Caqliga
Ilaahay wuxuu noo siiyey inaan wax ku garano..
Said H Warsame
shwarsama@hotmail.com
Caqliga
Ilaahay wuxuu noo siiyey inaan wax ku garano,
sidaas darteed ayuu Ilaahay subxaanuhu wa
tacaalaa quraankiisa meela badan ugu soo
celceliyey in kuwa caqliga u saaxiibka ahi,
miyeysan fakareyn, miyeysan ku cibra
qaadaneyn , xusuusaneyn iyo wax la mid ah.
Ninka
faranjiga ka feer dagaalayoo fakar laba
jeer, isna waydii dagaal dabadiis maxaad ku
dambeyn !!! dagaalku laba ayuu noqon inaad
adiga iyo tigrey guul ku sheeg haabataan
deedna lagu bado wax xile iyo wax baas iyo
wax nin weyn ka xishoodo sheegsheegistood!!!
Dabadeedna haddii aad damiir leedahay hoq ku
disho ileyn waddankaagii ayaa lagugu
gumeysanayaaye, diintaadii iyo
dadnimadaadina dabayluhu qaadaan, tusaalana
waxaa kuugu filan waddamada carabta ee u
yeertay faranjigga iyo dhibka u dhaxalsiiyey
go'aankaasi.
Iyo inaad
dagaalka ku dhimatid deedna maalinta qiyaami
la soo baxdid Fircoon iyo Haamaan iyo wixii
la hal maala ileyn adiga iyo faranji diin
baad la dagaalan teene.
Nin baa
laga sheegay saad u joogto wax ma ku
joojiyaan. Hadda annigu horey ayaan u
dilaaqay qoraladii sanooyin hore waxaa caawa
I soo toosiyey waa guul darada haysata kii
soomaali ahaa meeluu joogaba iyo sida uusan
dantiisa u garaneyn.
War sir
qarsoon ayaa jirta, war meeshaan in calankii
baluuga ahaa ku soo noqdo somaliya ma la
rabo. War meeshaan khayraad baa ku duugan.
War meeshaan diin baa taal aan oolin Africa
oo idil. War haddii lagula damacsan yahay
khayr iyo inaad dawlad noqotid horey ayaa
taageero iyo taakuleyn loo siin lahaa
Somalia. War dawladda ku meel gaarka ah
Maxkamadaha ka hor ayey jirtay oo xarun ka
dhigatay Jowhar ma la kaalmeeyo??. Markii
Maraykan iyo Eithoipia arkeen inay ka go'an
tahay in soomaali soo ceshato karaamadeeda
ayaa lagu kacshay kutaan iyo ashahaado la
dirir. War shalayna dawladdii Carte lagu
dhisay sidaas ayaa la yeelay, war tii ka
horeysay ee cali mahdi sidoo kale ayaa la
yeelay. War haddana markii la arkay
maxaakiimta ayaa la yiri war meesha khayr
iyo wax dawlad u eg baa ka soo socda. War
gaalo go'aan baa meel u dhigan. War soomaali
faham taas. War dheeshu ka wayn
qabiil-qabiil iyo sidaad moodeysaan. War waa
diintaada iyo dadnimadaada wax shalalka
saaran. War jaceyl loo qabo somaaliland ma
ahan waxa loo aqoonsan waayey inay go'do ee
waxaa la rabaa oo go'aan lagu gaarey in
magaca soomali wax ka harin ileyn
ogolaanshuhu wuxuu qirayaa jiritaanka
dawladnimo deedna waxay xaq u yeelaneysaa
xuquuqda dawladnimo, taasna lama rabo ee
waxaa la rabaa inay tiihaas iyo waxbayahay
isaga jirto somaali meelay joogaanba. (Taas
micnaheedu ma ahan inaan aaminsanahay in
soomaaliya la kala qoqobo). Maxkamaduhu waa
qabiil waxaan u arkaa sheeko rakhiis ah.
