- Somali Laga soo
Musaafuriyay Dalka Yamen oo Bososo Soo gaarey.
- Gole Deegaan oo loo
Sameeyay Degmada Dhahar ee Gobolka Sanaag.
Somali Laga soo
Musaafuriyay Dalka Yamen oo Bososo Soo gaarey.
Dad Soomaali ah oo daganaa xeryaha qaxootiga ee dalka Yemen
oo laga soo musaafuriyay oo soo gaarey magaalada boosaaso ee
xarunta gobolka bari, dadkan ayaa waxaa laga soo dajiyay
gagida diyaaradaha caalamiga ah ee magaalada boosaado ee
Bander Qasim Airport.
Dadkan lasoo Musaafiyay oo gaaraya ilaa iyo 30 Somali ah oo
isugur jira Dumar iyo caruur ayaa laga soo dajiyay garoonka
diyaararadaha ee magaalada Boosaaso, ka dib markii laga soo
musaafuriyay xeryo qaxooti oo ku taala dalka Yemen.
Qaar ka mid ah Dadkaan oo aan kula kulmey garoonka
diyaaradaha ee Magaalada Boosaaso markii ay kasoo dagayeeen
ayaa waxa ay ii sheegeen in ay ku faraxsan yihiin ku soo
laabashada dalkooda, iyagoo sheegay in halkaasi ay dhibaato
uga soo carareen sida ay ii sheegtey haweeney ka mid ahayd
dadkaasi soo laabtey.
Inta badan dad badan oo somali iyo itoobiyaan isugu jira
ayaa kusoo qul qulaya dalka yamen iyagoo maalin kasta
dhibaatooyin aad u fool xun ay haleelaan oo ay u gaystaan
dadka ka ganacsiga doonyaha yar yar ee lagu qaado dadka
tahariibayaasha ah iyagoo marka ay marayaan badweynta ku
daadida bada oo iska roga.
Isku soo wada duuboo ma ahan markii ugu horeysey ee dad
lasoo musaafuriyay lasoo gaarsiiyo deegaanada Dowlad
Goboleedka Puntland ee waxaa dad lasoo musaafuriyay asbuucii
tagey laga soo dajiyay magaalada galkacyo ee xarunta gobolka
mudug iyadoo hada ka horna magaalada boosaaso lasoo
gaarsiiyay dad badan oo dalal kala duwan oo carbeed laga soo
musaafuriyay.
Yusuf Gaduudow E-mail
yusufgaduudow@hotmail.com
Bososo Somalia
Gole
Deegaan oo loo Sameeyay Degmada Dhahar ee Gobolka Sanaag.
Waxaa Maalintii shalay Golaha deegaanka loo sameeyay degmada
Dhahar ee gobolka Sanaag Waxaana loo dhaariyay 35 xubnood oo
ah golaha shacabka deegaanka degmada dhahar kuwaas oo iska
dhex doortey Gudoomiyaha Golaha shacabka deegaanka degmada
dhahar iyo gudoomiye ku xigeeen.
Jagada Gudoomiyanimada ee degmada dhahar ayaa waxaa isku soo
taagey labo musharax oo kala ahaa Mudane Axmed Maxamed Adan
iyo Salaad Cali Shire labadaan musharax ayaa waxa ay kala
heleen codad gaaraya 12 cod oo uu heley Salaad Cali Shire
iyo 10 cod oo uu heley musharaxa la tartamayay ee Axmed
Maxamed Adan.
Waxaa sidoo kale isku soo taagey Gudoomiye ku xigeenka
Golaha shacabka Deegaanka degmada dhahar Mudane Siciid Muuse
Ahmed ma jirin cid la tartamaysey mudane siciid oo kula
tartamaysey gudoomiye ku xigeen sidaasna waxaa gudoomiye ku
xigeen loogu doortey Mudane Siciid Muuse Axmed.
Doorashadaasi waxaa goob joog ka ahaa Wasiirka dowlada hoose
iyo Horumarinta reer miyiga ee Dowlad Goboleedka Puntland
Mudane Cali Cabdi Awaarey oo ku dhawaaqey gabagabadii
nitijadii doorashada waxaa kaloo doorashadaasi goob joog ka
ahaa gudoomiyaha baarlaamaanka dowlad goboleedka Puntland
Axmmed Cali Xaashi.
Degmada dhahar waxa ay ka tirsan tahay gobolka sanaag waxa
ayna ku soo biirtey degmooyinta dowlad goboleedka Puntalnd
ee soomaaliya, maalin ka hor doorashan ayaa waxaa degmada
dhahar ka dhacay dagaal ay iskaga horyimaadeen ciidamada
labada maamul ee kala ah Maamulka isku Magacaabey
Somalidland iyo Puntland.
Yusuf Max'ed Ismail (Gaduudow)
E-mail
yusufgaduudow@hotmail.com
Bososo Somalia
Faafin: SomaliTalk.com | April 11, 2007
![](/terry/arrowleft.gif)
![](/terry/arrowright.gif)
|