Wararkii: April 10, 2007
- Qaar ka mid ah Wadooyinka Muqdisho
oo laga qodey dhufeysyo waaweyn..
- Dalka Ereteriya oo ay ku sii
qulqulayaan kooxaha ka soo horjeeda..
- Dowladda Federaalka oo laga yaabo
in ay dib u dhigto shirka dib u heshiisiinta...
- Cabdulaahi Shiikh Xasan oo
raaligelin ka bixiyey hadalkii ka soo yeerey ..
- Geedi: "qofka ka qaybgalaya shirka
Dib u heshiisiinta waa in uu aqoonsada Dowladda"
- Maamuladda Soomaaliland iyo
Pundland oo shaley isku fara saarey...
Qaar
ka mid ah Wadooyinka Muqdisho oo laga qodey dhufeysyo waaweyn..
Mar aan shalay soo maray qaar ka mid ah wadooyinka Magaalada Muqdisho ayaa
waxaan arkay wadooyin ay horey Gaadiidku u isticmaali jiray oo lagu goynayo
Caro-Kaawo iyo Dhagxaan.
Jidadka la gooyey waxaa ka mid ah jid taga tarabuunka, waxaana waqtiga aan
marayey halkaasi ku jiray Gaari Katarabiil ah oo ka qodayey god aad u weyn,
sidoo kale mar aan maray wadada gasha Garoonka K/cagta Muqdisho ee dhinaca
Ifka Xalane ayaan waxaan ku arkay god isna halkaasi laga qodayey, waxaana
arintaani ku hawlan sida ay noo sheegeen dadka qaarkii Kooxaha ka soo
horjeeda Joogitaanka Ciidamada Itoobiya, iyagoo doonaya in ay halkaasi ka
dhigtaan gabaad, isla markaana aysan u soo gudbin Taangiyada Ciidamada
Itoobiya, waxaana meelaha qaarkood la sheegay in lagu aasay Miinooyin, balse
wararkaasi miinada wax xaqiijinaya ilaa iyo hadda lama hayo.
Lama garanayo sababaha waqtigaan loo jaro wadooyinkaas iyagoo dhawaan ay
heshiis xabad joojin ah wada gaareen Odoyaasha Beelaha Hawiye iyo Saraakiil
ka tirsan Itoobiya.
Dalka Ereteriya oo ay ku sii
qulqulayaan kooxaha ka soo horjeeda..
Dalka Ereteriya oo si weyn uga soo horejeeda Dowladda Itoobiya, isla
markaana uu dhex maray dagaal lagu hoobtay ayaa haatan waxaa dalkeeda ku sii
qulqulaya kooxaha sida aadka ah uga soo horjeeda Dowladda Federaalka oo aan
la dhacsaneyn qaabka ay wax u wado, waxaana dhawaan gaaray dalkaasi Ra’isul
Wasaare ku xigeenkii Dowladda Federaalka Xuseen Max’ed Caydiid, Gudoomiyaha
Golaha Fulinta Sheekh Shariif Sheekh Axmed iyo Guddoomiyihii hore Golaha
Baarlamaanka Shariif Xasan Sheekh Aadan, waxaana horey dalkaasi ugu sugnaa
ilaa iyo afartan Xildhibaan.
Waxaa jira warar sheegaya in Xildhibaano
iyo Wasiiro ka tirsan Dowladda Federaalka ay qorsheynayaan in ay u baxsadaan
dalka Ereteriya, kuwaas oo haatan ku sugan dalka, Gaar ahaan Magaalada
Baydhabo, hase yeeshee Dowladda Federaalka ayaa la sheegay in ay la socoto
dhaqdhaqaaqa Xildhibanaada iyo Wasiirada.
