Bali Doogle
Iyo ayaan darro
W Q : Xasan
Xaaji Yuusf
Email :
hasanhaji@hotmail.com
Al_Madiinah
Al_Munawarah
Tr: 26/2/1428H
= 16/3/2007
Hor u dhac :
Bali
doogle waa xero ka mid ah xerooyinka
ciidamada xoogga dalka soomaaliyeed waxayna
ku taal wadada dheer ee isku xirta
magaalooyinka muqdisho iyo baydhabo iyadoo
isla markaana u jirta caasimaddenna
soomaaliyeed 100 km .
Tilmaan :
Bali
doogle waa meel aanan siin Karayn xaqeeda
haddii aan isku dayo in aan tilmaan ka
bixiyo balse waxaan ku dadaalayaa in aan
idiin soo dhaweeyo tilmaanteeda . waagii aan
caruurta ahayn ee aan ku jirnay wax
barashada xilliyada aan fasaxa leennahay
waxaan tagi jirnay xeradaas oo u jirtay
magaalada aan ku dhashay kuna barbaaray (
wanla wayn ) 9 km waxaanna halkaas ku arki
jirnay wax naftu ku raaxaysato xagga quruxda
iyo xagga ciidanka intaba .
A) Dhanka
Quruxda :
Xerada
Bali doogle waxay ku taal dhul ciiddiisu ay
guduudan tahay geedo iyo daaq badanna leh
udgoon iyo miro badanna leh waxaan ku arki
jirnay meelo aan ka fogeen xeradaas xoolo
dhaqato degan oo ay ka muuqato in ay ku
qanacsan yihiin noloshaas iyo barwaaqada
dhulkaas waxaan xusuustaa maalinkaan aadno
bali doogle in aynaan habeenkaas reerka
waxba ka cuni jirin taasoo ay ugu wacan
tahay miraha hadba nooca leh ee aan
maalinkaas ka soo cunno bali doogle iyo
caano aan ka cabno xooladayda degan
hareeraha xeradaas , ciiddeeda wanaagsab
awgeed waa meel aan dhagax lahayn dhoobana
lahayn waxay in badan isheennu ku raaxaysan
jirtay xilliga uu roobku da'o doog iyo biyo
is dhex fiifa waana taas mecnaha dhabta ah
ee uu xanbaarsan yahay magaca bali doogle
kaasoo ah BALLI DOOGLEH .
B) Dhanka
ciidamada :
1-
Xiriirka askarta :
waxaan
arki jirnay rag is jecel oo uusan qosol iyo
kaftan ka dhamaan xiriirka ka dhexeeyana uu
dhaafsiisan yahay mid shaqo wuxuuna gaaray
ilaa heer labada askari ay qoosaskooda ku
walaaloowaan xataa nolosha caadiga ah ee
magaalada , marka ay askariga soo waajahdo
duruuf wuxuu gurmad hiil iyo hooba leh ka
heli jiray askariga kale ka hor inta uusan
ka helin walaalkii , dadwaynaha rayidka ahna
waxay dareemi jireen in ay askarta iska
xigaan dadka intooda kale .
2-
Xoogga ciidan :
In kasta
oo ay arintu ahayd mid sir ciidan ah oo ay
adkeed lana ogoleen sinna in loo arko hadana
caruur nimadeenna ayaa waxay noo suuro
galinaysay in aan aragno wax aysan dadku
arki Karin sidaas darted ayaan bali doogle
waxaan ku arki jirnay diyaarado melatari oo
xanbaarsan asnaanta soomaaliyeed oo iyaga
markaas taagan garoonka ciidamada cirka ee
xerada bali doogle , run ahaantii gawaarida
gaashaamaan iyo kuwa loo yaqaan tiknikada
midna ma aynan arki jirin waayo iyaga waxay
ku jiraan garaashyo u gaar ah oo xiran balse,
wxaa sidoo kale adkaa in aan aragno hubabka
ciidanka ay isticmaalaan noocyaciisa kal
duwan waayo iyagana waxay ku jireen
makhaasiinno u gaar ah , kaliya waxaan arki
jirnay hubka fudud ee ay ilaalada
adeegsadaan , balse muuqaalka nololeed ee
xerada guud ahaan ayaa wuxuu ahaa mid aad u
camiran dhaq dhaqaaq xoogganna leh .
