Toronto, Canada: Shirweynaha 6aa ee
Dhallinta Ku Barbaartay Woqooyiga Ameerika
- Xasan Dhooye (Abuu Xafso) |
SomaliTalk | Toronto, Canada
dhooye@hotmail.com | Maarso 26, 2005
SAWIRRO:
Kulanka aan ka qaadnay ka eeg halkan.....
Ilaahay baa mahad leh Nabi Maxamedna
Naxariis iyo Nabad galyo korkiisa ha ahaato.
Waxaa shalay ka bilowday Hotel wayn oo
kuyaala Magaalada Toronto Shir wayn oo aad loo soo qaban
qaabiyey looguna tala galay da'yarta ku dhalatay ama ku bar baartay
Waqooyiga America wiilal iyo gabdhoba, shirka ayaa lagu jeedinayey
luuqada Ingiriisiga ayna kasoo qayb galeen Culimo waa waayn oo caan ka
ah Waqooyiga America,
sida:
SH. WALEED
BASYOUNI:
Shaikh Waleed Basyouni waa iimaamka Ta'leemul Islaam Masjid
ee Houston,Texas. Waana macallin American Open University. Shahaadada Masters
ee Islamic
Creed waxa uu ka qaatay Al-Imam Muhammad Ibn Saud University ee Riydah, Saudi Arabia.
Hadda wuxuu ku gudajiraa sidii uu ku qaadan lahaa Doctorate Degree.
Shaikh Waleed waxa uu nasiib u helay in
uu wax ka barto culimo aad u qiimo badan oo ay kamid yihiin: Shaikh `Abdul`Aziz Ibn Baaz,
Abdur-Razzaque Afify, Ibn Jibreen, Shaikh Al-Barrak iyo kuwo kale.
DR. ABU AMEENAH
BILAL PHILIPS:
Abu Ameenah Bilal Philips
waxa uu ku dhashay Jamaica, laakiin waxa uu ku koray Canada, halkaas oo uu ku
Islaamay sannadkii 1972. Waxa uu Dibloomada Carabiga iyo B.A. kaqaatay College of Islamic Disciplines (Usool
Ad-Deen) ee Islamic University oo ku taal Madeenah sannadkii 1979. Waxana
uu Jaamacada University of Riyadh, qaybteeda College of Education, ka qaatay M.A.
[Islamic Theology] sannadkii 1985, Waxana uu shahaadada Ph.D ka qaatay University of
Wales qaybteeda Islamic Studies sannadkii 1994.
Abu Ameenah waxa uu muddo toban sano ah
macallin ka ahaa iskuul 'Private' ah oo ku yaal Riyadh, Sucuudi Arabia iyo
saddex sano oo uu macallin ka ahaa Shariff Kabunsuan Islamic University oo ku
taal Cotobato City, Mindanao, Philippines.
Sannadkii 1994 ayuu asaasay xarrunta Islamic Information Center
oo ku taal Dubai, United Arab Emirates, taas oo hadda loo yaqaan "Discover Islam"
waxana uu macallin ka yahay American University oo ku taal
Dubai iyo Ajman University oo ku taal Ajman, UAE.
SH. ABU AMMAR YASIR
QADHI:
Yasir Qadhi, oo ah graduate Madiinah University, College of Hadith,
waxa uu shahaadada Masters oo ah Aqeedah (Caqiida) ka haystaa Isla
jaamacadaas. Waxana uu shahaadadiisii Bachelors
ku qaatay Chemical Engineering ee jaamacada University of Houston.
Waxa uu qoray buugaag farabadan sida:
Ar-Riyaa’: The Hidden Shirk, Du'aa: The Weapon of the Believer, iyo An Introduction to the Sciences of the Qur'aan. Shaikh Yasir Qadhi
waxaa aad looga yaqaan jaaliyadaha USA, Canada iyo UK oo uu fasalo ka
bixiyo.
SH. ABDULBARY
YAHYA:
Sheikh Abdulbary Yahya Waxa uu ku dhashay dalka
Vietnam xilligii uu socdey dagaalkii Vietnam. Dagaalka ka dib waalidkiis waxay
yimaadeen dalka USA, halkaas oo ay intii waagaas ka dambeysey ku noolaayeen.
