Horta ina Caaji isagu ma
gaalbaa?
Axmed C/samad
alwaqaar@hotmail.com
Beryahaan dambe waxaa soo if baxay niman gaalada u dhuun
daloola oo xog iyo xurquunba ay wadaagan. Waxaa jira luqado
iyo ishaarooyin hoose oo ay kula hadlaan. Waxay inoo
sheegaan waxa gaaladu jeceshahay, waxa ka caraysiiya iyo
waxyaabaha raalli galiya intaba. Waxay kale oo inoo soo
bandhigaan xiriirka ina kala dhexeeya gaalada, khayrka ay
ina la doonayaan, waxayaabaha dhibta ah ee ay ina
gaarsiinayaan haddii aynu qaadan weyno wanaagga ay ina la
rabaan, siyaabaha looga hortagi karo dhibtaas iyo siyaabaha
loo kasban karo kalsoonidooda. Waxay mar walba farta inoo ku
fiiqaan dadka iyo waxyaabaha inoo soo jiidaya colaadda
gaalada iyo sida loogu baahan yahay in la iska qabto,
loogana hortago dadka iyo walxaha adduunyadu ina ku nacayso.
Hadda ma bilaaban dad muslinka ku abtirsada oo gaalada u
danqada oo xiriir la leh. Xilligii Rasuulka (NNKH) waxaa
joogay dad la tukada muslimiinta, la sooma, sakada iyo
sadaqada bixiya, kala qaybgala jihaadka, waxayse xiriir
hoose la lahaayeen gaalada, Waxay kula sheekaysan jireen
xogta hoose ee muslimiinta iyo waxa Nabigu (NNKH) damacsan
yahay, meelaha ay muslimiintu ka jilicsan yihiin, sida loo
kala jabin karo, dadka gaalada u janjeera iyo kuwa la kasbi
karo. Nimankaas waxaa loola dhaqmi jiray sida muslimiinta
waxaase laga ilaashan jiray sirta hoose, waxaa loo soo
jeedin jiray wacdi iyo naseexo. Xilligaan waxa dheeraadka
ina ku ahi waa in dadkaasi ay daalacdaan xogteena hoose,
aynu rumaysano wararka ay gaalada inoo ka soo gudbinayaan,
ay ku hadlaan codkeenna oo qaddiyadeenna ay u fasiraan si
raalli galinaysa gaalada, isla markaana ay ina matalaan oo
inoo ka qayb galaan shirar xasaasi ah oo taabanaya danaha
istiraatiijiga ah ee muslimiinta.
Sidii gaaladu u qabsatay dhulka muslimiinta waxaa samaysmay
dad wax ku bartay iskuulada iyo jaamacadaha gaalada, bartay
afafkooda iyo dhaqankooda, isla marakaana ku qancay
afkaartooda iyo hab nololeedkooda. Waxay noqdeen safiirro
gaalada u jooga dalalka muslimiinta, faafiya afkaartooda,
dhaqankooda, u gudbiya xogta iyo sirta dalalkooda, una
fuliya danohooda gaarka ah. Dadkaas qaarkood waxay ahaayeen
kuwo qaatay diinta kirishtaanka, kuwana ma ay gaaloobin
waxaase u siman muslinka iyo gaalka. Gaaladu iyana waxay
dadkaas u samaysaa dicaayad, waxay ka shaqaysaa in ay
dalalkooda ka noqdaan madax, waxay siisaa kaalmo leh
dhaqaale, waxbarasho iyo soo caan bixin. Waxaa Soomaaliya
jooga dad la soo shaqaystay gumaystayaashii Yurub ama wax ku
bartay dalalkaas oo xambaarsan fikradohooda iyo dhaqankooda.
Waxay caan ku ahaayeen ku dayashada iyo dicaayad u samaynta
dalalkaas, Soomaaliduna way ku ogayd oo waxay u joogtay:
(ceebtood ma aha ee waa caadadood). Hadaba waxaa fajiciso
noqotay in qaar raggaas ka mid ahi Xabashida u war geeyaan,
kana war keenaan, ha u dhuunteen ama dharaar ha u
dhoofeene!. Waxay nala ahayd in nimankaasi Xabashida is kala
weyn yihiin oo ay gaalada waaweyn ku oran doonaan: war naga
saara gaaladaan liidata annagaa waxaad rabtaan dalka idiinka
qabanaynee!. Waxaase soo baxday in ninkii dhaqan ama shaqo
bartaa uusan dayn Karin.
Oday Soomaaliyeed oo reer miyi ah ayay gaalo timid
tuulooyinkii uu u soo magaalaysan jiray marar kala duwan.
Mar kastana waxaa la oranayay: ha loogu soo yeero ina Caaji
ha ka tarjumee. Odaygii waxa uu la yaabay ninkaan gaal kasta
loogu yeerayo, mid walbana af garanaya, markaas ayuu yiri:
HORTA INA CAAJI ISAGU MA GAALBAA? .
Axmed C/samad
alwaqaar@hotmail.com
Afeef: Aragtida qoraalkan
waxaa leh qoraaga ku saxiixan
Faafin: SomaliTalk.com | Apr
24, 2007
Waftigii
Xoghayihii Arrimaha Dibedda ee Midowga Maxaakiimta
Soomaaliyeed oo la kulmay Jaaliyadda Soomaaliyeed ee
Switzerland
Waxaa Galabnimadii shalay
ka dhacay Magaalada Zürich kulan aad u ballaaran oo ay isugu
imaadeen Jaaliyadda Soomaaliyeed ee ku nool dalkan
Switzerland, axaana kulunka marti ku ahaa Wafdigii uu
hoggaaminayey Xoghayihii Arrimaha Dibedda ee Midowga
Maxaakiimta Soomaaliyeed Mudane Prof.Ibrahim Xassan Caddow
iyo Sheikh Cumar Idris oo habeenkii jimcaha ahayd booqasho
marti qaad ah ku yimid dalka Switzerland...
Akhri...
 BAYAAN
KA SOO BAXAY JAALIYADDA DAAROOD EE LONDON, UK...
Waxayna ugu baaqeynaa
ummadda Soomaliyeed in ay ka qayb galaan dagaalka looga xoreynaayo dalka
gumeystaha Itoobiya iyo in...
Akhri...
 Minnesota,
USA:
Shir ay yeesheen Beesha Hawiye
Wax garadka, culumaaudiinka & mutacalimiinta
beesha....
Akhri...
 Jaaliyadda
Soomaalyeed ee Denmark oo shir ka yeelatay arrimaha Soomaaliya
Shirkaas oo ay ka soo qeyb galeen
dhammaan qeybaha kala duwan ee jaaliyadda ayaa
Akhri
 Soomaalidda
Minneapolis oo ka mudaaharaaday Xasuuqa Muqdisho
In badan oo ka tirsan jaaliyadda
Soomaaliyeed ee Minneapolis ayaa ka qayb qaatay banaanbax
Akhri...
|
Daabaco
Boggan | Print