Dowladda Ereteriya ayaa horey loogu
eedeeyey inay taageeri jirtay Maxaakiimta Islaamiga ah, hase yeeshe waxay ku
tilmaantay in mid aan sal iyo raad toona laheyn oo ay wadato Dowladda
Itoobiya. Dhawaan ayaa madaxweynaha Ereteriya iyo Madaxweynaha Uganda waxay
kulan ku yeesheen dalkaasi, waxa uuna madaxweynaha Ereteriya ugu baaqay
Dowladda Uganda in ay ciidamadeeda sida ugu dhaqsiyaha badan ugala soo baxdo
dalka Soomaaliya, sidoo kalana ay joojiso u adeegida Dowladaha Mareykanka
iyo Itoobiya, kuwaas oo uu sheegay Madaxweynuhu in aysan ogoleyn in
Soomaliya ay hesho nabad iyo dowlad loo dhan yahay.
Dowladda Federaalka oo laga yaabo in ay
dib u dhigto shirka dib u heshiisiinta...
Iyadoo Wasiirka Dib u heshiisiinta Max’ed Cabdi Xayir Maareeye uu ku
dhawaaqay in aan marnaba dib loo dhigi doonin shirka dib u heshiisiinta ee
lagu ballansanaa 16-ka bishan ayaa haatan waxaa muuqata saansaan uusan ku
qabsoomi Karin shirkaasi.
Dowladda Federaalka ayaa la filayaa in ay si rasmi ah ugu dhawaaqdo maalmaha
soo socda in ay shirkaasi dib u dhigto, ilaa mudo ku siman bil, sida lagu
helayo warar ka soo baxay madaxtoonyada. Shirkaan oo lagu waday in ay ka
qaybgalaan 3-kun oo ergo ayaa waxa uu ku soo beegmay xili ay dagaalo
kharaari ka dhaceen Magaalada Muqdisho oo u dhexeeya Ciidamada Itoobiya oo
gacan siinaya kuwa Dowladda Federaalka iyo kooxaha ka soo horjeeda.
Guddoomiyaha Guddiga dib u heshiisiinta Cali Mahdi Max’ed ayaa ilaa iyo
haatan ka hadlin sida uu u qabsoomi karo shirkaasi.
Cabdulaahi Shiikh Xasan oo raaligelin
ka bixiyey hadalkii ka soo yeerey ..
Siyaasiga Caanka ah ee Cabdulaahi Shiikh Xasan ayaa raaligelin ka bixiyey
hadal ka soo yeerey Wasiir ku xigeenka Gaashaamdhiga ee Dowladda Federaalka
Salaad Cali Jeele oo sheegey in Dagaalka ka socda Muqdisho uu yahay mid
Qabiili
Cabdulaahi Sheekh Xasan wuxuu hadaladaas ku tilmaamey mid raqiis waayo ayuu
yiri” Beesha Mudulood waayo aragnimo ayey u leedahay Wax la yiraahdo iska
horkeenka Beelaha” wuxuu intaa sii raaciyey “waxaan raaligelin ka bixinayaa
mar labaad hadaladaas wuxuuna sheegey in beesha mudulood aysan la qabin
warkaas balse koox yar oo ka amar qaadata salaad kuwaas oo doonaya in ay mar
kale iska horkeenaan beelaha wada dega Magaalada Muqdisho.
Cabdulaahi Shiikh Xasan wuxuu bulshada soomaaliyeed uga digey in ay ka
digtoonaadan hadalada la doonayao in la iskaga horkeenayo kuwaas uu sheegey
in laga leeyahay dano siyaasadeed , wuxuu kaloo sheegey in Salaad loo soo
dhiibey hadalada uu ku Hadley balse aysan ahayn kuwa isaga ka yimid
Geedi: "qofka ka qaybgalaya shirka Dib
u heshiisiinta waa in uu aqoonsada Dowladda"
Waxaa shaley kulan isugu yimd Siyaasiin ka tirsan Beesha Mudulood kuna jira
Dowladda Federaalka ,Odoyaal , Nabadoono iyo Aqoonyahano waxaa kulankaas
looga Hadley arrimo la xiriira xaalada Magaaladda Muqdisho iyo sidii loo
taageeri lahaa Dowladda Fedraalka.
Xubnihii ka qaybgaley kulankaas waxaa ka mid ahaa Raiisul Wasaare Cali
Maxamed Geedi wuxuuna sheegey: in Dowladda Federaalka ay dhawaan qaban
doonto shir dib u heshiisiin isagoo sheegey in qofkii doonaya in uu ka
qaybgalo looga baahan yahay Saddex shuruudood oo kala ah in uu faraha kala
baxo Dagaalada iyo qalalaasaha uu ku jiro , in uu aqoonsado Dowlada iyo
noqdo qof ka shaqeynaya nabadda.
