Ciyaar Shalay Galab Ku dhexmartay Garoonka Cabdi Bile Cabdi Gobollada Karkaar Iyo Sool Oo Lagaga Badiyey Sool.

 

 

 

 

 

Laascaanood(Radiolascaanod.com)Sun.19/12/04:-Ciyaar shalay galab ku dhexmartay Gobollada Sool Iyo Karkaar ee Dawlad Goboleedka Puntland Ee Soomaaliyeed Magaalada Laascaanood ayaa waxay ay ku dhamaatay Hal iyo eber, ka dib markii ciyaar yahan u dheela Kooxda Karkaar uu Goolkii daqiiqadihii ugu horeeyey ka dhaliyey Xulka Gobolka Sool, waxaana goolkaasi u dhaliyey Gobolka Karkaar Ciyaar yahan ka u qaata lanbarka 9 oo lagu magacaabo C/samad C/laahi.

Ciyaarahan oo lagu soo xulay xulka qaranka ee dawlad Goboleedka Puntland ayaa ahaa kuwo laga qaban doono gobollada Puntland oo dhan iyaga oo laba gobolka ay ciyaar yeelan doonaan ka dibna laga soo xuli doono xulka qaranka.

 

 

 

 

 

 

 

 

Xulka G/Karkaar Ee Badiyey

Tababaraha xulka Gobolka Sool, isla markaana haatan ah kan Puntland Cabdi Siciid abukar ayaa sheegay in Xulka Gobolka Sool uu wacdaro muujiyey hasa yeeshee Goolkaasi si lama filaan ah uga dhashay wuxuuna sheegay in gool hayaha xulka Sool ay si fududu u dhaaftay Kubadaasi, wuxuuna sheegay in xulka gobolku si wanaagsan uu ciyaar qurux badan u soo bandhigay.

 

 

 

 

 

 

 

 

 

Xulka G/Sool Ee Laga Badiyey

Ciyaarahan oo socon doona ayaa waxa iyagana ay ciyaaro lagu eegayo heerka gobollada ay ku dhex maridoonaan magaalada Boosaaso Gobolka Barri iyo Gobolka Sanaag, halka ay Nugaal iyo Mudugna ku ciyaari doonaan Gaalkacayo ayaamaha soo socda.

Ciyaartii shalay ka dhacday Garoonka cabdiu bile cabdi oo ay dadweyne aad u tiro badani ka soo qayb galeen ayaa lama filaan ku noqotay reer Laascaanood si deg dega ah ee Xulka Gobolka Looga badiyey iyada oo ay sheegeen dadweynaha ciyaaraha Xiiseeyaa in ay dareemeen in aanu xulku u soo diyaar garoobin Ciyaartaasi.

Laascaanood Puntland J.F Somaliya

Radiolascaanod.com
radiolascaanod@yahoo.com