Xawaaladii DALSAN ma daad baaqaaday mise dad?????
Ahmed-haadi Muhumad
Odense Danmark
haadi30@hotmail.com
Sidaan wada
ognahay shirkaddii xawaaladda ee la oran jiray Dalsan
barisamaadkii, waxaa halmar si kadis ah albaabada loogu
laabay sanadkii hore qiyaastii bishii sanaad iyadoo markaa ay
ahayd shirkad ay wax ku lahaayeen soomaali badan oo dacalada
aduunka kala jooga oo isugu jira dad xoogsato danyar ah,
waayeel, agoon, oo ka tirsan bulshada qeybaheeda kala duwan.
Arintaa yaabka leh ee ku timid Dalsan markey dhacday dadkii
hantiilayaasha ahaa waxaa ku dhacay jiho wareer iyo war la,aan
halka xoolahoodii ku dambeeyeen, waayo waxay waayeen cid u
sheegta sida ay wax u dhaceen iyo cidda lunsatahay hantidoodii
intaba, taana waxay keentay in dadku is weydiiyo su,aalo fara
badan oo ay jawaab u waayeen.
Arintu si kastaba ha ahaatee dadkii hantidoodii lagu dhacay
Dalsan waxay isku waafaqsan yihiin, In aan maalkoodii daad iyo
dab midna haleelin ee dadkii hantidooda gacanta ku hayay ay
lunsadeen qaabkey rabaanba haku xadaane, xoolahoodiina maanta
lagu shaqeysto kaliya magacii Dalsan la badalay.
Ugu dambeytii waxaan u soo jeedinayaa dadkii mas,uuliyiinta ka
ahaa shirkadaas iney ka soo baxaan mas,uuliyadoodii, Allana ka
baqaan, dadka dhibanayaasha ahna ay u cadeeyaan halka maalkoodii
uu maray iyo cida lunsatay intaba.
Ahmed-haadi Muhumad
Odense Danmark
haadi30@hotmail.com
Afeef: Aragtida qoraalkan waxaa
leh qoraaga ku saxiixan
Daabaco
Boggan | Print
