Haddii Hadhaaba la’waayose!
 By:
Liiban M Shariif
Stockholm Sweden
Somalia60@hotmail.com
Xaqiiq weeye in xalka soomalida Eebe hayo, ee
Eebe Sunaami makabarinaa? Dad is diidan waxay isku diidanyihiina aan qeexi karin
waxaa taariikhda lagu hayaa waa soomaali. Xiisada Xamar ka taagan waa wax
caqliga caafimaadka qaba uu diidayo. Hooyo qaxaysa oo jeeniqaaran dhalaankeede
waxay dhuunta ugu qoysana aaney indhaheedu qaban maalmo. Madaafiic isu dhaafeysa
sidda warku uu isugu dhaafo shabakada internetka, dal iyo dunnyo midna ku hadhi
mayo.
Jasiirada Java ee dalka Indonisia waxaa mudo dheer dagaal sokeeye uu ku dhexmari
jirey, ciidamo dowlada Jakarta daacad u ah iyo jabhad gooni istaag u dirir ah.
Kumanaan qof ayaa naftooda ku waayay, kubari kacay in badan oo kalena waa ku
naafoobeen. Wax badan ayuu aduunku malaayin dollar iyo wakhti badanba ku lumiyey
si bal arinta xal loogu helo. Hase yeeshee dhamaan juhdigaa caalamku ugu
yaboohay dadweynaha Indonisia waxay noqdeen HAL BACAAD LAGU LISAY!
sunami-dii xoogeedu ku habsaday qaarada Asiya, dhibkeeduna soo gaadhay dacalada
bariga Afrika, gaarahaana somaliya. Kumanaan dad ah oo caruur iyo cirooleba ah
ayaa daqiiqado gudohood ku qudhgo’ay dalal badan oo ku yaala Asiya iyo bariga
Afrika. Dhib-kasta Dheef-baa kujirta. Sunamida aan kor ku xusay cidna ma moogana
burburkii iyo baabi’ii ay ka tagtay. Hase yeeshee waxay xal u noqotey xiisadii
aduunku XALKA u waayey. Waxay soo afjartay dagaalkii sokeeye ee jasiirada Java
ee dalka Indonisya. Somaliyeey waa iga su aale ma Sumaami baynu Eebe ka barinaa
mise dhibta manta taagan beynu dheef kalabaxnaa. Inaga oo qiimeyneyna oo
qeexeyna qulqulda hadda taagan.
Qax iyo qaxooti soomali wax ka weydii, waxnu ku nahay khabiir labaatankii sano
ee ugu danbeeyey waxaynu ku jirney socod aan dhamaad laheyn.1990 markii urukii
USC ay xukumka ka tureen Dawladdii Maxamed Siyaad Bare waxaan idaacadaha ka
maqli jirey iyada oo la leeyahay waxaan ku daba jirnaa HADHAAGII DAWLADII SIYAAD.
Maanta waxaa maqlayaa Dowlda ku meel gaadhka ah oo ku andocooneysa waxaanu
safeynaeynaa oo aan ku daba jirnaa HADHAAGII MAXKAMADAHA ISLAAMIGA.
Su’aashu waxay tahay haddiiba hadhaaba lawaayo halkeynu ku danbeyn. Sidda ay
soomaali manta ku socoto waxay u egtey dad iyo dal dabargoaya.Ee aduunku xal
waaye Eebe Sunaami ma kabarinaa?
By: Liiban M Shariif
Stockholm Sweden
Somalia60@hotmail.com
Afeef: Aragtida qoraalkan waxaa leh
qoraaga ku saxiixan
Ma Itoobiyaa
maanta Loo kala Dheeraynayaa ?
Faafin: April 4, 2007
|
Daabaco
Boggan | Print
Dowlada FKMG Ah Ee Soomaaliya
ARAGTIDA/MAQAALLADA
DADWEYNAHA EE MAANTA