Salaadda
Curiye:- Xasan Bulxan Cali
bulxan105@hotmail.com
Gabaygan la magacbaxay
Salaadda Waxaa curiyay Abwaan Xasan Cali Bulxan, oo ku nool magaalada
Caabud-Waaq ee waddanka Soomaaliya, taariikhdu markay ahayd 28/07/04.
Abwaanku wuxuu aad uga
warramay faa'idad Salaadda. Wuxuu sidoo faahfaahsan u sheegay
khasaaraha adduun iyo midka aakhiro lala kulmayo haddii la dayaco
Salaadda.
Wuxuna gabaygiisii ku
bilaabay:
- 1-Siinleydi
gabay waayahaan suurshay oo nacaye
- 2-Samaan iyo
xumaan waxay lahayd saa umaan dhugane
- 3-Mana rabo
inaan soo ceshoo nacay siyaaxeede
- 4-Haddii uu
sarrayn leeyihiyo siifad iyo luuli
- 5-Cabdi galayax
buu saarilaa samada guudkaahe
- 6-Isna seyri
goortii udayay siira xumadiise
- 7-Samiciina
iifura run waa laga salgaaraaye
-
- 8-Suuradda
quraankiyo siduu sheegay Nabigeennu (scw)
- 9-Ama uu
siraajkuba dhigoo saaka lay mariyay
- 10-Ruux salaad
dayacay sida uu rabo uma samaadaane
- 11-Inta uu
sag-saaguu ka mudan saamigii duniye
- 12-Qof sujuudda
diidoo nacoo kibir santagleeya
- 13-Mar kaluu
jawaab saxa ka heli Saatirkii faraye
- 14-Saqariyo
kulayl baa la gelin suudi holac weyne
- 15-Samhariira
naariyo dabbaa lagu solaayaaye
- 16-Sakaraadka
waa lagu dhibaa kii sahlada Diine
- 17-Duul ibliis
sakaansaday darxumo seegi mahayaane
- 18-Su’aalaha
qabriga kama fakado saaqid caasiyehe
- 19-Jawaabtii
markuu seego oo salal la fiigtaamo
- 20-Sarwaan
naarabaa lala dhacaa siiqe xoog badane
- 21-Qof ka
samatabixiyaa majiro silica maantaase
- 22-Saaxiibnimo
mataalliyo tolnimo la isku sooryayne
- 23-Camal
suubban hadduu fali lahaa lama surquunsheene
- 24-Siyaaxii
adduunkaa la tagay sahal ciyaarkiiye
- 25-Siigee
qiyaamiyo halkii saxada fiicnayde
-
- 26-Sidbashada
Iblays goorti uu siriqda kuu qoolo
- 27-Sibibixasho
meel daran markuu siibad kugu xooro
- 28-Markuu
silicdilyada malag amrani soorre kaa badiyo
- 29-Markii aad
sur-suur adag gashoo sigato ood yaabto
- 30-Surrucaad
daraaddii markaad damacdo soo laabad
- 31-Siigiyo
Allow ciidda yaa saaka iga yeela
- 32-Shallaytada
sawaxankaa adoo kor u sannaarayso
- 33-Saboolnimo
dhab ahi waa adoo taga sal-naareede
- 34-Ha ku gadan
sareedada jannada sagan cadaabeede
-
- 35-Mu’minkiise
saahidoo an gelin seerki laga ooday
- 36-Sunnihiyo
maktuubaadka dhigan kii sax ugu toosa
- 37-Saqda dhexe
alleylkii midkaan seexan ee kacaya
- 38-Qofkii
saamax Eebbihiis warsadee sacabadow taagta
- 39-Sina uma
hungooboo Rabbaa siin wuxuu rabaye
- 40-Samiic iyo
basiir wuxuu ogyahay saabka waxa yaalle
- 41-Kuwa samaha
fala waw diyaar soo dhoweyn wacane
- 42-Waxaan
dheguhu sowdkooda maqal aragna suuraynin
- 43-Qalbi
aadanana soo gelayn saban hadduu joogo
- 44-Ayuu Waaxid
sidig kaaga dhigi siin an noqodlayne
- 45-Webiyada
sun-sumibaa ag mara seerka gogoshaa e
- 46-Kuwaa malab
la soociyo la mida caana saafiyehe
- 47-Simaartiyo
khudaartii haddaad damacdo Saytuunka
- 48-Salka kama
kacayside adoon soconin waa yaalle
- 49-Sacaadada
halkaas Eebbe dhigay sawd ku koob ma lehe
- 50-Kii nasiibki
siiyaa hantiyay guul saddano weyne
- 51-Dadkuna uma
sinnoo aadanuhu kala tag saadkiiye
- 52-Kuwo sacab
an wadanbaa jiroo naari sidataaye
- 53-Sahay fiican
ruuxaan lahayn suudi waw halise
- 54-Marka uunku
wada sooganyee silicu uu yaallo
- 55-Toddoba
saxarka laga dhawraybaa saa u daawada e
- 56-Sitaacaas
waxaa loogu dhigay sida ay yeeleene
- 57-Subax iyo
habeenkeed is xiga saaca tiradiisa
- 58-Wax sujuud
lagaa doonayaa sulus ma gaaraane
-
- 59-Camalkaad
samaysoo dhammaan suubban oo sharafle
- 60-Haddii ay
salaaddii xuntahay waa sallaan marane
- 61-Waana sadar
maktuubohoo ku dhigan saanta oogada e
- 62-Munkaraadka
way suulisaa faaxish saaruqehe
- 63-Ficillada
jannada sababa way ugu sarraysaaye
- 64-Xaddiis
sugan sidii uu ahaa waad lasocotaane
- 65-Kala sooca
gaal iyo islaam waa salad qurehe
- 66-Qofkii sayra
oo naca kufribay sidig wadaagaane
- 67-Ha dayicin
siraad weeye baxa oo ku saacide e
- 68-Sabaan
aakhirbaa lagu jiraa laisa seegaaye
- 69-Ruuxba
maalinbuu soconayaa malag surgooyaaye
- 70-Sandareerto
weeyaan falkaad sado u mooddeene
- 71-Ka
subxaanalaah dhaha waxaad xuma samayseene
- 72-Sikhi lama
cadaabiyo ninkii daralla siistaaye
- 73-Sadaqada la
baxa aakhiray siinad kuu noqone
- 74-Soonkiyo
salaaddiyo xajkoo saran helistaada
- 75-Sugitaan la
aamino wixii Saatir kugu beego
- 76-Sunnaha iyo
faralkiyo dhammaan soohdimaha Eebbe
- 77-Markii aad
sirqowdiyo ilaa sabi ahaantaada
- 78-Haka suulin
weligaa inaad samo u dooddaaye
- 79-Shaqi iyo
siciid waa horay kala sugnaadeene
- 80-Inta adan
sadaadiyo dhib mudan sababta ruuxaaga
- 81-Salligii
rasuulkiyo badsada subuca yaasiinka.
--------------------------------------------------------
Dhammaad
Curiye:- Xasan Bulxan
Cali
bulxan105@hotmail.com
Daabaco
Boggan | Print