Xadgudubka loo gaysanayo Saxafiyiinta Soomaaliyeed ayaa ku soo kordhaya Goobaha Ay daganyihiin Masuuliyiinta qaarkood iyadoo ay geeysanayaan xadgudubyadaa howlwadeenada la shaqeeya masuuliyiinta...

Waxaa si aada u soo kordhaya cadaasiska ay suxufiyiinta Soomaliyeed kala kulmaan xubnaha iyagu hoowlwadeenada u ah  Madaxwaynaha iyo Wasiirka koowaad iyadoo ay inta badan u la dhaqmaan si aan waa faqsaneen sharciyada iyo xushmeenta saxafiga soomaaliyeed.

Markii aad booqato goobaha ay daganyihiin masuuliyiintaa oo runtii iyagu ah xubno si aada u dhaqan fiican jecelna in ay qaymeen gaara siyaan saxafiyiinta soomaaliyeed maadaama ay iyagu yihiin ragii doorka muhiimka ah ku lahaa mansabka ay manta joogaan, 

Hadaba maanta xiligii uu qadada sameeynayay wasiirka koowaad ee soomaaliya Prof. Cali Maxamed Geedi ayaa saxafiyiinta soomaaliyed ee iyagu ku sugnaa goobtaa loo gaystay xadgudub aad u xun iyaga oo ay geesteen raga howl wadeenada ka mid ah.

Ma ahan marki ugu horeeysay oo lagu xadgubo saxafiyiinta Soomaaliyeed.

Ee waxaa jiray xadgudubyo badan oo loo geytay saxafiyiin soomaaliyeed. 

Runtii Raysul wasaaraha Soomaaliya oo aan kala qayb galay kulamo dhawr ah ayaa shaqsiyadiisa ah nin qaali ah oo runti si aada uqadariya saxaafada, tusaalle ahaan shir jaraa'id oo Prof. Cali Maxamed Geedi ku qabtay magaalada Nairobi oo aan isku daynay in aan su'aalo ku waydiino waxaa is hor taagay mid ka mida howlwadeenadiisa laakiin Prof. Cali Maxamed Geedi ayaa si geesinimo ah arinkaa uga hor yimid isagoo noo ogolaaday in aan waydiino su aalo runtiina uga jawaabay si nadiif ah.

Dhinaca kale Prof. Cali Maxamed Geedi ayaa maanta isagu si toosa noogu yeeray naguna casuumay kulankii qadada ee ra'iisurl wasaruhu sameeyay.

Laakiin nasiib daro qolyo aan iyagu aqoon ulaheen qaabka marti sharafka iyo qabanqaabada xafladaha ayaa iyagu dhulka lagalay sumcadii saxafiyiinta soomaaliyeed. 

Qolyahaas oo iyagu muujinaya moodana in ay shaqada ay hayaan ka xigaan dadka, moodana in Wasiirku ay jufo ama saaxiib gaara yihiin, runtiina iskuba haysta in ay iyagu yihiin wasiirkii oo si aada kuu kuuraya ama kuula dhaqmaya dhaqan aan ku wanaagsaneen Soomaalinimada iyo sharafka Saxafiga.

Runtii waxaa sharaf iyo amaan badan halkaan uga dirayaa Gudoomiyaha Baarlamaanka Soomaaliyeed Shariif Xasan Sh Adan iyo gudoomiye ku xigeenka Prof. Maxamed Cumar Dalxa oo iyagu runtii ah mas'uuliyiin qiimo gaara leh ahna rag si aan caadi aheen iyagu tixgalin usiiya Saxafiyiinta.

Waxaa kalo xushmo gaara mudan si aadana uqadariya saxafiyiinta soomaaliyeed runtiina ah mas'uuliyiin si aada ubisil Madaxwaynaha Soomaaliya iyo Wasiirka Koowaad oo iyaguna ah rag macquula kuna fiican xillalka ay bulshada soomaaliyeed uhayaan, ayaa hadana waxaa haboon in ay fiiro gaar ah yeeshaan Howl wadeenadooda ayna si gaara ula xisabtamaan  waxa ay qabanayaan, waana in ay faraan in xilka ay hayaan ay bulshada soomaaliyeed u hayaan balse aysan u heeyn qoys, saaxiib iyo dad ay dan gaar ihi ka dhaxayso, waa in ay kana dhaadhiciyaan in ay uun yihiin shaqaale oo aysan aheen rag haya xil kaduwan waajibkooda loo xilsaaray. 

Hadaba saxafiyiinta soomaaliyeed ayaa isla maanta shir muhiim ah ka yeeshay sharafdhicii soo gaaray iyagoo amuurtaas si aada uga walwalayay isna waydiinayay wax kallifay arintan.

Qaar kamid ah Xubnaha baarlamaanka soomaaliyeed ayaa iyagu qaarkood muujinayay sida ay uga xunyihiin waxa dhacay.