Huri mayno waa inaan dagaal ula
hawoonaayemaansadan
waxaa curiyey abwaan Maxamad Bashiir Jaamac isaga oo ka turjumaaya
xaaladda dalku soo maray iyo heerka uu maraayo maanta
waxuu yidhi:
Hoobeeyda maansada ma tirin heesti
waayahane
Haybteeda waataan jaroo heeryadeed
dhigaye
Hilinkeeda maan rabin inaan abid
haweystaaye
Heensaha waxaan ugu sitaa waa huq iyo
ciile
Hoheey iyo hoheey iyo hoheey waan
hamiyayaaye
Afartaas habeeyee ma qoray hadal nin
waayeela
Ma hilgaadshay haadiyo ta,daba hoosna
ma u reebay
Heerkii salaan iyo ma dhigay hadaladii
raage
Hadraawoo kaleetiyo ma simay haani iyo
macarri(haani iyo macarri 2 gabayaa oo carbeed)
Halyeygii cibaar iyo sidii haytham ma
u meershay(maxamad cali cibaar iyo ibnul haytham)
Hideheenna weeyee ma diray haatuf kala
tuura
Haa kalena wey dhimantehee hooya iga
duuba.
Hogoshoo da,aysoo alluu harada noo
buuxshay
Higla weyn an wada seexanoo damalna
hoos jiifno
Hantideena oo boqol milyaar heerka
koru dhaaftay
Hablahoo la kala guursadoo faras la
heenseeyo
Hilib iyo bariiskoo nin wali helayo
yoomkiisa
Hubka maalintaan haysaniyo hanadadii
geeshka
Halyeeygii siyaad maalintuu haayey
taldeena
Hugunku waa hayaankii marakaan heesta
koru qaadnay
Hanti aan wadaagniyo markaan himiladii
raacnay
Herer iyo hawaas iyo markaan harada
sii gaarnay
Heeryo xume amxaarkana markaan hooto
kala daalnay
Hoogayoo ba,naay maalintuu gaaray
hadalkoodu
Havana maantay wacdeen halowyadii
taarka
Halse nagama qaadine markaan hiifta
kaga keenay
Harka galay markii ruushku baxay
hilaydii qaatay
Haadaanta waa tii la qoday holocii
naareedka
Hayb iyo qabiil way nagii heer xun
wada gaarnay
Hobyo iyo nugaal wayadii hooshka lagu
qaaday
Hargeysa iyo boorama watii howsar lala
eegatay
Heerkii labaad weynagii xamar ka
heensaynay
Hantideena waataan madfaca howda kala
daalnay
Hilbeheenna waa tii wax badan haadku
guranaayey
Hayaan iyo qaxootigu markii nalagu
haaraamay
Hadba meel shirkeeniyo waxaan horu mar
moodeynay
Habeenada waxaan tiriyo oo hogol
maleynaayey
Hebel iyo hebaalow miyaa hadalkii uu
gaaray
Habaar qabe itoobiya miyaa haysa
taldeena
Hoheey iyo hoheey iyo hoheey waan
hamiyayaaye
Hablaheenii bay waxay rabaan ula
hawoodaane
Hanaqay jaraayaan wadaad hiirta
waaberiye
Hanjabaad ayeey nagu wadaan har iyo
leylkiiye
Huri mayno waa inaan dagaal ula
hawoonaaye
Hayb haybta waa inaan dhignaa wada
heshiinaaye
Hadii kale an heerkaa fadhino horumar
dheeraaye.
Afeef: Aragtida qoraalkan waxaa leh
qoraaga ku saxiixan