaladayo kuwa beenta sheega , waxay ka kaloo beentu ka mid tahay sifooyinka lagu garto dadka munaafaqiinta ah , Markaa is xisaabi inta aan lagu xisaabin

Qalinkii: C/lahi Axmed Barkhadle(C/lahi Bookh)

Atlanta Georgia ,U.S.A

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | Aug 23, 2007

BAARID | SEARCH