XAALAD ADAG OO SOO WAJAHDAY ARDADA
SOOMAALIYEED EE KUNOOL WADANKA MALAYSIA.
Safar gaaban oo aan kutagay wadanka
Malaysia aniga oo katagay wadanka Australia ayaa intii aan kuguda jiray
booqashadeeydii ayaa waxaa iisuurta gashay inaan helo Arday soomaali ah oo
waxkabarato Jaamacadaha iyo iskuulada kuyaala wadanka Malaysia, Ardadaas oo
iiga warbixiyay xaaladooda noolaleed iyo midooda waxbarashaba ayaga oo
iimuujiyay walaac iyo xaalad adag oo kala soo gudbanaatay waxbarashadoodii
iyo meelihii ay wax kabaranayeen. Habada akhristayaasha sharafta leh meel
walba aad joogtiin waxaan jecleeysatay inaan idiin soo tabiyo waxyaabihii ay
tabanayeen Ardadaas iyo sida ay arimuhu isu badaleen.
Markaad imaatid wadanka Malaysia waxaad
dareemaysaa inaad soo dexgashay bulsho islaam ah inkasta oo kudhaqanka
Islaamka ayna kamauuqan meelo badan oo kamid ah noolasha dadka. Laakiin
markii aan barbardhigay meeshii aan kaimid waxay ii ahayd mid iiga duwan oo
dareen islaanimo iyo qaboow xaga gudaha ayaan dareemayay aniga oo mudo dheer
ay iga maqneeyd marka ay imaato gudashada calaamada Islaamka Gaar ahaan
Salaada ayaa waxa aan arkayay meel walba oo aan marayo marwalba in uu aadaan
kayeedho afarta jiho aniga oo xaqiiqsanayo hadaba waxaa lajoogaa salaadii
maxaa yeelay aadaanku wuxuu kuu sheegayaa waqtigii salaada ayaa lajoogaa ee
qofka Muslimka ahoow diyaar garoow.
Qaybo badan oo howlaheeygii kamid ah waxaa
gacan iga siiyay arday Soomaali ah intaas kabacdi waxaan kamid noqday
Ardadii oo aan kusoo biiray. Marka aad imaatid malaysia waa khasab inaad
imaatid xaafada ay Soomaalidu kubadan tahay oo lagu magacaabo (Taman Melat)
waa xaafada ay dagan tahay Soomaalida kunool Malaysia. Waxaad arkaysaa
Soomaali badan oo hareerahaada socdo adiga oo markii ay ku arkaan inaad
cusub tahay kuwaydiinayo mahadaad imaatay? badanaana waxay malyanayaan inaad
ka imaatay wadankii hooyo Soomaaliya oo aad u timid waxbarasho.
Magaca Taman Melati mudadii danbe waxa uu isu
badalay Taman Somali oo xataa dadka kale gaar ahaan dadka Malayshiyaanka ah
ay kuu sheegayaan in ay kubadan yihiin halkan Somaali oo ay aad udagan
yihiin. Xaafadaas ayay ahayd meesha aan kabilaabay wehel iyo inaan helo
saaxiibo iyo dad bal aan kawareeysto inay iga siiyaan warbixin xaaladada
wadanka iyo midoodaba . habadaba waatan ee lasoco.
(( Subuxii inta udhaxayso 8Am ilaa 3PM. waxaad
dareemaysaa cidlo xaafada oo waxaad isleedahay xagay aadeen dadkii ayada oo
qaar ay aadeen Jaamcadihii iyo iskuuladii ay dhiganayeen . markii lagaaro
casarkii ayaa aad arkeeysaa inay kuligood soo dhaadheceen ilaa laga gaadho
habeen kala badhkii xaafada cirkaas ayay maraysaa . Dhinaca kale maqribkii
ilaa 12Am waxay aad u fadhiistaan maqaaxiyadaha kuyaala xaafada Taman Melati
oo ay shaah kacabayaan kabacdina qaar kood waxa ay isku mashquuliyaan
isticmaalka qalabka Internadka oo ay qaar kood habeenkii oo dhan
kumadadaashaan ayada oo ay meelaha laga isticmaalo internadka ay furan
yihiin 24saac habeen iyo maalinba.
Shaqaalo kamid shaqaalayaasha kashaqeeyo
maqaaxiyahaas marka aad soo fariisatid oo ay kuu yimaadaan inay kuwaydiiyaan
maxaad rabtaa? ama aad dalbanaysaa inaad cuntid waxa ay qaarkood kugula
hadlayaan af Soomaali ayaga oo ay barteen erayo ay kamid yihiin maxaad
cunaysaa? Cabitaan, Shaah, Bariis, baasto iyo waxyaabo lamid ah. Mar aan
ubaahday inaan isticmaalo qalabka internadka iyo inaan soo fiiriyo bal
madadaalka ay kuhaystaan goobtaas ayaa markii aan galay goobtaas waxaan
arkayay in ay ubadannaayeen goobtaas dadkii isticmaalayay Soomaali gaar
ahaan dhalin yaro Soomaali ah oo kunool xaafada.
Waxay ishayada milicsatay inaan eego bal
isticmaalkooda qalabkaas iyo bal meelaha ay baahidu ugaysay inay galaan
laakiin malaheeygii wuxuu noqday mid kale waxaan arkayay badankood inay
isticmaalayeen qalabak lagu magacaabo Computer game oo ay isticmaalayeen
qaybo laxariiro Sportiga sida qaybta kubada cagta oo ay isxifaaltaminayeen
ayaga oo is leh habeloow anaa kaabadiyay iyo hebeloow anaa kaabadiyay. Kuwa
kalana waxay isticmaalayeen qabta lagu magacaabo Msnka oo ay
lasheekaysanayeen dad kale . hadaba intii aan kujiray goobtaas waxaan
iswaydiiyay soo bari ma aadayaan jaamacadii ? maxay waqtigan ama saacadan
ujoogaan halkan?
Su'aashaas ayaan waydiiyay wiil aan kula
kulamy goobtaas wuxuu iigu jawaabay sidatan ((Caawoo dhan halkaanay
fadhinayaan ilaa laga gaaro 3am ama waa-beri-soo-dhowaadkii kabacdina way
seexanayaan maalintii oo dhana way hurdayaan meeshaan waxbarasho majirto
madadaalo ayaa lagu hayaa iyo in iqaamo lagu joogo wadanka nin walba waxa uu
kufikirayaa sidii uu uga bixi lahaa halkan) waa jawaabtii uu isiiyay
ardagaas.
Qore. Mohamed wali (xiish)
Faafin: SomaliTalk.com Feb 25, 2006
| 
Daabaco
Boggan | Print
Abwaan
Abshir Nuur Faarax {Bacadle} oo gabay ka tiriyey Aflagaadadii
loo geystey Nebi Muxamed Nababgelyo iyo Naxariisi korkiisa ha
ahaatee... 
HOOYOOYINKU
CARRUURTA LABO SANO HA NUUJIYEEN!!!