Dhari maalmeed waa if ma doone, waxay
qabteena waxay ka muuqataa meelaha ay ka
taliyaan, uurkoodana annagu ma galin laakiin
daahirkoodu ilaa iyo hadda waa khayr. Nin
har iyo habayn goobta la taagan shareecada
ayaan wax ku dhaqayaa meel aad ka martid
garan mahayo ee adigu soomaali ii sheeg.
Caamada ku firirsan goobaha fadhi ku dirirku
waxay ku hadaaqaan maxaakiimtu waa Hawiye
Ok, way jirtaa inay u badan yihiin reerkaas,
marka war soomaali Ilaah baan kugu dhaariyey
waxaad iiga jawaabtaa: Aniga Aabahay Ilaahay
ha u naxariistee wuxuu igu soo barbaariyey
in dadku walaalow yahay, siman yahay, look
ala hiilin, sidaas oo ay tahay isaga oo
gurigiisii ku jira ayaa waxaa dilay ciidamo
Hawiye ee u hogaaminayo Qaybdiid oo hadda
furin ay ku wada jiraan ciidanka Puntland
iyaga oo Galkacyo ka soo duulay meeshuu
shalay ku duulayey Gaalkacyo. Ma aragtaa in
ruuxu haddii uusan ku dagaalamayn caqiidad
inoo kolba meel ka soo jeensanayo sidii
baalaleydii. Maxaa kuu baxay hadaad caqli u
saaxiib tahay?. Marka hadda Abu fadhi ku
dirir maxaad igula talin lahayd ma waxaad
oran lahayd Maxkamadaha ha raacin waayo waa
Hawiye kitaab wata ee ka feer dagaalan
Qaybdiid waayo waa Hawiye ashahaado la dirir
ah. Haddii qabiil aan wax ku miisaano
ما كلهم
هويي يا حبيبي)) .Maxaa kuu baxay? Waxaa ii
baxay Hawiyuhu haddii uu diin watana waa
cadawgeen haddii uu ashaahaado la dirir
yahayna isaga iyo tigreyba waa raggeena.
Qaar kale ayaa ku dooda war Maxaakiimtu
shaar kale ayey noo soo gashadeen oo inay na
qalin daaraan bay rabaan. War haddii ay
shaarkii badasheen oo ay shalay qaarkood
jawr falay maantana Ilaahay soo hannuunshay
oo khayr falayaan tahayna wax cad maan la
jaanqaadno oo wax la qabsano intaan cahdi
iyo misaaq la dhigano. Maxaase iyaga ku
khaas ah soo tan nin walba xuubseebanayo oo
shaatiga badalannayo isaga oo waliba diin ka
fog. Tusaale mar labaad Qaybdiid soo kan
shalay dawladdu ka socon weyday ma ahan oo
xamar wixii la ogaa ku hayey maantana
dawladdii hor boodaya.
Tan kale
biyo gurey noqon mayno ee waanu arki doonaa
haddii maxkamadaha laga guuleysto intii
cadaw la adeegsado, marna ha ka yaabin in
dawlad calan leh oo xitaa daba dhilif ah la
inoo dhiso(أتحداكم). Akhristow taas hoosta
ka xariiq. Kaliya waxaa la rabaa in ifka
yare soo if baxay ee haddiiba dad ku
diirsaday in la kala tuuro. Maanta shacbiga
soomaaliyeed meel kasta oo uu joogaba dawlad
ayuu u baahan yahay xitaa ha ahaato midaan
caadil ahayn taasna waxaa keeni kara
shacbiga oo isku tashada intuu ka baxo
dhuumaaleysiga iyo qabiil-qabiilka marin
habaabinaya. Taladuna shacabka ayey ka
go'daa waayo dawlad haddaad ma qashid waa
shacab iyo waddan. Ugu dambayntii maslaxadda
guud waxay ku jirtaa in maxaakiimta iyo
dawladdu inay ka shaqeeyaan heshiis sidii
loo gaari lahaa huwan nabad iyo qaranimo
buuxda.
Waxaan ka
xumahay inaan qabiil afka ku dhufto laakiin
maqaalkaa ila galay.
Wallaahu
calaa ma naquulu wakiil.
Said H
Warsame
shwarsama@hotmail.com