Daabaco Boggan | Print

---

Maleeshiyooyinka hubaysan ee ku sugan magaalada kismaayo oo fariisinta ka dhiganaya deegaanaka beerxaani ee ku yaala duleedka magaalada kismaayo oo sii badanaya iyo maamulka isbahaysiga dooxada jubba oo arintan isha ka dhowraya

• Waraysi: jaamac aadan dheere oo ah gudoomiyaha ururkan saldhiga ka dhigtay degaanka beerxaani,

Waxaa habeenimadii xalay aheed dib ugu soo laabtay magaalada kismaayo gudoomiyaha golaha badbaada iyo midnimada qaranka soomaaliyeed mudane jaamac aadan dheere oo safar maalmo qaatay ku soo kala bixinaya tuulooyinka jamaal cabdala beerxaani cabdidhoore oo uu sheegay in uu halkaasi ka waday dadaalo uu ku doonayo in sare loo qaado loona dhamaado dowlad goboleedka laga dhisayo gobolka jubbada hoose ,

Hadaba waxay wararka ka imaanaya deegaanka beerxaani oo 32km u jirta magaalada kismaayo sheegayaan in ciidamo aad u fara badan oo ka kala yimid deegaanada afmadoow, dhoobleey iyo tuulooyin kale ay halkaasi yimaadeen isla markaana ay ku biireen ciidamada inta dhawaanahanba ahyed ku sugnaa halkaa ee la magacbaxay golha badbaadada iyo midnimada qaranka soomaaliyeed

Waxaa sidoo kale la sheegayaa in ay halkaasi soo gaareen ciidamo ka tirsan kuwii uu watay jeneral morgan oo ah ciidamadii ka haray moorgan isla mar haantaa ay ka midnoqdeen ciidamada loo taba barayo golaha midnimada iyo badbaadada qaranka soomaaliyeed,

Hadaba waxaa saakay inoo suura gashay in aan gurigiisa kula kulano jaamac aadan dheere oo ah gudoomiyaha ururkan saldhiga ka dhigtay degaanka beerxaani, hadaba su aashii ugu horaysay ee aan waydiino jaamac waxay ahyed maxay tahay ujeedada ugu weyen ee ciidamada loogu uruurinayo looguna taba barayo deegaanka beerxaani ,

waxa uuna ku jawaabay ugu horyen ciidamadaan waa kuwii soo dhaweyn lahaa dowlada FDKMG ah ee soomaaliyeed ee la filayo inay dhawaantan ka hawl gasho soomaaliya sidoo kala waxa uu sheegay in ay ciidamadaan yihiin kuwii hananlahaa maamul goboleedka aynu ka dhisi rabno gobolka j/hoose ,

suaal: maxay ka badalayaan ciidamadiina iyo maamulkiina gobolka j/ hoose hadii ay idiin suura gasho in aad la wareegtaan maamulka gobolkan

jawaab. waxaan filayaa hadaanan damacsanyen in aan wax ka badalno gobolkan in aanan dooneen maamulkeeda waxaana jecelnahay in aan bulshda ku dhaqan gobolkan ay nabad ku seexato kuna soo toosto taasina waxay noogu suuro galaysaa kasbashada dareenka dadyowga ku dhaqan gobolkan,

suaal, maxaad hada kaga duwantahiin maamulka hada ka jira gobolkan gaar haan magaalada kismaayo ee isbahaysiga dooxada jubba,

jawaab, walaal waxaan kaga duwanahay maamulka hada ka jira magaalada kismaayo ugu horeyen anagu ma nihin beel kaliya ee waxaan ka koobanahay dhamaan beelaha daga gobolkan oo noocwalba leh waxaana soo dhawaynaynaa wax walba oo dan u ah bulshada ku dhaqan deegaankan waxaan kaloo soo dhawaynayanaa fikir walaba oo dimoqoraadi ah oo ka yimaada shacabka gobolkan,

suaal, xageebuu maamulkiinu ka helaa dhaqaalaha aad ku kala socodsiisaan maleeshiyooyinka aad tababarka u fuerteen ee faraha badan,

jawaab, dhaqaalaha waxaa nala garab taagan walaheena dibada ku sugan ee ka danqanaya dhibaatada ka jirtma maanta gobolka j/hoose

suaal, hadii maamulka isbahaysiga dooxada jubba ay ka horyimaadaan maamukiina maxaa idin la gudboonoo aad ku dhaqaaqaysaan,

jawaab, waxaan ku dhaqaaqaynaa wax walba oo dan u ah bulsho weynta ku dhaqan gobolkan waxaana mar waliba ka dhiihdinaynaa maamul xumada ka jirta gobolkan,

hadaba isku soo wada duuboo waxaa baryahan isfeer socda dadaalo ay wadaan labadan maamul ee kala ah isbahaysiga dooxada jubba iyo midkan kale ee ah golha midnima iyo badbaadada qaranka soomaalieed dadaaladan oo ku saabsan sidii ismaamul goboleed loogu samyen lahaa gobolada jubooyinka waxaana sidoo kale ilaa iyo iminka uusan hadal ku saabsan maamulkan cusub kasoo bixin sibahaysiga dooxada jubba

faysal xaaji siyaad muumin
kismaayo soomaliay
faysalsiyaad@hotmail.com

WararkII SHALAY:::
»Reer London Canada oo taageeray Ra,iisal Wasaaraha DFKMG
»Ibraahin Cali: Waxaa Muhiimsan Dawlada oo hesha Aqoonsi
»Maalinta xaquuqul aadamaha oo laga xusay kismayo
»Dr.Ax'ed Ciise Qullaan oo Soosaaray Qoraal... Suldaan Hurre
»Hadalkii Wasiir Kuxigeenka Kalluumaysiga iyo Kh/Badda
»Shir dhex maray Xildhibaan Furux iyo Shirkad Canada ah
Dhammaan ka akhri halkan... Guji...

Kulaabo bogga  www.SomaliTalk.com 

SEARCH