Daabaco Boggan | Print Silsiladdii Taariikhda Islaamka: Casharadii Taariikhda Islaamka oo markale dib u bilowday, Guji.. Qore:  Sh. C/risaq Macallim Fuustooyinka Sunta ee ku Duugan Jidka Garoowe-Bosaso TV-ga Rai ee Talyaaniga ayaa soo bandhigay baaritan cadayn u ah sunta halista ah ee ku duugan Soomaaliya, baaritaankaas oo afar qaybood ah oo af Talyaani ah daawo: Qaybta 1 | Qaybta 2 | Qaybta 3 | Qaybta 4 Video-ga si aad u daawatid soo rogo barnaamijka windows media player Akhri: Cilmi Baaristii Sunta ku Duugan Soomaaliya | 2000 | Dr. Bashir Siyaasadda Itoobiya ee ku wajahan Soomaaliya Himilada iyo Siyaasadda Itoobiya... Akhri.... Degaanka Maxalliga iyo Wadaagga Batroolka: Qaybtii 2aad: Halganka loogu jiro lahaanshada iyo xeer u samaynta batroolka adduunka.... Akhri... »»»»Qaybta: 1aad | 2aad Sweden: Maxaa Keenay Guuldarada Ardeyda Soomaaliyeed: Waxaa diyaariyey  macallin Soomaaliyeed Akhri.. Tallaabada la filan karo in uu Golaha Ammaanku ee Qaraamada Midoobey uu ka qaato Soomaliya.. Akhri Xuquuqda Qoraalka Copyright Akhri.. Qaabka Loo Qoro warka, Faallada iyo Ra'yiga Guji

Gabayga: Geeddiga wadaay: Wadaadow… 

W.T. Maxamuud Axmed Cabdalle (Shiine) 
 
11/26/2006

Email: abdalle9@hotmail.com  

Dhammaantiin waa salaaman tihiin. Gabaygan kor aanu ku xusnay wuxu soo if baxay ka dib markii Males Zinawi dhaar ku maray inuu weerari doono dalka Soomaaliya. Gabaygani wuxu dhiirri gelin u yahay soomaalida wadaad iyo waranle labadaba. Wixii fikradihiina ah waan soo dhoweynaynaa. Mahadsanidin.
 

1. Wadaadada mid baan oran lahaa, haatan weyraxaye
2. Ha loo weriyo gabaygaygu waa, weedh karaama lehe
3. Culimada wasiirada sariyo, waracda gaadhsiiya 
    
4. Wax dhaaxaan u taagnayn dadkoo,weeye loo dilo dheh
5. Wax dhaaxaan u taagnay warjeef, weerar joogta ah dheh
6. Wax dhaaxaan u taagnayn kolkay, qarankii wiiqeen dheh
7. Wax dhaaxaan u taagnayn kolkay, god u walwaaleen dheh
8. Wax dhaaxaan taagnayn Amxaar, loo wacaashado dheh
9. Wax dhaaxaan u taagnayn inkaar, waagii soo gala dheh
10. Wax dhaaxaan u taagnayn markii, laysku wiirsaday dheh 
     
11. Mid qabiil ku waashiyo colaad, waran haliilaaya
12. Nin walaalkii aabida ku ganay, oo wadnaha gooyey
13. Soomaali waa waxa kharibay, waax kastay tahaye
14. Wacdiga iyo waano aad fartaan, weedha san u sheegga
15. Idinkaa waxyiga eebahay, gabin wallaylkii dheh
16. Maantana wacdarahaad dhigteen, weyne idin kaab dheh
17. In wadaadka loo aayi karo, waheey ma moogayn dheh
18. Geeddiga wadaay maalinbaa, laydin waafiqin dheh 
     
19. Haddii aad xaqa u weecisaan, oo cadligu waaro
20. Waddadii rasuulkiyo (SCW) martaan, diinta wehelkeeda
21. Walaacana ka saartaan halkay, taladu weydowdo
22. Sidii Beder islaamku u wanqalay, guushu way iman dheh
23. Geeddiga wadaay maalinbaa, laydin waafiqin dheh 
     
24. Waab haw goglina shuuradaa, reerku wadhatayn dheh
25. La wadaaga aadmiga xilkana, waafi baa maqan dheh
26. Waxba yaan go’ lagu qarin runtee, Yuusuf naga waabsha
27. Weli waa dulmane reer Markaad, wahabka dhaafsiiya
28. Wadeecada qabiilkiyo ka jira, gaan wisiisiyi dheh
29. Shariifkiyo Aweys waa jufee, waasac kale doorta
30. Itixaadku waa adagyahee, madasha weyneeya
31. War tashiga ku dara odayadiyo, wiil aqoon yahana
32. Hooyaa wanaag lehe haween, yaan wid lagu dhaafin
33. Weer bay sidaye yaan dhib kale, waana lagu eegin
34. Geeddiga wadaay maalinbaa, laydin waafiqin dheh 
     
35. Argagixiso waa magac jinoo, lays huwinayaa dheh
36. Xabashidu shirqool bay waddaa, been la waariday dheh
37. Inaydan wegerad miiniyo xidhnayn, wiifad ololaysa
38. Ee aydin maatada wanjalin, maxasta wiidaysan
39. Oo aad jihad waajahdaan, duul walba u sheeg dheh 
     
40. Wajeer iyo ilaa Harar dhulkaa, weyne nagu beeray
41. Waa wada waalo eh, hadaan cadow wareejeen dheh
42. Inay maalin uun wadar ahaan, duul walba u sheeg dheh
43. Warasooyin kale iyo dadkaa, toodii wadi waayey
44. Oromadaa la wariyiyo, inaan Eritar soo weeran
45. Inaan Waamo Pakistaan ka talin, duul walba u sheeg dheh
46. Geeddiga wadaay maalinbaa, laydin waafiqin dheh 
     
47. Inkastoo dhibkii Xamar qabsaday, meel kale u waadin
48. Hala kala wacnaadee dalkii, waa mid baylahay dheh
49. Walkadaadka Somaliland, kama war haysaan dheh
50. Puntland waleecaadka degay, kama war haysaan dheh
51. Baydhabo wagaashiga habsaday, kama war haysaan dheh
52. Weel madhan inay wada yihiin, waxaw daliilkeed dheh
53. Waa qoon metela dawladoo, wiish la caariday dheh
54. Waa duul dalkii iibsadiyo, waax dillaalo ah dheh
55. Waa deero iyo cawl kolkay, dani timaadaa dheh
56. Cirkii iyo baddii way qudhmeen, waana la hubaa dheh
57. Wakaalado tartami baa jiriyo, doc u walaalow dheh
58. Haddaan waagan laga gaadhin waa, dhaxal wareegeen dheh
59. Idinkaa watiinkiyo cuskada, waqafka diimeed dheh
60. Geeddiga wadaay malinbaa, laydin waafiqin dheh 

W.T. Maxamuud Axmed Cabdalle (shiine)
Email: abdalle9@hotmail.com

• Maansada "Haddaad South Afrikaay…" Gabay Baraarujin ah: W.T. Maxamuud Shiine. AKhri

Faafin: Nov 28, 2006
 

BAARID | SEARCH