Madaxweynaha Jamhuuriyada Federaalka C/laahi
Yuusuf oo wafti Balaadhan Oo Uu Horkacayo Madaxweyne Bush Ku Soo Dhaweeyey
Garoonka Diyaaradaha ee Muqdisho.
Qore Assad Caddaani Ibraahim.
Laascaanood Puntland Soomaliya
assadlaska@yahoo.com
Waxaan Todobaadyadii ugu danbeeyey daalacday
maqaalo is daba joog ah oo uu sxb-kay Fahad Yaasiisn Xaaji Daahir , maqaaladaas
oo u badnaa kuwo uu Fahad isku dayeyo in uu tilmaamo in uu muujiyo dhacdooyinku
sida ay ula muuqdaan , isaga oo marna madaxweynihii Hore ee Soomaaliya alla
hawnaxariistee Siyaad Barre ku halqabsanaya, Khudbad aad u macaana u diyaariyey
Madaxweyne C/laahi Yuusuf.
Ayaa waxa aan hadaba dareen ahaan qabaa in
arrimihii uu Fahad Ka Soo hadlay aad moodi in ay la mid tahay.
Halkani waa Radiomuqdisho.
Madaxweynaha Jamhuuriyada Soomaaliya mudane C/laahi
Yuusuf Axmed iyo Raysalwasaare Cali Maxmed Geedi, iyo golihiiso oo dhan ayaa
maanta ku soo dhaweeyey Garoonka diyaaradaha ee magaalada Muqdisho Wafti
balaadhan oo oo ka socda dalka Maraykanka.
Wufuudan oo uu ugu soo horeeyey madaxweynaha
dalka Maraykanka Bush ayaa waxa ay isaga iyo madaxweyne C/laahi Yuusuf Axmed
Salaan sharaf ka qaateen cutubyo ka tirsan ciidamada qalabka sida, waxaana loo
riday 21 madfac waxaana wajiyadooda ku muuqday farxad iyo rayn rayn.
Madaxweynaha dalka Maraykan oo ay wehelyaan
wafti balaadhan oo ka kooban wasiiraka arrimaha dibada, wasiirka gaashaan dhiga
, iyo la taliyaha madaxweynaha maraykan dhina nabad galyada qaranka , ayaa waxa
ay gacan qaadeen madaxda sare ee dawlda Soomaaliya oo uu ugu horeeyo Raysal
wasaare Cali maxamed Geedi, iyo golihiisa wasaaradadaha.
Salaanta ka dib ayaa waxa madaxweynaha
maraykanka hore u sii galbiyey madaxweynaha jamahuuriyada Fedreaalka Soomaaliya
C/laahi Yuusuf Axmed., iyada oo lagu galbiyey gawaadhi aad u qurux badan.
Dadweyne aad u tirobadan ayaa waxa ay
tubnaayeen wada dooyinka u dhaxeeya Garoonka iyo Xarunta madaxtooyada Villa
Somalia, iyaga oo caleemo qoyan iyo labada Calan ee Soomalaiya Iyo Dalka
Maraykan ka Ruxaya,halkaas oo lagu dajiyey waftida uu hogaaminayo madaxweynaha
maraykanka oo booqasho rasmiya oo qaadan doonta Toban maalmood ku joogi doona
dalka Soomaaliya.
Madaxweynaha Maraykan ayaa intii uu jidka ku
soo jiray waxa uu aad ula dhacay bilic iyo quruxda ka muuqata magaalada
Muqdisho, isaga oo aad u waraystay dhirta faraha badan ee ay magaaladu lee dahay
iyo daaraha u eg dhismayaasha magaalooyinka Yurub ee quruxda badan.
Waxa kale oo uu madaxweyne Bush aad ula yaabay
sida wanaagsan ee ay gaadiidku u dhexmushaaxayaan wadooyinka magaalada
Muqdisho, iyada oo aanay waxaa dhibaato ahi jirin, wadooyinka balaadhnaantooda
ayuu madaxweyne C/laahi kula kaftamay , wadooyinka sidan oo kala ah annagu ma
lihine idinku waad naga nasiib badan tihiin, madaxweyne C/laahi ayaa ugu
jawaabay dadal dheer iyo karti iyo dulqaad ayaanu waxaad arkaysid madaxweyne
Bush ku samaynayn.
Qado sharaf loogu sameeyey madaxweynaha
maraykan qasriga madaxtooyada ayaa waxa halkaasi weedho isku dhaafsaday labada
madaxweyne, madaxweyne Bush ayaa sheegay in xidhiidhka wanaagsan ee labada dal u
dhexeeya uu jecel yahay in la sii xoojiyo, iyada oo dhinaca dhaqaalaha laga
marauyo, wuxuuna madaxweynaha Maraykanku sheegay in ay Soomalaiya ka qaadan
doonaan xoolaha Nool, iyo badeecadaha kale, si ayuu yidhi ganacsatada laba
dhinaca uga faa’iideysto.
Madaxweyne C/laahi Yuusuf Axmed ayaa isaguna
kulankan waxa uu ku dheeraada xidhiidh u dhaxeeya labada dal si sidii loo sii
xoojin lahaa , wuxuna balan qaaday in dhinacooda ay xoojin doonaan , mar uu
madaxweyne C/laahi Yuusuf ka hadlayey Ladagaalanka Argagixisa waxa uu sheegay in
ay Soomaaliya Talaabo wax ku ool ah qaaday , manta ay san jirin goobo looga
shakiyaa dhaqdhaqaaq argagixiso oo gudaha Soomalaiya ah.
Intaasi ka dib ayey labada Madaxweyne u
dhaqaaqeen dhinaca masrax qaranka halkaas oo ay ku daawadeen bandhig faneed ay
isku soo duba rideen hobolada waabari , waxaana halkaas ay ku soo bandhigeen
wacdaro, iyada oo ay aad u cajabiyeen heesihii halkaas lagu soo bandhigay
madaxweyne Bush oo aad ka dareemaysay in uuba la qabsanyo mucikada dananaysa.
Madaxweynaha Maraykanka iyo waftiga uu
hogaaminayo waxaa lagu wadaa in ay booqdaan goobo badan oo uu maraykanku
mashaariic ka fulinayo Gobolada Soomaaliya, waxaana lagu wada in uu ugu horeeyo
magaalada Hargeysa oo dawlada Maraykanku ka hirgalisay warshad weyn oo ku
shaqayn doonta yuraanimaymka la khafiifiyey , warshadan oo Soomalaiya oo dhan
awooda korantada siin doonta, wada geeska afrikana mustaqbalka dhow laysku xidhi
doono dhinaca awooda korontada.
Waxa kale oo uu Booqan doonaa Bush wadad isku
xidha Kismaayo iyo Muqdisho oo uu dib u dhis ku samaynayo maraykanku.
Dhagaystayaal intaas waxaan ku soo
gabagabynaynaa Barnaamijkii Gaarka ahaa ee aynu ku qaadaa dhigaynayn Booqashii
uu Madaxweynaha Maraykanku ku yimi Dalka Soomaaliya, Tan iyo kulanti Danboo
xiisa leh waxaanu idinkaga tageynaa sidaas iyo Nabad galyo .
Halkani Waa Radiomuqdisho
Intaasiba dhab uma dhicine waa qayb ka mid ah
Riyo layaableh.
Qore Assad Caddaani Ibraahim.
Laascaanood Puntland Soomaliya
assadlaska@yahoo.com
Halkan ka akrhi Maqaalkii
Khudbadii Madaxweynaha
|