Boosaaso: Madaxwaynaha
Puntland oo ku soo laabtay dalka kadib safar bil qaatay....
Madaxwaynaha DGPL Gen. Cadde Muuse ayaa Jimcadii (Feb 9,
2007) dib ugu soo laabtay magaalada Boosaaso ee xarunta
gobalka Bari halkaasi oo uu ka duulay xiligii uu u
anbabaxayay dalka dibadiisa safar dheer oo uu ku tagay
wadamo dhawr ah oo ay ugu horayso Emaratka carabta, halkaasi
oo uu kula kulmay qaar ka mid ah shirkadaha macdanta ka
baaraya deegaanada Puntland kadibna uu uga sii gudbay dalka
Germany halkaasi oo la sheegay in uu u tagay safarkiisa
gaarka ah ee la xirira baaritaan caafimaad.
Imaanshada ka sokow madaxwaynaha Puntland ayaa waxaa la
filayaa in uu sida ugu dhakhsaha badan u guda galo hawlo
badan oo ku xirnaan imaanshaha madaxwaynaha kuwaasi oo
gaabiska dhigay habsami u socodka shaqo ee dawlad Goboleedka
Puntland.
Madaxwaynaha DGPL iyo wafdigiisa ayaa waxaa magaalada
Boosaaso ku soo dhaweeyey qaar ka mid ah madaxda dawlada oo
ay ku jiraan wasiiro/ wasiiro kuxigeeno iyo qaar ka mid ah
laamaha kala duwan eee shaqaalaha dawaldaha iyo dadwayne aan
sidaasi u siibadnayn.Waxana uu markaas u gudbay madaxtoyada
Bosaso halkaasi oo uu kula kulmay wafti maalmihii ugu
danbeeyay ku sugnaa magaalada bosaso oo ka yimid dalkaasi
Jabuuti kuwaasi oo si gaar ah u qaabilsan hawlaha Badaha.
Wafdiga ka yimid Jabuuti ayaa markii danbe u anbabaxay
dalkooda jabuuti iyaga oo sheegay in ay mudo bil gudahood ah
ku soo laaban doonaan islamarkaana ay wajihi doonaan hawlaha
dekeda Bosaso oo ay sheegeen in ay ku samayn doonaan
dayactir wayn.
Si kastaba ha ahaatee, madaxwaynaha puntland ayaa dalka
dibadiisa ku maqnaa mudo halkaasi oo markii hore safarkiisu
ahaa mid la xiriira caafimaadkiisa gaarka ah hase ahaatee
markii danbe isku badalay mid la shira qaar ka mid ah
shirkadaha macdanta ka baaraya puntland, shirkaasina uu ka
dhacay Dubai iyaga oo ilo xog ogaal ah laga soo xigtey in
shirkada Range ay sheegtay in Puntland looga baahan yahay in
ay meel ku cadayso kharashaadkii ay shirkadaasi ku bixisay
arimaha bulshada iyo sidoo kale dayactirka garoonka Garowe
iyada oo shiradu sheegtay in hadii xal loo helo meelaha ay
ku kala baxeen kharshkii ay shirkadaasi bixisay ay bixin
doono balan qaadkeedii inta ka dhiman walow madaxdii
puntland ee shirka fadhidayna ay markaas waxcadayn ah u
waayeen sida kharshkaasi u baxay, waa sida laga soo xigtey
ilo xog ogaal ah'e.
Cade Muuse ayaa ku soo laabtay Boosaaso iyaga oo ay dhacday
hamigii loo qabay xukuumadiisa, waxaana arrintaas dadweynuhu
u aanaynayn in Cadde Muuse markii loo magacaabay xilka
madaxwaynenimo uu ballan qaaday in uu wax badan ka qaban
doono arimaha bulshada isaga oo sheegay in uusan cidna
xaqeeda duudsiinayn, taas oo shacabka reer Puntland ay
sheegeen in balan qaadkaas Cadde Muuse laga waayay. Qaar
shacabka ayaa tilmaamay in madaxweynaha oo mudadii xilka loo
doortay ay ka harsan tahay sanad ayaysan jirin wax horumar
ah oo la sheegi karo oo uu cade muuse soo hooyay intii uu
xilka hayay, taariikhda ayaa is guraysa nin walbana waxaa
lagu soo xasustaa wixii laga dhaxlo oo uu bulshada guud
ahaan u qabto.
A/rizak koronto
Garowe Puntland
Faafin: SomaliTalk.com |
Feb 9, 2007
Shirkadda Range oo
Sheegtay in Saddexdii bilood ee lasoo dhaafay ay
Garoonka Diyaaradaha ee Garoowe siisay US$313,000
lacagtas oo aad uga badan tii ay DGPL sheegtay in
shirkadu bixisay..
Akhri...
![](/terry/arrowleft.gif)
![](/terry/arrowright.gif)
|