::: SomaliTalk.com :::

Bismilaahi Raxmaani Raxiim Allah ayaa mahad leh Nabi Mohamed Naxariis iyo Nabad galyo korkiisa ha aaato
Ummad iyo damiirkeed !!!
Indheergarad dareenkiis !!!

Meesha aan ka waramayno waa waqooyiga America North America gaar ahaan Minnesota Runtii Waa adagtay in aan soo koobo dhammaan waxaan damacsanahay in aan qoro, Ama qalbigaygu iyo qalin kuma la deg dagayaan, hase yeeshee qurux badanaa in Aad qoraal kayga akhriso, gaar ahaan haddii aad tahay ruux u soo socda qurbaha, Inkastoo aan ogahay dad badan in ay wax ka qoreen qurbaha oo taas laga Dharagsan yahay, si kastaba ha ahaatee,

Waxaan soo qaadan doonaa Gabayo Murti inta badan Gabayadaas waxaa iska leh Walaalaha Dood Wanaag, sida caada ii ahayd ama Maqaaladaydii hore u Badnaayeen Murti iyo gabayo, sida Maqaal kaygii Caan ka ahaa ee HANOO TALIYEE TUUG MAHAYSAAN ee aan Qabqablayaasha ka qoroy gaar ahaanna Aan kaga hadlayey Puntland

Inta aanan bilaabin qoraalkayga haddii aad ila socoto yeysan kaa hoos bixin Dalka-hooyo waa dahab
Qurbo laguma doorsadoo

(1) Taariikhdu April 28 2005 waxaana joogaa Africa gaar ahaan kenya Nairobi waxaana ku xaroonay Xirada weyn ee looyaqaano Goal ee qaxootiga soo dhoofaya lagu xareeyo magacyadayadii ayaa La yeerinayaa dad ku waa daalan yihiin boorsooyin ayey jiidayaan Buuq badan ayaa jira cad ceed weeye meeshu banaan ka yaa la Tuuran yahay {Sawirkaan waa Aniga iyo walaalkay Mohamed oo Goal galaynaya oo Boorso jiidayna}
Shacuurta maalintaas ma qiyaasi karo laakiin maantay oo aan Qoraalkaan aan qorayo isbadal weyn ayaa jira oo u dhaxeeya Maalintaan soo dhoofayey iyo maantay qofkii jooga qurbo ayaa taas Si toosa u dareemi kara Waa Rajadii Qurbaha Laga qabay oo Hoos u Dhacday

Waxaan Goal ku xaraysnayn mudo 5 maal mood ah Goal maxaad Nolasheeda ka garanaysaa waa meel qaxooti la is kugu keenay waa Meel cunada saf dheer loogalayo waa meel xagga nadaafadda ku Liidata waa meel dad dhibaataysan la iskugu keenay hadana Faraxsan oo aad moodo janadii in ay u socdaan ama xajjkii

Goor galab ah ayaa dad kii oo faraxsan dhowr bus la saaray Waxaana looqaaday Airportka Waxaana horkacaya Nin iyo Gabar Cadaan ah dad ku dhammaan wax cabsi ah kuma jirto Laakiin anigu waan cabsanayaa waayo meel aan u socdo waan Aqaan laakiin maadaama ay dad na wadaan maxay nagu samayn Doonaan ayey naftaydu is weydiinaysay inkastoo ay ahayd wax aan La qariibsan oo dad kii naga horeeyey ay nabad tageen hadana Waxaa jiray su,aalo badan oo naftaydu is weydiinaysay sida adiga oo gaal la socda oo daba ordaya hadii aad dhimato ka waran xaal Maxuu noqon hadana waan la dagnoo la darisnaye kaba siidaran

Waxuu yiri abwaan soomaliyeed dood wanaag in uu ku jiray ayaan Filayaa asaga oo xaaladdaan oo kale cabiraya
Ilaahey ma dabar jaro
Ma dulmiyo addoomaha
Dubbihiisu kuma dhaco
Daciifiinna kama dhigo
Haddey diinta raacaan

Waa xaqiiqo dhab ah ayuu ka waramayaa asaga oo hadalkii ama Gabaygii siiwata waxuu yiri abwaan ku
Annagaa damboownoo
Daqal jaan ku soconniyo
Doow aan habboonayn
Iska daba wareeg iyo
Dullinimo ku faannoo
Amrkaagi diidnee
Adigaa dulqaad liyo
Naxariis wax deeqdee
Ilaahoow na daba qabo
Damiirkeena soo celi

Aamiin Aamiin ilaahow nadaba qabo waxaan ka soo duulnay kenya Africa oo qofka madow uu ku ahaa libaax ama aadan dareemaynin in Aad dal shasheeyo joogto dad iidin isku diin ahayn isku dhaqan Ahayn aan ku jeclayn waxaana ogaaday africaan ku diin ha ku kala Gadisanaadee in uu isku dhaqan dhow yahay

Waxaan soo socono waxaan diyaaradii aan soo raacnay ee British Airways soo caga dhigatay London u,k

Waxaan joognay mudo 7 saacadood ah waxaa la soo gaaray xiligii Aan ka duuli lahayn london waxuu wakhtigu daqiiqad daqiiqad isku Raacaba waxaa naloo sheegay diyaaraddii aan u raaci lahayn America in ay diyaar tahay ka dib waxaan soo raacnay American Airlines oo looyaqaano marka la soo gaabiyo AA
Waxaan soo soconaba waxaan soo gaarnay meeshii ugu horaysay Ciida America oo nasiib ahaan noqotay Los Angeles

Waxaan galnay Saf dheer waxaana nala ka qaday faro iyo sawiro dhal dhalaal kii America iyo waxii aan CNN ka aan ka arki jirnay waa noo muuqdaan Indhahayaga waan ku aragnaa laakiin wali noolasha ma Qiimaynkarno oo waa tan hadana qiima dhacday sida aan qaybta Labaad aan ku sheegi doono

Lasoco Qaybta 2 Labaad

Markii aan kasoo dhoofayey Kenya

Ustaad Abdiwali Bashir Warsame MR Dalboon
cdalboon@hotmail.com | abdiwali2006@myway.com
North America Minneapolis, Minnesota