SomaliTalk

Daabaco Boggan | Print

Ceelka iyo Xaruntii Conoco, Garoowe, Soomaaliya... Akhri....

Nidaamka Islaamiga ee Wadaagga Batroolka: Laga bilaabo Morocco ilaa Indonesia: Q.3aad

Qaybta: 1aad | 2aad | 3aad

Dowlada FKMG Ah Ee Soomaaliya oo Indhaha Ka Laabatay Ceelasha Shidaalka Ee Ay Kenya Ka Baarayso Xadka Soomaaliya... Akhri

Kenya ma Badda Soomaaliyeed ayey Shidaal Ka Qodaneysaa?
Dawladda Kenya ayaa dardar gelisey baaritanka batroolka ay ka wado xeebta, waxaana soo baxay warar tibaaxaya Akhri

Shirkadda Range oo Sheegtay in Saddexdii bilood ee lasoo dhaafay ay Garoonka Diyaaradaha ee Garoowe siisay US$313,000
lacagtas oo aad uga badan tii ay DGPL sheegtay in shirkadu bixisay.. Akhri...

Itoobiyaan baaraya laba nin oo Soomaali. Muqdisho. AFP - Jan 13, 2006

Taangi Itoobiyaan ah oo taagan garoonka muqdisho - AFP - Dec 2006
ARAGTIDA/MAQAALLADA DADWEYNAHA EE MAANTA

Soomaalida dalka Belgium oo dhigay bannaanbax lagu dalbanayo in Ethiopia ay ka baxdo Soomaaliya

Maanta oo Khamiis ah (19/4/2007) waxaa ka dhacay magaalada Brussels bannaanbixii ugu horreeyey ee ay isugu soo baxaan Soomaalida ku nool dalka Belgium. Iyadoo guud ahaan Soomaalida ku nool dalkan hadda lagu qiyaaso 600 oo ruux ayaa waxaa bannaanbaxa ka soo qayb galay tiro gaareysa 200.

Dadweynaha bannaanbaxayey ayaa markii hore ku soo ururay saldhigga tareennada ee waqooyiga Brussels, halkaasoo markii dambe ay soo beegsadeen dhismaha xarunta Midowga Yurub oo ku yaalla bartamaha magaalada Brussels (Schuman).

Dadka bannaanbaxa ka soo qayb galay ayaa ka kala yimid magaalooyin dhowr ah, sida Antwerp, Liege, Gent, Verviers iyo magaalooyin kale. Waxaa kaloo goobta yimid cuqaal ka timid dalka Holland. Waxaa bannaanbaxa aad u soo camiray dumarka oo horey u soo kexeeyey carruurtoodii, waxaana nabadgelyada sugayey ciidanka ammaanka.

Sababta ay u soo bannaanbexeen Soomaalida Belgium ayaa ahaa inay shucuurtooda ku muujiyaan sida ay uga soo horjeedaan haysashada ay ciidanka Ethiopia haystaan Soomaaliya, waxaana ay dalbanayeen in sida ugu dhaqsiyaha badan leh ay ciidanka Ethiopia uga baxaan Soomaaliya.

Dadweynaha ayaa kor u lulayey calanka Soomaaliya, waxaana ay siteen boorar iyo sawirro muujinaya xasuuqa iyo gumaadka ay ciidanka Ethiopia ka geysanayaan Soomaaliya. Waxaa boorarka ku qornaa dalab lagu weydiisanayo Midowga Yurub inuu maxkamadeeyo kuwa galay dambiyada dagaalka.

Mudane Xasan Maxamed (Kaabeer) oo ka mid ahaa waxgaradkii iyo odoyaashii halkaas ka soo jeediyey khudbadaha ayaa ku guubaabiyey bannaanbaxayaasha inay xooggooda iyo xoolahoodaba ku gacan siiyaan dadka masaakiinta ah ee lagu dhibaateynayo Soomaaliya. Wuxuu soo jeediyey in dhaqaale degdeg ah loogu gurmado dadka la gumaadayo.

Waxaa dadkii kale ee halkaas ka hadlay ka mid ahaa Eng Khaliif Sheekh Cusmaan, Axmed-Nuur Xasan Cadde, Maxamed Xaaji (Ingiriis), Abuukar Abanuur, Daahir Dheere, Bashiir Xasan Cabdi, Cabdiraxmaan Niini, Xabiiba Fartaag iyo Cadar Cusmaan.

Dhammaan dadkii halkaas ka hadlay ayaa si adag ugu nuuxnuuxsaday in ciidanka Ethiopia ay shuruud la’aan uga baxaan Soomaaliya. Waxay kaloo xuseen in Soomaaliya aysan maanta ka jirin wax dowlad ah oo sharci ah, balse ay ka jirto dowlad ay soo sameysatay Ethiopia oo ay ku xalaashanayso qabsashadeeda Soomaaliya.

Dumarkii ka soo qayb galay bannaanbaxa ayaa halkaas ku soo bandhigay heeso waddani ah iyo buraanbur guubaabo ah. Waxaa heesahaas ka mid ahaa; ninkaad waalikood iyo walaalkoodba leysaa weyraxaaya ma ogtahay? Kani galbay, ku kale mooyee! Soomaaliyeey toosoo, toosoo isku tiirsada!

Waxaa gaba-gabadii halkaas looga duceeyey xoogagga xaq u dirirka ee u istaagay inay dalka ka difaacaan, kana xoreeyaan ciidanka Ethiopia ee sida gardarrada ah ugu soo duulay. Waxaa Ilaaheey looga baryey inuu siiyo guul degdeg ah, isla markaana uu jebiyo cadowga dalka ku soo duulay ee doonaya inuu dalka oo dhan la wareego.