Waxa uu ku koray Seattle, markii uu dhameeyey dugsiga sarena waxa uu toos u
aadey jaamacadda Madiinah University. Abdulbary markii uu ka qalin jebiyey
Colleejada Shareecada waxa uu ku laabtay Vietnam iyo Cambodia halkaas oo uu ka
noqday macallin. Shaikh Abdulbary Yahya hadda waxa uu Immaam ka yahay
Masjid Jaamiul Muslimeen oo ku yaal Seattle, waana madaxweynaha Cham refugee
community, iyo madaxweyne ku xigeenka Islamic Center of Washington State, waana
macalin Al-Maghrib Institute.
SH. MUHAMMAD
IBN FAQIH:
Muhammad Faqiih waa shiikh ka soo jeedo
magaalada qadiimka ah ee Harar ee ku taal geeska Afrika. Asalkii waxa ay
awoowayaashiis ka yimaadeen dalka Yemen halkaas oo ay laajinimo ku tageen
Afrikada Bari, kuwaas oo qayb libaaxle ka qaatay taariikhda Islaamka ee geyigaas,
taariikhdaas oo nasiib darro hadda lasii hilmaamayo.
Muhammad Faqiih waxa uu ku koray Saudi Arabia,
kaddibna waxa uu tegey USA, waxa uuna dhigtay Ma’ad oo ku taal Virginia.
Qaraabadiisu waxay ka kala yimaadeen dalalka Syria, Palestine, iyo Pakistan, iwm.
Hadda waa Imaamka Masjidka Columbus, Ohio.
SH. YASSIR IBRAHIM MUHAMMAD:
Sh. Yaasir waxa
uu ku dhashay Eritrea, woqooyiga Afrikada bari, waxana uu USA tegey asagoo 15
jir ah. Markii uu dhamaystay dugsiga sare waxa uu Bachelors ka qaatay Imam Saud University Institute of Islamic and Arabic Sciences
oo ku taal Virginia. Waxana uu shahaadadiisa Masters [Psychotherapy] ka qaatay California
State, Long Beach. Hadda waa professor wax ka dhiga American Open University
oo ku taal Alexandria, Virginia.
Sh. Yaasir waa Imaamka Orange County Islamic Foundation, Mission
Viejo, halkaas oo uu wax ka dhigo. Waxana uu Shiikhu haystaa shahaadada PhD oo
uu ku qaatay Psychology.
USTAADH SH.
MUHAMMAD ALSHAREEF:
Sh. Muhammad waxa uu dhashay sannadkii
1975 kuna koray Canada. Markii uu yaraana waxa uu xafiday Quraanka. Waxa uu ka
qalin jebiyey Jaamacada University of Madiinah oo uu ka qaatay Islamic Law
degree,
sannadkii 1999. Waana asaasaha Al-Maghrib Institute halkaas oo uu
macallin ka yahay.
Culimada kale ee ka hadlay kulanka
waxaa kamid ah:
- Shaykh Abdiqani Bashir (Kenya)
- Br. Riad Saloujee
- Br. Ibrahim Downey
- Br. Abdishahid Ibn Stantly
Shiikh Cabdlla Ibnu jibriil oo kulanka toos asaguna u daawanaya,
kulankana toos looga daawanayo asagoo jooga Sucuudiga |
Waxaa kale oo jira Culimada kale ee waa
wayn oo laga soo xirayey iyagoo muuqaal ah si toos ah Sucuudiga (LIVE
VIDEO CONFERENCE), sida........
- Sh. Dr. Saalih Ibn Fouzan
- Dr. Saalih
Ibn Ghaanim
- Shaikh
Dr. `Abdullah Ibn `Abdurahman Ibn Jebreen
- Sh. Dr. Ibraahim Dwaysh
kulanka waxa uu ka dhacayey Goob wayn
oo raga loogu talagalay sidoo kalena ay gabdhaha iyo waalidiintoodu ka
daawanayeen muuqaal gudbiye ama video waa wayn oo yaalay goobe kala
duwan.
Shirka ayaad maqlaysay meel kasto aad
joogto aadna arkaysay meelkasta oo aad gasho goobta uu ka socdo shirku,
wuxuu ahaa shir aad looga soo shaqeeyey ayna ka shaqaynayeen Culimada
iyo shabaabka reer Toronto si iskaa wax u qabso ah, hadaba shirka oo
kusocda si habsami ah waxaan dib idin kaga soo sheegi doonaa isagoo faah
faahsan sida uu ku dhammaado insha Alaah. Wixii cod iyo sawiro ahna
gadaal ayaan ka soo gelin doonaa insha Allah...
SAWIRRO:
Kulanka aan ka qaadnay ka eeg halkan.....
Xasan Dhooye (Abuu Xafso)
dhooye@hotmail.com
SomaliTalk.com | Toronto | Canada
Daabaco
Boggan | Print