3-
Muuqaalka guud :
Hadda
marka aan xusuustayda dib ugu laabto waxaan
xusuusanayaa in xeradaas ay ahayd nolol
buuxda qaymo iyo sharaf leh iyo ciidamo is
jecel dadkana jecel , waxay ka koobneed 3
qaybood : ciidamada cirka , difaca cirka ,
iyo kumaandoos guutada lixaad ee DANAB ,
wuxuu rabbi ogyahay marka ay askartu nagu
arkaan xeradaas dhexdeeda innagoo badankeen
ku tagi jirnay si dhuumaalaysi ah waayo
waalidiinteen ayaanan noo ogoleen , hadana
askari kasta oo meeshaas nagu arkaa wuxuu
noola dhaqmi sida caruurtiisa oo kale
iyaqoon na aqoon iyo anagoo aanan
dhamaanteen wada ahayn dhal askareed ,
waxaan indhahooda ka dareemi jirnay dareenka
wanaag ee ay noo xanbaarsan yihiin , sidoo
kale waxaan dhexdooda ka dareemi jirnay
jeceelka ay isu qabaan iyo isku
xirnaashahooda .
Ayaan Darro
:
Waxaa
manta ayaan darro ah xeradii lahayd
tilmaantaas iyo xooggaas in uu gumaysiga
tikree siduu doono ka yeelo , waxaase ka sii
xanuun badan in lagu soo gebo gebeeyay goor
dhoweed wax lagu tilmaamay tabobar ciidamo
gaaraya 4000 askari kuwaasoo loo diyaarinayo
in ay ka hawl galaan magaalada muqdisho ,
waa ayaan darro kale ee u soo hoyatay
soomaaliya guud ahaan gaar ahaanna xeradaas
bali doogle oo meeshii ay ka qayba gali
jirtay waliba ay kaalin xoog leh ka qaadan
jirtay hawl gallada lidka ku ahaa xabashida
ee lagu xoraynayay gobolka ogaadeeniya in
manta laga dhigo mid loo adeegsado in lagu
diyaariyo hawl gallo lid ku ah umadda
soomaaliyeed una adeegaya gumaystaha iyo
danaystayaasha uu wato .
Baaq :
Hadaba
waxaan umadda soomaaliyeed ugu baaqayaa meel
kasta oo ay joogaan in ay in ay ka qayb
qaataan xoreenta dalkeenna , inta ay
xabashi na dul degan tahay iyo kuwa iyada la
jira waxaa waajib nagu ah in aan u
dagaalanno gobanimo doon aanna u laabanno
kitaabka allaah ( subxaanahu wa tacaalaa )iyo
sunnada rasuulka ) Sallallaahu calayhi wa
sallama ) iyo culumadeenna soomaaliyeed waxa
ay ka yiraahdeen gumaysigan qaabka daran .
Baraarujin :
Waxaan
maalmahan danbe maqalnaa in la adeegsanayo
magaca ah ciidamada xoogga dalka waxaa isku
baraarujin mudin in aan la moodin magcaas
kaan naqaannay ee X D S ee waxaa loola
jeedaa ciidamada xoogidda dalka soomaaliyeed
waa kuwo la rabo in loo adeegsado xoogidda
dalka soomaaliyeed , qof kastoo somaali ah
waxaan ku baraarujinayaa in uusan ka qayb
qaadan ciidamadaas .
W Q : Xasan
Xaaji Yuusf
Email :
hasanhaji@hotmail.com
Al_Madiinah
Al_Munawarah
Afeef:
Aragtida qoraalkan waxaa leh qoraaga ku
saxiixan