Puntland: Dal Shacab leh Aanse Lahayn
XukuumadQormo taxane ah
- Warbixno taabanayo dhinacyo
badan sida maamulka dhaqaalaha waxbarashada isgaarsiinta saxaafada
iwm;
Gaalkacayo:
Waxay ahayd xili barqo ah markii ay
caga dhigatay dayuuradii aan saarnaa garoonka diyaaradaha ee magaalada
gaalkacayo 29-11-2004 waxaan ahaa qofkii afraad ee dhulka cagaha dhiga
anigoo oo hilow weyn u qabey dhulkayga hooyo walow ay iigu damaysay
bishii julay ee sanadkaan 2004 inkastoo aan markaasna joogey sadex casho
oo qura.
Waxaan la kulmay markii iigu horeysay
laba nin oo dhalinyaro ah oo aad u feejigan isla markaasna aad moodid
inay raadinayaan dad denbiilayaal ah, durba waxay igu bilaabeen keen
baasaborkaaga, waxaan ku iri maxaad ahaydeen, waxay si xamaasadi ku
jirto iigu sheegeen inay ka socdaan laanta socdaalka iyagoo ileh noo
dedeji, dadkii kalena si aan deganayn ayeey ula hadlayeen iyaga oo kor u
qaylinaya, waxaan weydiiyay wax aqoonsi ah mahaysataan inaad ka
tirsantihiin laanta socdaalka, labadii oo aan hadlin ayaa si foolxumna
ah waxaa iigu jawaabey askari sitay shaati tuute ah iyu surwaal caadi ah
isla markaasna xanbaarsan qori AK47 ah isaga oo ay ka muuqato caro,
kadib waxaan ku iri sug, waxaanan u dhiibay baasaborkaygii, waxaana
khasab igu noqotay inaanan raadsan boorsooyinkaygii ee aan daba galo
askartii iyaga oo hadba qof afla gaadeynaya oo qoriga baadkiisa ula
baxaya si ay uga qaadaan baasaboorka uu sito.
Saacad kadib ayaanu nimi xafiis ay
yaaliin miis iyo laba kursi labadii ayaa dhalinyarada ahaa ayaa kala
fariistay midna wuxuu hayaa baasaboorada oo warqad boona ah ayuu
magacyada ku qorayaa, midna lacagta ayuu qabanayaa, waxaa la igu amray
inaan bixiyo 20$ doolar, waan bixiyay baasaboorkaygii ayaa la isiiyay,
markaa kadib ayaan guda galay inaan raadsado boorsooyinkaygii.
Airaborka gaalkacayo waxaan ku arkay
inuusan ahayn sidii aan ku ogaa xiligii iigi damaysay, wuxuu u ekaa mid
horumar sameeyay marka loo eego xiligaas walow aan la oran karin waa
horumar balaaran, waxaan usoo boqoolay dhankaas iyo magaalada runtii
gaalkacayo waxaa la oran karaa waxay ka mid tahay magaalooyinka aadka u
koray burburkii ka dib waxayna samaysay horumar balaaran oo dhinacyo
badan leh horumarkaas oo ah mid ay sameeyeen dadka shacabka ah oo
badankood ka kala yimi dibadaha ....
lasoco qaybaha kale....
abdisamd yusuf maxamed (abwaan)