Daabaco Boggan | Print Ceelka iyo Xaruntii Conoco, Garoowe, Soomaaliya... Akhri.... Nidaamka Islaamiga ee Wadaagga Batroolka: Laga bilaabo Morocco ilaa Indonesia: Q.3aad Qaybta: 1aad | 2aad | 3aad Dowlada FKMG Ah Ee Soomaaliya oo Indhaha Ka Laabatay Ceelasha Shidaalka Ee Ay Kenya Ka Baarayso Xadka Soomaaliya... Akhri Kenya ma Badda Soomaaliyeed ayey Shidaal Ka Qodaneysaa? Dawladda Kenya ayaa dardar gelisey baaritanka batroolka ay ka wado xeebta, waxaana soo baxay warar tibaaxaya Akhri Shirkadda Range oo Sheegtay in Saddexdii bilood ee lasoo dhaafay ay Garoonka Diyaaradaha ee Garoowe siisay US$313,000 lacagtas oo aad uga badan tii ay DGPL sheegtay in shirkadu bixisay.. Akhri... Itoobiyaan baaraya laba nin oo Soomaali. Muqdisho. AFP - Jan 13, 2006 Taangi Itoobiyaan ah oo taagan garoonka muqdisho - AFP - Dec 2006 ARAGTIDA/MAQAALLADA DADWEYNAHA EE MAANTA

Faallo:- Maxaa Kasoo Baxey Kulankii Wasiirada Amuuraha Dibada ee IGAD?

Qore: Yusuf Max’ed Ismail (Gaduudow)
E-mail yusufgaduudow@hotmal.com
Bososo,Somalia.

Waxaa Asbuucii aynu soo dhaafney ka furmey hotel-ka lagu Magacaabo Grand Regency ee Magaalada Nairobi fadhigii caadiga ahaa ee 26-aad ee Golaha Wasiirada Dalalka ku bahoobey Urur Goboleedka IGAD ay isugu imaadaan jireen sanad kasta, waxaana kulankaasi uu ahaa mid xasaasi ah, ayna xubnihii ka socday dalalka IGAD ee ka qeybagalay ay doodo aad u fara badan isku Weydaarsanayeen waxa ayna xooga saareen ka hadalka iyo lafa Gurka xaaladda dalka Soomaaliya wuxuu kulan kaasi ku furmey ku bilowdey jawi aad u wanaagsan iyadoo mas’uul kasta oo ka socday Ururka IGAD uu warbixin ka jeediyey kulankaasi ay iskugu yimaadeen Wariirada Amuuraha dibada ee Urur Goboleedka IGAD.

Kulankan kama soo bixin wax Natijo ah oo sidaasi usii Buuran waxbana ma dhaamin kulamadii hore ee ay is kugu imaan jireen Wasriirada Amuuraha Dibada ee Urur Goboleedka IGAD kulankan waxaa dalka Soomaaliya oga qayb galay Wasiirka Amuuraha Dibedda Dowlada Soomaaliya Prof. Ismaaciil Max’ud Hurre (Buubaa) waxa uuna halkaasi ka jeediyey khudbad uu oga hadlayey xaalada iyo arimaha Murugsan ee dalka Soomaaliya & isbedeladii ugu danbeeyey ee ka dhacday Magaalada Muqdisho e caasimada Dalka Soomaaliya, wuxuuna sheegay in Dowladda Federaalka ay si weyn ugu dadaaleyso in ay caasimada ku soo celiso nidaamkii & kala danbeyntii hase ahaatee in badan ayay Dowlada Federaalka KMG ah ee Soomaaliya ku cel celisey in ay soo celin doonto nabadii iyo xasiloonadii ka jirtey dalka soomaaliya mudo laga joogo 16 sano hase ahatee wali wax muuqada oo la sheegi karo kama aysan qaban Dowlada Federaalka waxa ay balan qaaday in ay ka qaban doonto Dalka soomaaliya dhinaca Amaanka.

Kulan kan ay iskugu yimaadeen Asbuucii tagey Wasiirada Amuuraha dibada ayaa waxaa kasoo qayb galay dhamaanba Wasiirada Amuuraha dibada ee dalka ku bahoobey urur Goboleedka IGAD waxaana ka mid ahaa dalalkii kasoo qayb galay kulankaasi dalka soomaaliya oo uu oga qayb galay Wasiirka Amuuraha dibada ee soomaaliya Prof Ismaaciil Max’uud Hurre (Buubaa) waxaa kaloo ka mid ahaa dalalkii ka qayb qaatey kulankaasi dalka Erateriya oo uu oga qayb qalay Ergey Matalaya Wasiirka Amuuraha dibida ee Dowlada Erateriya oo ah Isuduwaha u qaabilsan Wasaarada Amuuraha dibada qaarada Afrika Waxaa uuna aad u dhaliiley fara galinta iyo Xadgudubka ay Dowlada Itoobiya ku hayso dadka iyo Dalka Soomaaliyeed, waxaa sidoo kale ka mid ahaa madaxdii halkaasi ka hadashey Wasiirka gaashaandhiga Dowlada ugandha oo matalaya amase ku hadlayay magaca wasiirka Amuuraha dibida ee Dowlada ugandha waxa uuna si weyn u taageerey dowlada Soomaaliya iyo howlaha ay ka wado gudaha dalka soomaaliya.

Guntii & Gabagabadii Kulankii Wasiirada Amuuraha dibada ee Urur Goboleedka IGAD waxaa kasoo baxey ama ay Golaha Midowga Afrika ka codsadeen in ay soo da dajiyaan ciidamadii ay u balan qaadeen in ay soomaaliya usoo diri doonaan waxa ayna sidoo codsi u direen dalalkii ayaguna damaanad qaaday in ay ciidamo nabad ilaalin ah ay usoo diraan dalka soomaaliya in ay soo usoo diraan ciidamadii ay u damaanad qaadeen dalka soomaaliya, ma ahan markii ugu horeysey ee ay Wasiiradaha Amuuraha dibada ay kulan iskugu yimaadeen ee waa kulan sanad la ah oo ay sanad walba ay iskugu yimaadaan oo aysana kasoo bixi natijo sidaasi usii buuran oo wax ku ool ah.

Qore: Yusuf Max’ed Ismail (Gaduudow)
E-mail yusufgaduudow@hotmal.com
Bososo,Somalia.

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | April 19, 2007

Maxaa ka dhiman Sharcigii Marshal-Law, Maxaase ka Qabsoomay?: 13-kii Bishii Janaayo ayey ahayd markii Akhri