Cali Maxamed Geedi wuxuu sheegey in Dowladda aysan la diririsaneyn Qoys
wararkaasina ay yihiin kuwa Been abuur ah isagoo sheegey in wararkaas ay
faafinayaan dad doonaya dano gaar ahaaneed.
Waxaa kaloo ka Hadley Xildhibaan Muuse Suudi Yalaxow waxuuna sheegay "in
beesha Mudulood ay soo dhaweyneyso Dagaalka lagaula jiro kooxa doonaya in ay
qas ka abuuraan Magaalada muqdisho"
Waxaa kaloo ka Hadley Imaamka Beelaha Hiraab Imaam Maxamuud Imaam Cumar
wuxuu sheegey in beesha Mudulood ay soo dhaweyneyso Howlgalada Dowlada
federaalka ay ka wado Mgalaalada Muqdisho.
Maamuladda Soomaaliland iyo Pundland oo
shaley isku fara saarey...
Waxaa magaalada Dahar ee Gobolka Sanaag dagaal ku dhex marey Ciidamo kala
taabacsan Maamuladda Soomaaliland iyo Pundland , waxaana Dagaalkaas lagu
waramey in labada Dhinac ay Khasaaro kala gaartey.
Masuul u Hadley Soomaaliland ayaa sheegey in ay dagaaladaas ku dhinteen laba
qof ayna ku dhaawacmeen ilaa iyo shan qof sidoo kale wuxuu sheegey in ay ku
qabsadeen gaari uu saarnaa Qoriga Dhashiikaha.
Sidoo kale Afhayeen u Hadley Pundland wuxuu sheegey in magaalada ay ka
saareen wuxuu ugu yeerey Ciidamadii ku soo duuley haatana Magaalada ay
gacanta ku hayaaan Ciidamada Maamul Goboleed Pundland.
Afhahayeenka wuxuu sheegey in ciidamada Soomaaliland ay si gardaro ah ugu
soo duuleen magaalada oo uu sheegey in ay doonayeen in halkaas ka abuuraan
qalalaaso.
W/D Amiin Yuusuf Khasaaro
E-Mail amiinkhasaaro@hotmail.com
April 10, 2007
TAARIIKH::: Markale dhegeyso Waraysigii
Dr. Raabeh
Waraysi: Dr. Cumar Cusmaan Raabeh
Waraysi dheer oo ay SomaliTalk la yeelatay
Dr. Raabeh ayuu kaga hadlay arrimo badan oo ay kamid yihiin "Khatarta Culus ee
Maanta uu kujiro Qaranka Soomaaliyeed iyo Xallinteeda.." Waraysigii ka dhegeyso
halkan
Nin
Soomaali ah oo Jimcadii Lagu Diley Maraykanka
Marxuumku waxa uu ka tegey xaas
iyo 8 carruur ah oo jooga Ohio
Magaalada Phoenix ee gobolka Arizona ee
dalka Maraykanka ayaa Jimcadii (Apr 6, 2007) waxaa lagu diley nin Soomaali
ah. Waxaa warku sheegay in arrinta dilkani dhacay kaddib markii marxuumku uu
gaarigiisa istaajiyey meel gawaarida la dhigto, ayaa inta ninkale
gaari kale ka soo degey uu toogasho ku diley marxuumka.[Warkan
oo dhan ka akhri halkan.....].
Apr 7, 2007
 Minnesota,
USA:
Shir ay yeesheen Beesha Hawiye
Wax garadka, culumaaudiinka & mutacalimiinta
beesha....
Akhri...
 Jaaliyadda
Soomaalyeed ee Denmark oo shir ka yeelatay arrimaha Soomaaliya
Shirkaas oo ay ka soo qeyb galeen
dhammaan qeybaha kala duwan ee jaaliyadda ayaa
Akhri
|
Daabaco
Boggan | Print
